Қоҳирадаги масжид минораси

Мисрда олти жиноятчи дорга тортилди

444
(Янгиланган 16:43 03.05.2017)
Мисрда олти нафар ваҳший қотиллар дорга тортилди

ТОШКЕНТ, 3 май — Sputnik. Мисрда қотилликка қўл ургани учун ўлим жазосига маҳкум этилган жиноятчилар чоршанба куни дорга тортилди. Ўлим жазоси Мисрнинг Ал-Минья провинциясидаги қамоқхонада чоршанба куни амалга оширилди, деб хабар қилди "Ал-Масри ал-Яум" интернет-портали.

Хабарга кўра, маҳбусларнинг барчаси қотиллик билан боғлиқ турли жиноятлар учун ўлим жазосига маҳкум қилинган. Қатл этилганлар орасида 2014 йилда тўрт яшар қизалоқ устидан зўравонлик амалга ошириб, уни ўлдирган 22 яшар Ражаб Абдалла ҳам борлиги таъкидланган.

Нашр хабарига кўра, Ал-Минья қамоқхонасида Миср ҳукумати энг хавфли жиноятчиларни сақлайди.

Мирс ҳукумати Олий жазони икки хил услубда амалга оширади — отиш орқали ва дорга тортиш орқали. Ватанга хиёнат ёки ҳукуматга қарши фитна уюштирган ҳарбийлар отувга ҳукм қилинади. Дорга тортиш эса кўпроқ қўлланилади.

Жаҳон ОАВларида берилган хабарларга кўра, Яқин Шарқда 2014 йилда (қонунчилик доирасида) 293 киши қатл қилинган.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

444
В Ташкенте девушка сожгла Jentra своего парня

Тошкентда қиз йигити уйланиш ваъдасида турмагани учун унинг автомобилини ёқиб юборди

244
(Янгиланган 10:31 20.09.2020)
Йигит кейинчалик қизга уйланишини ваъда қилган, аммо ваъдасида турмаган. Умидсизликда қолган қиз йигитнинг “Jentra” автомобилига бензин сепиб, ёқиб юборган

ТОШКЕНТ, 20 сен — Sputnik. Тошкентда фуқаронинг автомобилини ёқиб юборган шахс аниқланди. Бу ҳақда Тошкент шаҳар ИИББ матбуот хизмати хабар қилмоқда.

Маълум бўлишича, 19 сентябрь куни соат Учтепа тумани ИИО ФМБ навбатчилик қисмига 19 ёшли Ситора Г. 23 ёшли Асилбек Н.га тегишли бўлган "Jentra" русумли автомобилни ёқиб юборгани ҳақидаги хабар келиб тушган.

Терговолди текширувлари давомида аниқланишича, вақтинчалик Тошкент шаҳрининг Учтепа туманида яшовчи Ситора Г. ва жабрланувчи ўртасида маълум вақт муҳаббат бўлган.

В Ташкенте девушка сожгла Jentra своего парня
© ГУВД г. Ташкента.
В Ташкенте девушка сожгла Jentra своего парня

Асилбек кейинчалик Ситорага уйланишини ваъда қилган, аммо ваъдасида турмаган. Умидсизликда қолган қиз йигитнинг автомобилига ичидан ва ташқарисидан бензин қуйиб, ёқиб юборган.

Ҳодиса тафсилотлари ўрганилмоқда.

244
Узбекские милиционеры рядом с патрульной машиной

Қашқадарёда мактаб директори ўз жонига қасд қилди. У вафотидан олдин хат ёзиб қолдирган

1251
Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган

ТОШКЕНТ, 18 сен - Sputnik. Бош прокуратура матбуот-хизмати ижтимоий тармоқларда тарқалган Қашқадарё вилоятида мактаб директори ўз жонига қасд қилганлиги, вафотидан олдин хат ёзиб қолдирганлиги ҳақидаги хабарлар юзасидан расмий баёнот эълон қилди.

Мактубда келтирилишича, директор суиқасд олдидан хат ёзган ва унда барча ҳамкасбларидан коррупцияга йўл қўймасликни ўтиниб сўраган.

"Ҳозирда мазкур ҳолат юзасидан Китоб тумани прокуратураси томонидан терговга қадар текширув ҳаракатлари олиб борилмоқда", - дейилади Бош прокуратура хабарида.

Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган.

Ҳозирда туман халқ таълими, ички ишлар бўлимлари ҳамда махалла ва оилани қўллаб-қувватлаш маркази туман бўлимининг мутасадди ходимлари ҳаракатлари юзасидан хизмат текширувлари тайинланган.

Текшириш ҳаракатлари давом этмоқда.

1251

ХТВ телевизион дарсдаги хатолик учун узр сўради

44
16 сентябрь куни эфирга узатилган инглиз тили фани видеодарсида Нью-Йорк АҚШнинг пойтахти деб айтилган эди. Аслида Вашингтон АҚШнинг пойтахти ҳисобланади.

ТОШКЕНТ, 20 сен — Sputnik. Халқ таълими вазирлиги мактаб ўқувчилари учун телевизион дарсда қўйилган хатолик учун узр сўради ва чет тили ўқитувчиларининг таркиби қайта кўриб чиқилганини маълум қилди.

Жорий йилнинг 14 сентябрь кунидан бошлаб мактаб ўқувчилари учун телевизион дарслар узатила бошланди.

Таъкидланишича, “Онлайн-мактаб” лойиҳаси доирасида ҳар куни 100 дан ортиқ (30-35 соат) дарслар тасвирга олинмоқда. Мазкур дарсларда имкон қадар хатолик ўтмаслигига ҳаракат қилинмоқда.

“Бироқ, 16 сентябрь куни эфирга узатилган чет тили фани видеодарсида айрим хатоликларга йўл қўйилди. Энг аввало, мазкур ҳолат учун барчадан узр сўрамоқчимиз. Халқ таълими вазирлиги томонидан дарсларда йўл қўйилган хато ва камчиликларни бартараф этиш мақсадида чет тили ўқитувчиларининг таркиби қайта кўриб чиқилди, дарс муҳаррири алмаштирилди ҳамда дарсларда тажрибали ўқитувчилар жамоасини янада кенгайтириш мақсадида маҳоратли педагоглар учун танлов эълон қилинди”, - дейилган хабарда.

Вазирлик кенг жамоатчилик ва ижтимоий тармоқ фаолларидан “Онлайн-мактаб” лойиҳасида иштирок этаётган ўқитувчиларни камситмасликни сўраб қолган.

“Ҳар биримиз хатоликка йўл қўйишимиз мумкин, иш бор жойда хатоликлар ҳам учраб туради. Лекин, бу хатоликларни олдини олиш ва келгусида йўл қўймаслик чоралари кўрилмоқда”, - дея қўшимча қилган вазирлик.

ХТВ бу вазият барчани ўз вазифаларини бажаришда эътиборлироқ бўлишга ва ишга профессионал ёндашишга ундашига умид билдирган.

Вазирлик ҳозирги шароитда ўз соғлиғини хавф остига қўйиб ҳам анъанавий ҳам масофавий шаклда фаолият олиб бораётган ҳамда видеодарсларни тасвирга олиш жараёнларига жалб қилинган ўқитувчиларга миннатдорчилик билдирган.

44