Толибон жангарилари, архив сурат

АҚШ генерали ахбороти: "Россия Толибонни қўллаб-қувватлаяпти"

346
(Янгиланган 22:13 09.02.2017)
АҚШнинг Афғонистондаги ҳарбий кучлари қўмондони генерал Жон Николсон Россия, Покистон ва Эрон радикал "Толибон" ҳаракатини қўллаб-қувватламоқда, дея баёнот қилди

ТОШКЕНТ, 9 фев — Sputnik. АҚШнинг Афғонистондаги ҳарбий кучлари қўмондони Россияни Толибонни қўллаб-қувватлаётганликда айблади, деб хабар қилди РИА Новости.

Жон Николсонга кўра, Россия, Покистон ва Эрон радикал "Толибон" ҳаракатини қўллаб-қувватламоқда ва бу билан мамлакатдаги тинчликка раҳна солмоқда.

"Мен аввалгидек айрим ташқи ўйинчилар, айниқса, Покистон, Россия ва Эроннинг таъсиридан ҳавотирдаман. Улар "Толибон" ҳаракатларини қонуний деб топиб, бу радикал уюшмани қўллаб-қувватламоқда ва бу билан афғон ҳукуматининг Афғонистонда стабиллик муҳитини вужудга келтириш уринишларини йўққа чиқаришмоқда", — деб таъкидлаган Николсон. Генерал шунингдек, санаб ўтилган мамлакатларнинг ушбу ҳаракати туфайли НАТОнинг Афғонистондан кўзлаётган мақсадлари ҳам амалга ошмаётганини қўшимча қилган.

Москва расмийлари Афғонистондаги ички можароларга аралашмасликлари ҳақида бир неча маротаба эълон қилишган ҳамда ушбу мамлакат вакиллари билан алоқалари фақатгина можарони барҳам топтиришга қаратилганини таъкидлашган.

АҚШ томон ҳам Афғонистон ҳукумати ва "Толибон" ҳаракати ўртасида музокаралар бошланишига ёрдам бериш ниятида эканлигини бир неча бор маълум қилган, аммо давлатнинг бу борадаги уринишлари ҳозирча сезиларли натижа берганича йўқ.

Эслатиб ўтамиз, 2001 йилдан бошлаб Афғонистонда АҚШ ва унинг иттифоқдошлари ҳарбий контингенти фаолият юритмоқда. Улар террорчиларга қарши операцияларни амалга ошириб, маҳаллий хавфсизлик кучларига ёрдам бериб келмоқда.

346
Теглар:
Покистон, Толибон, Эрон, Россия, АҚШ
Knife

ИИББ Юнусободда тунги клуб ёнида юз берган пичоқбозлик тафсилотларини очиқлади

46
Келишмовчилик икки гуруҳ йигитлари орасида келиб чиққан. 8 кишидан иборат бўлган биринчи гуруҳ орасида икки нафар қиз ҳам бўлган.

ТОШКЕНТ, 22 сен — Sputnik. Тошкент шаҳар ИИББ Юнусободда тунги клуб ёнида юз берган пичоқбозлик юзасидан қўшимча тафсилотларни тақдим этди.

Хабарда ёзилишича, 20 сентябрь куни эрталаб соат 6:00 атрофида патруль-пост хизмати ходимларига Амир Темур кўчасидаги тунги клуб ёнида муштлашув юз бергани ҳақида маълумот келиб тушган. Ходимлар воқеа жойига етиб келганида пичоқ билан яраланган тўрт нафар йигитдан бири – 18 ёшли А.Г. воқеа жойининг ўзида ҳаётдан кўз юмгани ойдинлашган. Уч нафар йигит шифохонага етказилган. Шифохонада жанжалда иштирок этганлардан яна бири – 23 ёшли Д.С. ҳам ҳаётдан кўз юмган. 21 ёшли А.А. ва 28 ёшли А.Т. айни вақтда шифохонага жойлаштирилган.

Келишмовчилик икки гуруҳ йигитлари орасида келиб чиққан. 8 кишидан иборат бўлган биринчи гуруҳ орасида икки нафар қиз ҳам бўлган ва уларнинг ҳаммаси Амир Темур кўчасида жойлашган тунги клуб ёнида бўлган. 5 кишилик иккинчи гуруҳ ҳам ўша атрофда бўлган.

“Қизлардан бирининг ўз гуруҳидаги йигитга айтган гапи бошқа гуруҳдаги йигитга худди унга айтилгандек туюлган. Шу сабабли орада келиб чиққан можаро муштлашувга айланиб кетган”, – дейилади хабарда.

Аниқлик киритилишича, муштлашув давомида иккинчи гуруҳ иштирокчиси 23 ёшли С.Х. пичоқ чиқариб, тартибсиз равишда зарба беришни бошлаган. Оқибатда тўрт нафар йигит жабрланиб, улардан икки нафари вафот этган.

Воқеа жойига етиб келган Тошкент шаҳар ИИББ ходимлари 23 ёшли С.Х., 18 ёшли С.К., 23 ёшли Р.Х. ва яна бир неча киши қўлга олиб, ички ишлар бўлимига олиб кетган. Ўзбекистон Жиноят кодексининг 97-моддаси 2-қисми (қасддан одам ўлдириш) бўйича жиноят иш қўзғатилди. Гумонланувчи тариқасида жиноий ишга жалб қилинган С.Х. қўлга олинган.

Айни вақтда келишмовчиликнинг яна икки нафар иштирокчиси С.К. ва Р.Х.га нисбатан Жиноят кодексининг 277-моддаси 2-қисми (безорилик) бўйича жиноий иш қўзғатилди. Мазкур шахслар ҳам қўлга олинган.

“Келишмовчиликнинг бошқа иштирокчиларини қўлга олиш бўйича чоралар кўрилмоқда”, – дейилади ИИББ ахборотида.

Эслатиб ўтамиз, аввалроқ Юнусобод туманида фуқаро тунги клуб олдида 4 кишини пичоқлагани, пичоқланганларни икки нафар вафот этгани хабар қилинган эди.

46

Чироқчида гумонланувчини калтаклаб, ўлдириб қўйган ИИБ ходимлари қамалди

199
(Янгиланган 16:25 21.09.2020)
Икки ИИБ профилактика инспектори қасддан баданга оғир шикаст етказиш моддаси бўйича оқланди. Айбланувчилар 5 йилдан 9 йилгача озодликдан маҳрум қилинди.

ТОШКЕНТ, 21 сен — Sputnik. Қашқадарё вилояти Чироқчи туманида гумонланувчини калтаклаб, ўлдириб қўйган ИИБ ходимларига нисбатан суд ҳукми ўқилди. Бу ҳақда Олий суд матбуот хизмати хабар қилмоқда.

Январь ойида Чироқчи туманининг Лангар қишлоғида яшовчи фуқаро Ю. А. чорва моллари ўғирлигида гумон қилиниб, туман ИИБ ходимлари томонидан қаттиқ калтакланиши оқибатида вафот этган эди.

21 сентябрь куни Олий суднинг Жиноят ишлари бўйича судлов ҳайъати ушбу жиноят бўйича ҳукм чиқарди:

  • Н. Овлаев (Чироқчи тумани ИИО ФМБ 4-сонли ИИБ бошлиғи лавозимида ишлаган) Ўзбекистон Жиноят кодексининг 241-1-моддаси (жиноятни ҳисобга олишдан қасддан яшириш) 2-қисми “а”, “б” бандлари, 234-моддаси (қонунга хилоф равишда ушлаб туриш ёки ҳибсга олиш) 1-қисми, 235-моддаси (қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш) 3-қисми ва 104-моддаси (қасддан баданга оғир шикаст етказиш) 3-қисми “д” бандида назарда тутилган жиноятларни содир этганликда айбдор айбдор деб топилди. Унга ўташ учун узил-кесил 2 йил 6 ой ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 9 йил озодликдан маҳрум қилиш жазоси тайинланди.
  • А. Жанқабилов (Чироқчи тумани ИИО ФМБ 4-сонли ИИБ жиноят қидирув гуруҳи тезкор вакили лавозимида ишлаган) Жиноят кодексининг 234-моддаси 1-қисми, 235-моддаси 3-қисми ва 104-моддаси 3-қисми “д” бандида назарда тутилган жиноятларни содир этганликда айбдор деб топилди. Унга ўташ учун узил-кесил 2 йил ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 8 йил 6 ой озодликдан маҳрум қилиш жазоси тайинланди.
  • Ш. Рахмонов (Чироқчи тумани ИИО ФМБ 4-сонли ИИБ профилактика инспектори лавозимида ишлаган) Жиноят кодексининг 104-моддаси 3-қисми “д” банди билан айбсиз деб топилиб, Жиноят-процессуал кодексининг 83-моддаси 3-бандига асосан оқланди.

Унинг ҳаракатлари Жиноят кодексининг 235-моддаси 3-қисмидан шу модданинг 2-қисми “а”, “в”, “г” бандларига қайта квалификация қилинди. Ш. Рахмонов Жиноят кодексининг 241-1-моддаси 2-қисми “а”, “б” бандлари, 234-моддаси 1-қисми ва 235-моддаси 2-қисми “а”, “в”, “г” бандларида назарда тутилган жиноятларни содир этганликда айбдор деб топилди. Унга ўташ учун узил-кесил 2 йил ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 6 йил озодликдан маҳрум қилиш жазоси тайинланди.

  • А. Тожиноров (Чироқчи тумани ИИО ФМБ 4-сонли ИИБ профилактика инспектори лавозимида ишлаган) Жиноят кодексининг 104-моддаси 3-қисмининг “д” банди билан айбсиз деб топилиб, Жиноят-процессуал кодексининг 83-моддаси 3-бандига асосан оқланди.

Унинг ҳаракатлари Жиноят кодексининг 235-моддаси 3-қисмидан шу модданинг 2-қисми “а”, “в”, “г” бандларига қайта квалификация қилинди. А. Тожиноров Жиноят кодексининг 234-моддаси 1-қисми ва 235-моддаси 2-қисми “а”, “в”, “г” бандларида назарда тутилган жиноятларни содир этганликда айбдор деб топилди. Унга ўташ учун узил-кесил 2 йил ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 5 йил 6 ой озодликдан маҳрум қилиш жазоси тайинланди.

  • Б. Ғайратов (Чироқчи тумани ИИО ФМБ 4-сонли ИИБ жиноят қидирув гуруҳи тезкор вакили лавозимида ишлаган) Жиноят кодексининг 241-1-моддаси 2-қисми “а”, “б” бандлари ва 209-моддаси (мансаб сохтакорлиги) 2-қисми “а” бандида назарда тутилган жиноятларни содир этганликда айбдор деб топилди. Унга ўташ учун узил-кесил 2 йил ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 4 йил озодликни чеклаш жазоси тайинланди.

Мазкур жиноий иш бўйича судга раислик қилувчи томонидан судланувчиларга ва бошқа томонларга ҳукм устидан шикоят қилиш тартиби ва муддати тушунтирилди.

199
Председатель Комитета Сената Олий Мажлиса Республики Узбекистан по делам молодежи, культуры и спорта Бахтиёр Сайфуллаев в составе парламентской делегации находится в Таджикистане.

Ўзбекистон ва Тожикистон парламентлараро ҳамкорликни мустаҳкамлашни муҳокама қилди

0
Душанбе шаҳрида Ўзбекистон ва Тожикистон парламентлараро ҳамкорлик гуруҳларининг ишчи йиғилиши бўлиб ўтди.

ТОШКЕНТ, 22 сен — Sputnik. Ўзбекистон Олий Мажлиси Қонунчилик палатаси спикери ўринбосари Улуғбек Иноятов бошчилигидаги парламент делегациясининг Тожикистонга ташрифи доирасида куни икки мамлакат парламентлараро ҳамкорлик гуруҳларининг ишчи йиғилиши бўлиб ўтди.

Сенат матбуот хизмати хабарига кўра, унда ҳар икки мамлакат ҳам ўз тараққиётининг янги босқичида эканлиги, дўстлик ва яхши қўшничилик алоқаларини жадал ривожлантириш учун қулай шарт-шароитлар мавжудлиги қайд этилди.  

Йиғилишда минтақавий ҳамкорликни мустаҳкамлаш, Марказий Осиёни хавфсиз, барқарор яхши қўшничилик минтақасига айлантириш масалалари ҳам муҳокама қилинди.

Ўзбекистон парламенти аъзоларининг Тожикистонга ташрифи давом этмоқда.

0