Автомобиль скорой помощи

Мудҳиш ЙТҲ: Самарқандда Nexia машинаси экскаватор билан тўқнашди

272
(Янгиланган 17:07 14.02.2019)
Nexia автомобили экскаватор билан тўқнашуви оқибатида икки киши қурбон бўлди.

ТОШКЕНТ, 14 фев – Sputnik. Самарқандда Nexia автомобили Volvo русумли экскаватор иштирокида мудҳиш ЙТҲ содир бўлди. Натижада икки киши қурбон бўлди, деб хабар қилди Ички ишлар вазирлиги ҳузуридаги Тергов департаменти. 

Ҳодиса жорий йилнинг 11 февраль куни соат тахминан 06:00 да содир бўлган.

Фуқаро М.М. ўз бошқарувидаги Nexia русумли автомашинани “Жомбой-Эшимоқсоқ” 4П-48 йўлининг 11 километрида бошқариб кетаётиб, қарама-қарши йўналишдан ҳаракатланиб келаётган, фуқаро А.Д.  бошқарувидаги Volvo русумли экскаваторга урилиб, тўқнашув содир этган. Натижада, Nexia русумли автомашина ҳайдовчиси М.М. ва йўловчиси М.Ҳ.лар жароҳат олиб, ҳодиса жойида вафот этганлар. 

Мазкур ҳолат юзасидан Ўзбекистон Жиноят кодексининг 266-моддаси 3-қисми “а” банди (транспорт воситалари ҳаракати ёки улардан фойдаланиш хавфсизлиги қоидаларини бузиш,  одамлар ўлимига сабаб бўлса) билан жиноят иши қўзғатилди

Ҳозирда дастлабки тергов ҳаракатлари олиб борилмоқда

272
Показания сейсмографа

Тожикистондаги зилзила Ўзбекистоннинг қатор ҳудудида сезилди

122
Тожикистондаги зилзила Ўзбекистоннинг 10 та ҳудудида сезилди. Тошкентда унинг кучи 3 баллни ташкил этди.

ТОШКЕНТ, 9 июл — Sputnik. 9 июль куни Тошкент вақти билан 11:39 да Тожикистонда зилзила содир бўлди. У Ўзбекистон ҳудудида ҳам сезилди.

ФВВ Сейсмопрогностик мониторинг Республика маркази хабарига кўра, зилзила координаталари: 39,96 градус шимолий кенглик; 69,31 градус шарқий узунлик. Магнитуда М=4,7. Чуқурлик 10 км. Зилзила эпицентридан Тошкентгача масофа 145 км жанубий йўналиш бўйича.

Зилзила Ўзбекистон ҳудудида: Тошкент 145 км, 3 балл, Наманган 231 км, 2 балл, Андижон 273 км, 2 балл, Фарғона 215 км, 2 балл, Гулистон 74 км, 4 балл, Жиззах 126 км, 3 балл, Самарқанд 204 км, 2 балл, Термиз 352 км, 2 балл, Қарши 326 км, 2 балл, Навоий 335 км, 2 балл.

Ўзбекистоннинг бошқа ҳудудларида ер силкиниши қайд этилмаган. Талофатлар ва жабрланганлар тўғрисида маълумот келиб тушмаган.

122
Теглар:
зилзила, Тожикистон, Ўзбекистон

Ўзбекистонда биринчи чет эллик коронавирусдан вафот этди

219
Бемор 21 июнь куни тез тиббий ёрдам чақиртирилиб, Бухоро вилояти юқумли касалликлар шифохонасининг реанимация бўлимига ётқизилган.

ТОШКЕНТ, 9 июл - Sputnik. Коронавирус инфекциясига чалинган афғонистонлик 40 ёшли бемор ўткир юрак қон-томир ва нафас етишмовчилигидан вафот этди, деб хабар берди Соғлиқни сақлаш вазирлиги.

Хабарга кўра, Афғонистон давлати фуқароси 40 ёшли М.Ҳ. (эркак)ни 2-3 кун давомида йўтал ва тана ҳарорати кўтарилиши безовта қилган.

21 июнь куни тез тиббий ёрдам чақиртирилиб, Бухоро вилояти юқумли касалликлар шифохонасининг реанимация бўлимига ётқизилган.

Беморга “СOVID-19”, икки томонлама пневмониянинг ўта оғир кечиши, нафас етишмовчилигининг 3-даражаси, юрак етишмовчилиги ташхиси қўйилган.

Шифохонада бемор бир неча марта мутахассислар томонидан онлайн консультация қилинган, даволаш жараёни уларнинг тавсияси асосида олиб борилган.

"Шифокорлар томонидан стандартлар асосида ўтказилган реанимацион муолажаларга қарамасдан бемор ўткир юрак қон-томир ва нафас етишмовчилигидан вафот этди", - дейилган хабарда.

Ўзбекистонда куни кеча, 8 июль куни, коронавирус инфекцияси қайд этилганлар сони 11 092 нафарга етди.

Республика Махсус комиссияси қарорига мувофиқ, Ўзбекистонда коронавирус билан боғлиқ эпидемиологик вазиятнинг ёмонлашуви туфайли карантин чоралари кескин кучайтирилади.

Республика ҳудудида 10 июлдан 1 августга қадар карантин чоралари кескин кучайтирилади: автотранспорт ҳаракати ва йирик жамоат объектлари фаолияти чекланади.

219
Мавзу:
COVID-19 умумжаҳон пандемияси
Водитель в автомобиле

Россияда авто-жарималар миқдорини ошириш таклиф қилинди

4
Россияда автомобил жарималари миқдорини ошириш таклиф қилинди. Энди РФда ҳайдовчи қизил чироққа юргани учун ва қасддан сохта рақамларни ўрнатганига қанча пул тўлаши керак.

ТОШКЕНТ, 10 июл - Sputnik. Умумроссия Халқ фронти (ОНФ) ҳайдовчилар учун белгиланган жарималар миқдорини беш бараварга оширишни таклиф қилди, деб маълум қилди РИА Новости'га “Автомобил ҳайдовчиларининг ҳуқуқларининг ҳимояси” ишчи гуруҳи раҳбари Петр Шкуматов.

“Ҳозирда Маъмурий ҳуқуқбузарликлар тўғрисидаги кодексга асосан қизил чироққа ҳаракатланиш учун жарима минг рублни ташкил этади. Такрорий қоидабузарликда беш минггача кўтарилади, ёки тўрт ойдан олти ойгача ҳайдаш ҳуқуқидан маҳрум қилиш унга альтернатива бўлиши мумкин”, - дейилган маълумотда.

Қасддан сохта рақамларни ўрнатиш учун ҳам экспертлар ҳудди шу миқдордаги маблағни ундиришни тавсия қиладилар. Ҳозирда бу учун жарима 2,5 минг рублдан ошмайди.

Шу билан бирга, ОНФ ифлосланган рақамлар учун жаримани камайтиришга ва кўчада об-ҳаво ёмон бўлса огоҳлантириш билан кифояланишга чақирмоқда.

Шунингдек, экспертлар маст велосипедчиларга беш минг рубл миқдорида жарима қўллашни тавсия қилишди.

Бундан ташқари, тезликни оширганлик учун жарималарни ўзгартириш таклиф этилмоқда: аҳоли яшаш пунктларида тезлик меъёрдан соатига 40-60 кмга ортиқ бўлса, 2,5 минг рубл, такрорий қоидабузарлик учун 5 минг жарима ундириш таклиф этилмоқда.

Иккала ҳолатда ҳам ҳайдовчилик гувохномасидан маҳрум қилиш кўзда тутилмаган.

Аҳоли яшаш пунктларидан тезликни меъёрдан соатига 60 км дан ортиқ тезликда ҳаракатланиш учун экспертлар 5 минг рубл миқдорида жарима солишни ёки 4 ойдан 6 ойгача ҳайдаш ҳуқуқидан маҳрум қилишни, такрорий қоидабузарликлар учун - 15 минг ёки бир йилга ҳайдаш ҳуқуқларидан маҳрум қилишни таклиф қилдилар.

Аҳоли яшаш пунктларидан ташқарида тезлик меъёрдан 40-60 км/соатга оширилса, ОНФ 2,5 минг рубл, 60 км/соатдан кўпроғига - 5 минг рубл миқдорида жарима кўллашни таклиф қилмоқда.

4