Мисрда олти жиноятчи дорга тортилди

© REUTERS / Amr Abdallah DalshҚоҳирадаги масжид минораси
Қоҳирадаги масжид минораси - Sputnik Ўзбекистон
Oбуна бўлиш
Мисрда олти нафар ваҳший қотиллар дорга тортилди

ТОШКЕНТ, 3 май — Sputnik. Мисрда қотилликка қўл ургани учун ўлим жазосига маҳкум этилган жиноятчилар чоршанба куни дорга тортилди. Ўлим жазоси Мисрнинг Ал-Минья провинциясидаги қамоқхонада чоршанба куни амалга оширилди, деб хабар қилди "Ал-Масри ал-Яум" интернет-портали.

Бирлашган Миллатлар Ташкилоти Бош котиби Пан Ги Мун - Sputnik Ўзбекистон
БМТ Бош котиби XXI асрда ўлим жазосига ўрин йўқлигини айтди
Хабарга кўра, маҳбусларнинг барчаси қотиллик билан боғлиқ турли жиноятлар учун ўлим жазосига маҳкум қилинган. Қатл этилганлар орасида 2014 йилда тўрт яшар қизалоқ устидан зўравонлик амалга ошириб, уни ўлдирган 22 яшар Ражаб Абдалла ҳам борлиги таъкидланган.

Нашр хабарига кўра, Ал-Минья қамоқхонасида Миср ҳукумати энг хавфли жиноятчиларни сақлайди.

Мирс ҳукумати Олий жазони икки хил услубда амалга оширади — отиш орқали ва дорга тортиш орқали. Ватанга хиёнат ёки ҳукуматга қарши фитна уюштирган ҳарбийлар отувга ҳукм қилинади. Дорга тортиш эса кўпроқ қўлланилади.

Жаҳон ОАВларида берилган хабарларга кўра, Яқин Шарқда 2014 йилда (қонунчилик доирасида) 293 киши қатл қилинган.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0