Одноклассники

"Одноклассники"даги танишув туфайли 20 яшар Жонибек етти йилга қамалди

4200
(Янгиланган 15:20 16.07.2017)
Жонибекнинг интернетдаги танишларидан бири - фарғоналик Холид йигитчага гўзал ҳаёт, бахтли яшаш қоидалари ҳақида айтиб, ром қилади

ТОШКЕНТ, 16 июл — Sputnik. "Одноклассники"даги танишув туфайли 20 ёшли йигит етти йилга қамалди, деб хабар қилди "Зарафшон" газетаси.

Хабарда айтилишича, коллежни битириб тайинли ишнинг бошини тутмаган Жонибек Юсупов мўмай пул топиш иштиёқида Россияга боради. Россиянинг Санкт-Петербург шаҳрига бориб, ёлланма ишларда меҳнат қилади, тўрт-беш рубль топади. Бўш вақтларида телефон ковлашни ўзига одат қилган йигит "Odnoklassniki.ru" ижтимоий тармоғида Холид ва Абдулло исмли шахслар билан танишади. Улар билан доимий равишда суҳбатлашиб, диний экстремизм ва сепаратизм, ақидапарастлик ғоялари билан йўғрилган материалларни қабул қилиб олади. Ўзининг уяли телефони хотирасида сақлаб қўяди.

Жонибек интернетдаги танишлари билан янада яқинроқ дўстлашади. Холид — фарғоналик, 19 ёшда. У Жонибекни гўзал ҳаёт, бахтли яшаш қоидалари ҳақида айтиб, ром қилади. Шу тариқа Сурия давлатида мусулмонлар халифалик давлати барпо этиш мақсадида кофирларга қарши курашаётгани, ўзини мусулмон деб ҳисоблаган ҳар бир фуқаро бу йўлда жанг қилмоғи, курашмоғи зарурлигини айтиб, Жонибекни ишонтиради. Холид уни ўзига яқин дўст деб билиб, Абдулло деган устози билан таништиради. Фикр ва қарашлари бир бўлган Абдулло ҳам уни жиҳод қилишга даъват этади.

Ижтимоий тармоқлар орқали жиҳодга чорловчи аудио ва видео материалларни Жонибекнинг телефонига жўнатиб, ўзларининг сафига қўшилишга ундайди. Жонибек видеоларни кўриб таъсирланади, Суриядаги мусулмонларга ёрдам бериш лозимлигини ўйлайди, у ёққа боришга қизиқади.

Холид билан Абдулло уни Москва шаҳрига таклиф қилиб, шу ердан ўйлаган ниятлари йўлида бирга ҳаракат қилишларини, Сурияга боришда ёрдам беришини айтганда, Жонибек ўйга чўмади. Иккиланиб, юртига қайтишга аҳд қилади.

"Санкт-Петербург- Тошкент" йўналишидаги автобусда Ўзбекистонга жўнайди. Қозоғистоннинг Чимкент вилоятидаги Ўзбекистон билан чегара постига етиб келганида божхона постидан ўтаётганида телефон аппарати ва ундаги флеш карта хотирасида сақланаётган жиҳодга чорловчи аудио ва видео материалларни божхона ходимларига айтмасдан яширади.

Ўзбекистон ҳудудига хуфёна олиб ўтилган хавфли нарса барибир фош бўлди. Жонибек ўзи истиқомат қиладиган Паст Дарғом тумани Ўртачархин маҳалласида синфдоши Меҳрож Орифов билан учрашиб, хориждан келтирган телефонини кўз-кўз қилади. Меҳрож гап орасида "андроид" дастурли телефон аппарати сотиб олмоқчилигини билдиргач, Жонибек телефонида шундай дастур борлигини айтади ва улар телефонларини алмашишади. Меҳрож уйига келиб, қизиқиб телефоннинг флеш картасини очса, Ироқ ва Шом давлатларида бўлаётган жанглар тасвири туширилган видеороликлар, ушбу жангларга келиб қўшилишни тарғиб қилувчи чақириқлардан қўрқиб кетади.

Эртаси куни Жонибек телефонида хавфли ўйинлар борлиги эсига тушиб, Меҳрождан флеш картани олиб ўзининг телефонига ўрнатади. Лекин жўрасининг "Nokia" телефони хотирасида хавфли ўйинлар ёзилиб қолганди.

Бундан хабар топган ҳуқуқ-тартибот идоралари ходимлари Жонибек Юсуповни инкор этиб бўлмас далиллар билан қўлга олишди.

Ўйиндан ўт чиқди, деб шуни айтадилар. Жонибек ёшлик-ғўрлик қилиб, ўзи билмай, тушунмай, ёт ғоялар таъсирига тушиб, телефондаги ўйиндан ўт чиққанини сезмай қолди. Суд уни 7 йилга озодликдан маҳрум этди.

4200
Теглар:
жиҳод, ижтимоий тармоқ, Одноклассники, телефон
В Ташкенте девушка сожгла Jentra своего парня

Тошкентда қиз йигити уйланиш ваъдасида турмагани учун унинг автомобилини ёқиб юборди

241
(Янгиланган 10:31 20.09.2020)
Йигит кейинчалик қизга уйланишини ваъда қилган, аммо ваъдасида турмаган. Умидсизликда қолган қиз йигитнинг “Jentra” автомобилига бензин сепиб, ёқиб юборган

ТОШКЕНТ, 20 сен — Sputnik. Тошкентда фуқаронинг автомобилини ёқиб юборган шахс аниқланди. Бу ҳақда Тошкент шаҳар ИИББ матбуот хизмати хабар қилмоқда.

Маълум бўлишича, 19 сентябрь куни соат Учтепа тумани ИИО ФМБ навбатчилик қисмига 19 ёшли Ситора Г. 23 ёшли Асилбек Н.га тегишли бўлган "Jentra" русумли автомобилни ёқиб юборгани ҳақидаги хабар келиб тушган.

Терговолди текширувлари давомида аниқланишича, вақтинчалик Тошкент шаҳрининг Учтепа туманида яшовчи Ситора Г. ва жабрланувчи ўртасида маълум вақт муҳаббат бўлган.

В Ташкенте девушка сожгла Jentra своего парня
© ГУВД г. Ташкента.
В Ташкенте девушка сожгла Jentra своего парня

Асилбек кейинчалик Ситорага уйланишини ваъда қилган, аммо ваъдасида турмаган. Умидсизликда қолган қиз йигитнинг автомобилига ичидан ва ташқарисидан бензин қуйиб, ёқиб юборган.

Ҳодиса тафсилотлари ўрганилмоқда.

241
Узбекские милиционеры рядом с патрульной машиной

Қашқадарёда мактаб директори ўз жонига қасд қилди. У вафотидан олдин хат ёзиб қолдирган

1251
Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган

ТОШКЕНТ, 18 сен - Sputnik. Бош прокуратура матбуот-хизмати ижтимоий тармоқларда тарқалган Қашқадарё вилоятида мактаб директори ўз жонига қасд қилганлиги, вафотидан олдин хат ёзиб қолдирганлиги ҳақидаги хабарлар юзасидан расмий баёнот эълон қилди.

Мактубда келтирилишича, директор суиқасд олдидан хат ёзган ва унда барча ҳамкасбларидан коррупцияга йўл қўймасликни ўтиниб сўраган.

"Ҳозирда мазкур ҳолат юзасидан Китоб тумани прокуратураси томонидан терговга қадар текширув ҳаракатлари олиб борилмоқда", - дейилади Бош прокуратура хабарида.

Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган.

Ҳозирда туман халқ таълими, ички ишлар бўлимлари ҳамда махалла ва оилани қўллаб-қувватлаш маркази туман бўлимининг мутасадди ходимлари ҳаракатлари юзасидан хизмат текширувлари тайинланган.

Текшириш ҳаракатлари давом этмоқда.

1251

ХТВ телевизион дарсдаги хатолик учун узр сўради

34
16 сентябрь куни эфирга узатилган инглиз тили фани видеодарсида Нью-Йорк АҚШнинг пойтахти деб айтилган эди. Аслида Вашингтон АҚШнинг пойтахти ҳисобланади.

ТОШКЕНТ, 20 сен — Sputnik. Халқ таълими вазирлиги мактаб ўқувчилари учун телевизион дарсда қўйилган хатолик учун узр сўради ва чет тили ўқитувчиларининг таркиби қайта кўриб чиқилганини маълум қилди.

Жорий йилнинг 14 сентябрь кунидан бошлаб мактаб ўқувчилари учун телевизион дарслар узатила бошланди.

Таъкидланишича, “Онлайн-мактаб” лойиҳаси доирасида ҳар куни 100 дан ортиқ (30-35 соат) дарслар тасвирга олинмоқда. Мазкур дарсларда имкон қадар хатолик ўтмаслигига ҳаракат қилинмоқда.

“Бироқ, 16 сентябрь куни эфирга узатилган чет тили фани видеодарсида айрим хатоликларга йўл қўйилди. Энг аввало, мазкур ҳолат учун барчадан узр сўрамоқчимиз. Халқ таълими вазирлиги томонидан дарсларда йўл қўйилган хато ва камчиликларни бартараф этиш мақсадида чет тили ўқитувчиларининг таркиби қайта кўриб чиқилди, дарс муҳаррири алмаштирилди ҳамда дарсларда тажрибали ўқитувчилар жамоасини янада кенгайтириш мақсадида маҳоратли педагоглар учун танлов эълон қилинди”, - дейилган хабарда.

Вазирлик кенг жамоатчилик ва ижтимоий тармоқ фаолларидан “Онлайн-мактаб” лойиҳасида иштирок этаётган ўқитувчиларни камситмасликни сўраб қолган.

“Ҳар биримиз хатоликка йўл қўйишимиз мумкин, иш бор жойда хатоликлар ҳам учраб туради. Лекин, бу хатоликларни олдини олиш ва келгусида йўл қўймаслик чоралари кўрилмоқда”, - дея қўшимча қилган вазирлик.

ХТВ бу вазият барчани ўз вазифаларини бажаришда эътиборлироқ бўлишга ва ишга профессионал ёндашишга ундашига умид билдирган.

Вазирлик ҳозирги шароитда ўз соғлиғини хавф остига қўйиб ҳам анъанавий ҳам масофавий шаклда фаолият олиб бораётган ҳамда видеодарсларни тасвирга олиш жараёнларига жалб қилинган ўқитувчиларга миннатдорчилик билдирган.

34