Пункт обмена валют

Тошкентда 500 минг долларга яқин валютани ўзлаштирган банкирлар жазога тортилди

1986
Улар 238 дона халқаро пластик картага 481908 АҚШ долларини ўтказишга муваффақ бўлганлар

ТОШКЕНТ, 12 апр — Sputnik. Тошкентнинг Олмазор туманидаги банкларнинг бирида ишловчи ходимлар жуда кўп миқдордаги маблағларни талон-торож қилиб келган. Бу ҳақда uz24.uz хабар қилмоқда.

Банкнинг Жисмоний шахсларга хорижий валюта сотиш бўйича конверсион операциялар бўлими бошлиғи лавозимида ишлаб келган Норпўлат Самандаров (исм-фамилиялар ўзгартирилган) атрофига шу банк масъуллари Т.Башаров ва У.Ризаевларни бирлаштириб, 2015-2016 йиллар мобайнида 238 нафар фуқаронинг номига халқаро тўлов картаси очиш, ҳар бирига туширилган 2000 АҚШ доллари миқдоридаги пулларни мамлакатдан ташқарига олиб чиқиб кетиш ва нақдлаштириш ишларига бош-қош бўлган.

Самандаров ваколат ва лавозимидан фойдаланиб, Башаров ва Ризаевлар топган кишиларни банкка ҳеч қандай тўсиқларсиз кириш ва ишини муаммоларсиз битириб чиқиш шароитини таъминлаб берган.

Яъни муайян тўлов эвазига паспорти орқали халқаро тўлов картаси очишга рози бўлган шахслар банкка мурожаат қилганида жиноий тўда бошлиғи ўйлаб топган пароль: "Хитойга бормоқчи эдим, шунга виза карта очдирмоқчиман" деган гапни айтиши лозим бўлган.

Бошлиқларидан шундай мурожаат билан келганларнинг ишини ҳеч қандай тўсиқ ва монеликларсиз битириб бериш ҳақида топшириқ олган банк ходимлари ўз вазифаларини бажаришдан ўзга чоралари қолмаган. Бунда 2000 АҚШ доллари олиш учун келувчи мижозлар исм-шарифларининг бош ҳарфлари тўда аъзолари томонидан ижрочининг телефонига СМС орқали етказиб берилган.

Шу зайл Н.Самандаров, Т.Башаров ва У.Ризаевлар 238 дона халқаро пластик картага 481908 АҚШ долларини ўтказишга муваффақ бўлганлар. Тўда аъзолари тез-тез хорижий давлатларга хизмат сафарига бориб келадиган танишлари Р.Бўриев билан ўзаро тил бириктириб олганлар. Маълум бўлишича, Бўриев савдо-сотиқ билан шуғулланиб, кўплаб чет давлатларга бориб турган ва шу боис халқаро пластик карталарни "қора бозор" нархидан бироз арзонроқ қийматда сотиб олаверган.

Давлатни алдаш, иқтисодиётга зиён келтириш, бировлар ҳақига хиёнат, ноқонуний даромад орттириш ҳаракатлари билан шуғулланган тўда аъзоларига жиноят ишлари бўйича Тошкент шаҳар Олмазор туман суди томонидан тегишли жазо тайинланди.

1986
Преступник за решеткой

Фарғона вилоятида бир гуруҳ “Ҳизб ут-Таҳрир”* аъзолари ушланди

296
(Янгиланган 19:01 28.05.2020)
Уларнинг яшаш манзилларида экстремистик мазмундаги адабиётлар мавжудлиги аниқланган ва улар белгиланган тартибда мусодара қилинган.

ТОШКЕНТ, 28 май — Sputnik. 2020 йилнинг май ойида Фарғона вилоятида истиқомат қилувчи Ўзбекистонда фаолияти тақиқланган “Ҳизб ут- Таҳрир”* террорчилик ташкилотини бир гуруҳ аъзоларининг жиноий фаолиятига чек қўйилди. Бу ҳақда ИИВ хабар қилмоқда.

Мавжуд маълумотларга кўра, улар муқаддам ушбу ташкилотига аъзо бўлганликлари учун жазо муддатини ўтаб чиқишган. Уларга кўрсатилаётган ижтимоий, ҳуқуқий ва маънавий кўмакка қарамасдан ҳамфикрлари билан жиноий тил бириктириб, аҳоли орасида “Ҳизб ут-Таҳрир”* ғояларини ва адабиётларини тарқатиш, муқаддам жазо муддатини ўтаб чиққан “таҳрирчилар”ни жиноятга жалб қилиш орқали ташкилот сафини кенгайтиришга қаратилган хатти-ҳаракатларни содир этишган.

Ҳибсга олинган шахсларнинг яшаш манзилларида экстремистик мазмундаги адабиётлар мавжудлиги аниқланган ва улар процессуал тартибда холислар иштирокида расмийлаштирилиб олиб қўйилган.

Ҳозирда ушбу шахсларга нисбатан Ўзбекистон ЖКнинг тегишли моддалари билан жиноят иши қўзғатилган. Уларнинг Андижон, Фарғона, Наманган, Тошкент, Сурхондарё вилоятлари ва Тошкент шаҳрида истиқомат қилаётган жиноий алоқаларини аниқлаш ва тергов ҳаракатларига жалб қилишга қаратилган суриштирув тадбирлари амалга оширилмоқда.

* Қатор давлатларда тақиқланган террорчилик ташкилоти

296
Младенец

Навоийда 3 ойлик ўғлини квартирага алмаштираётган аёл қўлга олинди

71
33 ёшли аёл отаси билан биргаликда норасида ўғлини нархи 250 миллион сўм турадиган уч хонали квартирага алмаштирмоқчи бўлган.

ТОШКЕНТ, 28 май — Sputnik. Навоийда 3 ойлик боласини уч хонали квартирага алмаштираётган аёл қўлга тушди. Бу ҳақда вилоят ИИБ хабар қилди.

33 ёшли З.О исмли аёл 2020 йилда туғилган ўғлини тахминий нархи 250 миллион сўм турадиган уч хонали квартирага алмаштираётган вақтда қўлга олинган.

Задержана женщина, намеревавшаяся продать 13-летнего сына
Следственный департамент при МВД Республики Узбекистан

Аниқлик киритилишича, аёл ушбу жирканч ишни отаси билан ҳамкорликда амалга оширишга уринган.

Аёл ва унинг отаси 23 май куни ҳуқуқ-тартибот органлари ходимлари томонидан ўтказилган тезкор тадбир пайтида қўлга олинган.

Эслатиб ўтамиз, аввалроқ Қорақалпоғистонда 13 ёшли ўғлини сотишга уринган она қўлга тушгани хабар қилинган эди.

71

Мирзиёев Ўзбекистонда монополияга барҳам бериш пайти келганини айтди

147
(Янгиланган 23:29 28.05.2020)
Давлат раҳбари Ўзбекистон бозор иқтисодиётига қатъий ўтиши жараёнида рақобат масаласи принципиал аҳамиятга эга эканини таъкидлади.

ТОШКЕНТ, 28 май - Sputnik. Ўзбекистонда монопол корхоналарга қатъий чоралар кўриш вақти келди, деб таъкидлади мамлакат президенти Шавкат Мирзиёев бугун иқтисодиётда рақобат муҳитини таъминлаш мавзусига бағишлаб ўтказилган йиғилишда.

Йиғилишда таъкидландики , Ўзбекистоннинг жаҳон иқтисодиёти билан алоқалари тобора ривожланиб бормоқда. Бу эса ички бозорда рақобат муҳитини таъминлаш, маҳаллий ишлаб чиқарувчиларнинг рақобатдошлигини оширишни талаб этади.

Давлат раҳбари Ўзбекистон бозор иқтисодиётига қатъий ўтиши жараёнида рақобат масаласи принципиал аҳамиятга эга эканини таъкидлади.

"Мени ташвишлантирадиган масала шуки, корхоналаримиз ташқи рақобатга бардош бера оладими? Четдан товар кириб келса, юртимизда ишлаб чиқарилган худди шундай маҳсулот унга рақобатчи бўла оладими? Маҳаллий маҳсулотларнинг таннархини пасайтирсак, хориждан ўзлари олиб кетишади", – деди президент.

Бугунги кунда 31 та товарлар гуруҳи ва 82 турдаги хизматлар бозорида 245 та корхона монопол ҳолатда сақланиб қолмоқда. Лекин бир қатор йўналишларда рақобат муҳити шаклланиб бўлган 19 хил маҳсулот ва хизматлар бўйича 70 та корхонани монополистлар реестрдан чиқариш мумкин.

"Рақобат бўлмаса, сифат бўлмайди, нарх тушмайди. Замон ўзгаряпти, лекин монопол корхоналар ўзгара олмаяпти. Қатъий чоралар кўриш вақти-соати келди. Иқтисодиётда бу ҳаёт-мамотимиз. Агар раҳбарлар шунга муносиб бўлса, ишлайди, бўлмаса – кетади", – деди Мирзиёев.

Йиғилишда корхоналарнинг бозордаги монопол мавқеини аниқлаш бўйича ёндашувларни қайта кўриб чиқиш, монопол товарлар рўйхатини кескин қисқартиришга қаратилган “йўл харитаси” тасдиқлаш вазифаси белгиланди.

– Дунё тажрибасини ўрганиб, ўз йўлимизни топишимиз зарур. Монополиядан чиқариш, рақобатни таъминлаш, истеъмолчилар ҳуқуқларини ҳимоя қилиш бўйича якдил йўналишимиз бўлиши керак, – дея таъкидлади Шавкат Мирзиёев.

Рақобатни ривожлантириш ва монополияга қарши курашиш борасида мутлақо янги тизим яратиш лозимлиги таъкидланди. Олий таълим тизимида рақобатни ривожлантириш йўналиши бўйича алоҳида факультет, кундузги ва сиртқи ўқиш шаклини очиш, янги фан жорий қилиш ва ушбу мақсадлар учун академик соатлар ажратиш бўйича кўрсатма берилди.

Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлигининг ваколатларини кенгайтириш муҳимлиги таъкидланди.

Йиғилишда белгиланган вазифалардан келиб чиқиб, Ўзбекистон Монополияга қарши курашиш қўмитаси фаолиятини тубдан такомиллаштиришга доир қарор лойиҳаси тайёрлаш вазифаси қўйилди.

Қўмитани истеъмолчиларнинг манфаатларини тўғридан-тўғри ҳимоя қиладиган халқ вакиллик органи – Олий Мажлисга ҳисобдор этиб белгилаш масаласини кўриб чиқиш топшириғи берилди.

147