Наручники

Бўғиб ўлдирилган 15 яшар қиз: қотилликнинг даҳшатли тафсилотлари

3284
Юнусобод туманида бўғиб ўлдирилган мактаб ўқувчиси қотиллик ишининг янги тафсилотлари пайдо бўлди.

ТОШКЕНТ, 8 фев - Sputnik. Тошкентнинг Юнусобод туманида бўғиб ўлдирилган мактаб ўқувчиси билан боғлиқ қотиллик ишининг янги тафсилотлари эълон қилинди.

Аввалроқ жума, 7 феврал куни, пойтахтнинг 246-сонли умумтаълим ўрта мактаби 9-синф ўқувчисининг жасади у истиқомат қилган уйда топилгани ҳақида хабар берган эдик.

Аниқланишича, қиз бўғиб ўлдирилган.

Тергов–тезкор чора-тадбирлар натижасида, ушбу жиноятни содир этишда гумон қилинаётган 20 ёшли Э.А. ушланган.

Кейинроқ маълум бўлишича, қўлга олинган шахс – ўлдирилган қизнинг ўгай акаси бўлиб чиққан. Дастлабки хабарларга кўра, у ушбу қотилликни ўзаро жанжал чоғида содир этган.

Тошкент прокуратураси мазкур қотиллик юзасидан Ўзбекистон Жиноят кодексининг 97-моддаси 1-қисми (Қасддан одам ўлдириш) билан жиноий иш қўзғатган.

Ҳозирда жиноятнинг содир этилиши сабаблари аниқланмоқда.

3284
Преступник за решеткой

"UzAutoMotors"га ишга ўтмоқчи бўлган 31 фуқаро фирибгарлар шайкасига алданиб қолди

283
Бир гуруҳ фирибгарлар фуқароларни ишга жойлаб қўйиш ваъдаси билан уларнинг 42 минг доллар пулини ўзлаштириб юборди.

ТОШКЕНТ, 30 май - Sputnik. "UzAutoMotors" АЖга  ишга киритиб қўйиш эвазига фуқароларнинг 42 000 АҚШ долларини қўлга киритган фирибгарларга нисбатан жиноят иши қўзғатилди, деб хабар қилди Бош прокуратура матбуот хизмати.

Хабарда айтилишича, "UzAutoMotors" АЖнинг бошқарма бошлиқлари ва бошқаларнинг мурожаатларига асосан Бош прокуратура ҳузуридаги Департамент Асака туман бўлими томонидан терговга қадар текширув ўтказилади.

Натижада "U-C" қўшма корхонаси АЖ қўриқлаш хизмати бошлиғи А.Ю., корхона ҳайдовчиси Ж.А. ва бошқалар олдиндан тил бириктириб тумандаги "UzAutoMotors" АЖга турли лавозимларига ишга жойлаштириб қўйиш ваъдаси билан 31 нафар фуқаронинг 42 минг АҚШ долларини фирибгарлик йўли билан қўлга киритганликлари аниқланган.

Мазкур ҳолат юзасидан А.Ю. ва бошқаларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

283
Заслуженный артист Узбекистана Хашим Арсланов

Ўзбекистонда хизмат кўрсатган артист Ҳошим Арсланов вафот этди

532
(Янгиланган 11:43 30.05.2020)
Маълум бўлишича, актёрнинг вафотига саратон хасталиги сабаб бўлган. Унинг кинодаги сўнгги иши 2019 йилда суратга олинган "101-рейс" фильми бўлди.

ТОШКЕНТ, 30 май - Sputnik. Ўзбек кино ва театри оғир жудоликка учради. Таниқли эл севган актёр, профессионал дубляж устаси Ҳошим Арслонов 64 ёшида оламдан ўтди. Бу ҳақда "Қалампир" нашри хабар бермоқда.

Маълум бўлишича, актёрнинг вафотига саратон хасталиги сабаб бўлган.

Ҳошим Арслонов 1956 йилда таваллуд топган. 1977 йилда Тошкент театр институтини тамомлаган. 1977 йилдан 2017 йилгача Аброр Ҳидоятов номидаги драма театрида фаолият юритган.

Кино актёри сифатида "Ижарачилар", "Хиёнат", "Сингилгинам", "Сўнгги қўнғироқ", "Фидойилар", "Менинг акам бўйдоқ", "Қасос", "Ёрим-безорим", "Ҳақиқат куни", "Сўзсиз севги", "Чавандоз", "Хўжа Насриддин: ўйин бошланяпти", "Алпомиш", "Марғиёна" каби фильмларда суратга тушган.

Италиянинг Искя шаҳрида халқаро кинофестивалда "Улуғбек. Осмон тоқига қўйилган нарвон" фильмидаги роли учун ғолибликни қўлга киритган ва совриндор бўлган.

Унинг кинодаги сўнгги иши 2019 йилда суратга олинган "101-рейс" фильми бўлди.

Таҳририятимиз номидан марҳумнинг яқинларига ҳамдардлик билдирамиз.

532

Россия қатор давлатлар туристлари учун ўз чегарасини очишни режалаштирмоқда

62
Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

ТОШКЕНТ, 30 май - Sputnik. Россия президенти Владимир Путин Хавфсизлик кенгашига қатор давлатлар туристлари учун кириш чекловларини олиб ташлаш бўйича таклиф киритди.

"Кўплаб давлатлар, иқтисоди туризмга боғлиқ бўлган давлатлар ўз чегараларини очаётгани ҳақида эълон қилди. Биз нафақат бизнинг давлатимиз ичида бўладиган, балки атрофимизда рўй бераётган ўзгаришларни ҳам муҳокама қилишимиз керак", - деди Путин РФ Хавфсизлик кенгаши йиғилишида.

Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

62