Женщины в метро

Тошкентда икки кечада 74 нафар “тунги капалаклар” ва 4 нафар эркак қўлга олинди

3521
Тошкентнинг 6 та туманида ИИББ ходимлари томонидан фоҳишалик билан шуғулланишда гумон қилинган 74 нафар аёл қўлга олинди.

ТОШКЕНТ, 7 фев – Sputnik. Тошкентнинг 6 та туманида тунги рейдлар давомида ИИББ ходимлари томонидан фоҳишалик билан шуғулланишда гумон қилинган 74 нафар аёл қўлга олинди.

ИИББ хабарига кўра, профилактик тадбирлар давомида икки кун ичида фоҳишалик билан шуғулланишда гумон қилинган 74 нафар аёл қўлга олинган.

Яшнобод, Бектемир, Миробод, Юнусобод, Учтепа ва Чилонзор туманларида 4 февралдан 5 февралга ўтар кечаси 34 нафар, 5 февралдан 6 февралга ўтар кечаси эса 40 нафар аёл қўлга олинган. Уларнинг 11 нафари аввал 190-модда (“фоҳишалик билан шуғулланиш”) билан маъмурий жавобгарликка тортилган.

Бундан ташқари, 40 нафар аёлдан 30 нафари аввал турли қоидабузарликлар учун ички ишлар бўлимларига олиб борилишган.

Барча қўлга олинган аёллар ИИБга олиб борилиб, уларнинг шахси тасдиқланган. Ўша ерда улар тиббий кўрикдан ўтказилган.

У ерда аёлларга ишга жойлашишда ва турар-жой муаммосини ҳал қилишда ёрдам кўрсатилмоқда.

Шунингдек, аёлларни ўз автомобилларида фоҳишалик билан шуғулланиш учун олиб бориб юрган 4 нафар эркак ҳам қўлга олинган. Уларга нисбатан тегишли ҳужжатлар тузилган.

3521
Конверт с долларовыми купюрами

“Ўқишга киритиб қўйишга ваъда берди”: Андижон тиббиёт институти кафедра доценти ушланди

207
Андижон вилоятида институтга киритиш эвазига 2 000 доллар олган кафедра доценти фирибгарлик устида ушланди.

ТОШКЕНТ, 10 авг — Sputnik. Андижон вилоятида институтга киритиш эвазига 2 000 АҚШ доллари олган кафедра доценти фирибгарлик устида ушланди.

Бош прокуратура ҳузуридаги Департамент ва ДХХнинг Андижон вилоят бошқармалари томонидан ҳамкорликда ўтказилган тезкор тадбирда, Андижон давлат тиббиёт институти кафедра доценти Г.Қ. дастлаб фуқаро Ш.Б.ни мазкур институтга ўқишга киритиб қўйишга ваъда бериб, 8000 АҚШ доллари талаб қилади, бироқ ҳозирда институтга ҳужжатларни топшириш муддати ўтганлигини маълум қилиб, Қирғизистон Республикаси Ош давлат университетига ўқишга киритиб қўйиш эвазига талаб қилинган пуллардан 2 000 АҚШ долларини олган вақтида ашёвий далиллар билан ушланган.

Мазкур ҳолат юзасидан кафедра доценти Г.Қ.га нисбатан Жиноят кодексининг 168-моддаси 1-қисми билан жиноят иши қўзғатилиб, тергов ҳаракатлари ўтказилмоқда.

207
Нож в руке. Иллюстративное фото

Қорақалпоғистонда фуқаро жаҳл устида танишини пичоқлаб қўйди

128
Танишини учратиб қолган фуқаро бир кун олдинги воқеани ёдга олган. Сўнгра жаҳл устида уйидан пичоқ олиб чиқиб, танишини қўрқитмоқчи бўлган.

ТОШКЕНТ, 10 авг — Sputnik. Қорақалпоғистонда жаҳл устида танишини пичоқлаб қўйган фуқарога нисбатан жиноий иш очилди. Бу ҳақда ИИВ ҳузуридаги Тергов департаменти хабар қилмоқда.

Маълум бўлишича, ҳодиса 3 август куни Хўжайли тумани Дўстлик кўчасида содир бўлган. У ерда 34 ёшли М.П. таниши 29 ёшли Д.Е.ни учратиб қолган.  Бир кун олдин бўлиб ўтган воқеа туфайли юзига ургандан жаҳли чиқиб, уйидан пичоқ олиб чиққан. Кейин қўрқитиб қўйиш мақсадида силтаган пайтида Д.Е.нинг қорин соҳасига тиқиб олган. Натижада унга ҳаёт учун хавфли бўлган оғир тан жароҳати етказган.  

Д.Е. олган тан жароҳати билан тиббиёт муассасага ётқизилган.  

Ҳодиса жойидан 1 дона ошхона пичоғи ашёвий далил тариқасида расмийлаштириб олинган.

Ҳолат юзасидан Ўзбекистон Жиноят Кодексининг 104-моддаси 1-қисми (қасддан баданга оғир шикаст етказиш) билан жиноят иши қўзғатилган.

Ҳозирда тергов ҳаракатлари давом этмоқда.

128

Ўзбекистонда коронавирус: 10 август асосий хабарлари

724
(Янгиланган 22:58 10.08.2020)
Бир сутка давомида 459 кишида коронавирус аниқланди, Ўзбекистонда коронавирус инфекцияси қайд этилганлар сони 31 068 нафарни ташкил қилмоқда.

ТОШКЕНТ, 10 авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 459 кишида коронавирус аниқланди, Ўзбекистонда коронавирус инфекцияси қайд этилганлар сони 31 068 нафарни ташкил қилмоқда.

Янги касалланиш ҳолатларининг 116 нафари Тошкент вилоятида, 106 нафари Тошкент шаҳрида, 19 нафари Самарқанд вилоятида ҳамда 7 нафари Жиззах вилоятида тана ҳарорати кўтарилганлиги учун профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 517 нафар бемор тузалиб, ўз уйларига кузатилди. Республика бўйлаб жами соғайганлар сони 22 559 нафарга етди.

Айни пайтда 8 311 нафар беморга белгиланган стандартлар бўйича даво чоралари кўрилмоқда. Улардан 1 378 нафари оғир, 386 нафари эса ўта оғир аҳволда.

Ўлим ҳолатлари

Кун давомида коронавирусга чалинган 4 нафар бемор –  Қибрай туманида яшаган 44 ёшли А.А. (эркак) ва 80 ёшли Х.А. (эркак), Тошкент шаҳар Шайхонтоҳур туманида яшаган 68 ёшли У.М. (аёл), Сергели туманида яшаган 63 ёшли Д.С. (эркак) ҳамда вафот этди.

Ўзбекистонда жами 198 киши пандемия қурбони бўлди.

Муҳим ёрдам

Бутунжаҳон Соғлиқни Сақлаш Ташкилотининг штаб-квартираси, COVID-19га Бутунжаҳон бирдамлиги ва ҳаракати жамғармаси орқали, Ўзбекистонга умумий қиймати 300 минг АҚШ долларига тенг бўлган яна бир инсонпарварлик ёрдамини юборди. Бу сафар Истамбулдан келган рейсда 500 дона кислород концентратори олиб келинди. Бундан ташқари, ҳафта охирига лабораторияда ишлатиладиган материалларидан иборат яна бир гуманитар ёрдам юки етказилади.

Қирғизистонга парвоз

Ўзбекистон ва Қувайт авиакомпаниялари Қирғизистонга мунтазам авиақатновларни қайта тиклашни таклиф қилди. Транспорт ва йўл вазирлиги ҳузуридаги Фуқаро авиацияси агентлигининг директори Курманбек Акишев маълум қилишича, Қувайт ва Ўзбекистоннинг биттадан компанияси мунтазам рейсларни қайта тиклаш таклифи билан мурожаат қилди. Таклифлар Коронавирусга қарши кураш республика штаби томонидан кўриб чиқилмоқда.

Дунё саломатлиги

Дунё бўйлаб инфекцияни юқтириб олган кишиларнинг сони 19,9 миллиондан ошди, 731 минг киши вафот этди, 12,8 киши тузалди. Энг кўп ҳолатлар АҚШда (5,0 млн), Бразилияда (3,0 млн), Ҳиндистонда (2,2 млн).

724
Мавзу:
COVID-19 умумжаҳон пандемияси