Сейсмограф

Тошкентда яна ер қимирлади

1348
(Янгиланган 11:30 05.05.2017)
Зилзила - ўзбекистонликларнинг ижтимоий тармоқларда энг кўп муҳокама қилинаётган мавзусига айланиб қолди

ТОШКЕНТ, 5 май — Sputnik. Тошкент ва Душанбеда яна ер қимирлади. Европа-Ўртаерденгизи сейсмик маркази хабарига кўра, Тожикистон ва Ўзбекистон шарқида 5,9 балли зилзила қайд этилган.

Спутник Тожикистон хабарига кўра, сўнгги 49 соат мобайнида Тожикистонда бешинчи бор ер қимирлаши ҳолати кузатилмоқда.

Тошкентда эса тўртинчи маротаба.

Сейсмологлар маълумотларига кўра, зилзила эпицентри Наманган шаҳридан 164 км масофада тўғри келган.

Душанбеликлар сўзларига кўра, зилзила оқибатида деворлар қисирлаши эшитилган.

​"Узоқ вақт, тебраниб силкинди ер", деб ёзган тошкентлик фуқаролардан бири.

"Соат 10:12да кузатилган ер силкиниши кучи тахминан 4 балл бўлди. Ўзбекистоннинг шарқий вилоятларида ҳам зилзила кучини сезишган, Фарғона вилоятида 3,5 баллик зилзила кузатилган.

Европа-Ўртаер денгизи сейсмология маркази маълумотларига кўра, ер силкиниши эпимаркази Тожикистонда кузатилди. Фарғонадан 101 км масофада, Тожикистоннинг Қоракенжа шаҳридан 37 км масофада жойлашган зилзила ўчоғида ер силкиниши кучи 5,9 баллни ташкил этган.

Эслатиб ўтамиз, 3 май куни соат 9:48да республиканинг шарқий ҳудудларида зилзила қайд этилгани ҳақида бир нечта ўзбек ОАВлари хабар берди.

Зилзила эпицентри Тожикистон ҳудудида жойлашган бўлиб, марказда зилзила кучи 5,9 баллни ташкил этган, ўчоғи 10 км чуқурликда жойлашган.

Интернет фойдаланувчилари орасида зилзила Қирғизистонни ҳам четлаб ўтмаганини хабар қилишмоқда. Дастлабки маълумотларга кўра, Қирғизистондаги зилзила 5,7 баллни ташкил қилган.

"Зилзила эпицентри(ўчоғи) — Душанбе шимоли-шарқидан 249 км, Фарғона жанубий қисмининг 111 км ва Тожикистоннинг Қора-Кенжа қишлоғидан 18 километр масофада қайд этилган.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

1348
Теглар:
ер қимирлаши, зилзила, Тошкент

Хабаровскда Су-34 ҳалокатга учради

231
(Янгиланган 16:38 21.10.2020)
Россия кўп мақсадли самолёти қулаши оқибатида ҳеч ким жароҳатланмади, учувчилар катапульта ёрдамида омон қолишди.

ТОШКЕНТ, 21 окт — Sputnik. Хабаровск ўлкасида ўқув машғулотлар вақтида Су-34 самолёти ҳалокатга учради. Бу ҳақида РИА Новости Шарқий ҳарбий округ матбуот хизматига асосан хабар қилмоқда. 

"Учувчилар катапульта қилишган улгурган. Ҳозир улар база аэродромда, уларнинг соғлиғига ҳеч нарса таҳдид солаётгани йўқ", - дейилган расмий хабарда. 

Маълум бўлишича ўқув парвози жанговар аслаҳаларсиз амалга оширилган, самолёт портлаш оқибатида ҳавода тўлиқ ёниб кетган. Самолёт қулаб тушган ерда ҳеч қандай вайронгарчилик содир бўлмаган. 

Дастлабки маълумотларга кўра, самолёт фожеасига олиб келган сабаб унинг техник носозлиги бўлган. 

Маълумот учун Су-34 — россиянинг кўп мақсадли қирувчи-бомбардимончи самолёти бўлиб у товуш тезлигидан тез уча олади. Самолёт ҳаво ва ердаги нишонларга зарба бериши мумкин. Келажакда Су-24 самолётларини тўлиқ алмаштириш керак. 

231

Қашқадарёда “GTL” заводи ишчилари уюштирган тартибсизлик юзасидан маълумот берилди

517
Ғузордаги “Enter Engineering” компанияси ишчилари норозилик намойишини уюштириб, компания мулкига зарар етказди.

ТОШКЕНТ, 21 окт — Sputnik. Бугун, 21 октябрь куни ижтимоий тармоқларда “Enter Engineering” компанияси ишчилари намойишлари акс этган видео тарқалди.

Таъкидланишчиа, Қашқадарё вилояти Ғузор туманидаги объектларидан бирида ишчи норозилик намойишини уюштириб, компания мулкига зарар етказган.

Энергетика вазирлиги матбуот хизмати хабарига кўра, ҳодиса 21 октябрь куни эрталаб соат 7:30да ишчилар учун мўлжалланган ошхонадаги моноблок тизимидаги (электрон кириш тизими) техник носозлик содир бўлган. Оқибатда улар кундалик овқатланишга кира олмаган. Бу эса катта норозилик келтириб чиқарган.

Хабарда ёзилишича, айни пайтда техник ходимлар ишчи гуруҳи моноблок тизимидаги носозликни тузатмоқда.

“Энергетика вазирлиги, “Ўзбекнефтгаз” АЖ, “Enter Engineering Pte. Ltd” раҳбарияти тафсилотларини билиш ва келажакда шунга ўхшаш ҳодисаларнинг олдини олиш учун воқеа жойига учиб кетди”, - дейилган хабарда.

517
Лаборанты обрабатывают флаконы для новой вакцины от коронавируса AstraZeneca

AstraZeneca вакцинаси синовларида қатнашган кўнгилли вафот этди

18
Ҳужжатда "этик мулоҳазалар ва махфийлилик сабаблари туфайли" ўлим сабаблари очиқланмаган, шунингдек, кўнгилли плацебо ёки фаол препарат олганлиги ҳақида ҳам маълумотлар келтирилмаган.

ТОШКЕНТ, 21 окт — Sputnik. Бразилия соғлиқни назорат қилиш бўйича миллий агентлиги - Anvisa - Британия AstraZeneca компанияси ва Оксфорд университетининг коронавирусга қарши вакцинаси синовларида иштирок этган Бразилия фуқароси вафот этганлиги ҳақида хабар берди.

Назорат органи баёноти G1 порталида эълон қилинган.

Ҳужжатда "этик мулоҳазалар ва махфийлилик сабаблари туфайли" ўлим сабаблари очиқланмаган, шунингдек, кўнгилли плацебо ёки фаол препарат олганлиги ҳақида ҳам маълумотлар келтирилмаган.

AstraZeneca G1га вакцинани синовдан ўтказган кўнгилли ўлими бўйича расмий позицияга эга эмаслиги ва ушбу маълумотга изоҳ бермаслигини маълум қилган.

Anvisa маълумотига кўра, вакциналар синови хавфсизлигини баҳолаш бўйича халқаро қўмита ушбу ҳодиса бўйича ўтказилган тергов ишларидан айрим маълумотларни тақдим этган ва синовларни давом эттириш таклифини илгари сурган.

Бразилия ОАВлари "халқаро суриштирув билан боғлиқ манбаларга таяниб" хабар беришларича, COVID-19 асоратларидан вафот этган кўнгилли плацебо олган.

Ушбу ҳолатга Оксфордда изоҳ беришди. Хусусан, университет расмий вакили вакцина хавфсизлигини, унинг синовлари давом эттирилишини маълум қилган.

"Ушбу масала Бразилияда синчковлик билан ўрганилгач, клиник синовлар хавфсизлиги борасида ташвиш юзага келмади. Бразилия регулятори хулосаларига қўшимча равишда ўтказилган мустақил суриштирув ишлари синовларни давом эттиришни тавсия этди", - дейилади баёнотда.

18