Ақтўбеда ёниб кетган автобус ҳайдовчилари ҳибсга олинди, улар 10 йилга қамалиши мумкин

© КЧС МВД РКСгоревший автобус, в котором погибли 52 человека из Узбекистана
Сгоревший автобус, в котором погибли 52 человека из Узбекистана - Sputnik Ўзбекистон
Oбуна бўлиш
Йиғилган маълумотлар ва фактлар асосида автобуснинг ҳар учала ҳайдовчиси ҳибсга олинган. 24 январь куни тунги соат 22:40да улар қўлга олиниб, Оқтўба шаҳар ИИБ ҳибсхонасига олиб келинган

ТОШКЕНТ, 26 янв — Sputnik. Жорий йилнинг 18 январ куни Ақтўбедаги трассада ёниб кетган автобус ҳайдовчилари ҳибсга олинди. Ҳодиса оқибатида 52 нафар Ўзбекистон фуқаролари ҳалок бўлишган эди.

Сгоревший автобус, в котором погибли 52 человека из Узбекистана - Sputnik Ўзбекистон
Ақтўбедаги фожеа: автобус нима сабабдан ёнгани айтилди
Тергов жараёнида маълум бўлишича, автобусда ёнғин хавфсизлик қоидаларига риоя этмаслик, яъни автобус салони ичини иситиш мақсадида паялний лампадан фойдаланилгани туфайли келиб чиққан.

"Ҳайдовчилар транспорт воситасини эксплуатация қилиш ва ёнғин хавфсизлиги қоидаларини бузишган", — деб хабар берди Ақтўбе вилояти прокуратураси матбуот-хизмати.

Автобуснинг уч нафар ҳайдовчиси вақтинчалик сақлаш изоляторига жойлаштирилган. Улар 24 январь куни тунги соат 22:40да қўлга олинган.

Ҳайдовчилар йўл ҳаракати қоидалари ёки транспорт воситалари эксплуатацияси қоидаларига риоя этмаслик ва эҳтиётсизлик оқибатида 2 ва ундан ортиқ одамлар ўлимига сабаб бўлишда гумон қилинмоқда.

Ушбу модда бўйича эркакларга 5-10 йилгача қамоқ жазоси берилиши ёки улар етти йилгача муддатга маълум лавозимларни эгаллаш ҳуқуқидан дан маҳрум этилиши мумкин.

Ҳозирда қўзғатилган жиноий иш бўйича тергов республика бош прокуратураси ҳамда Ички ишлар вазирлиги назоратига олинган.

Янгиликлар лентаси
0