Тошкентда йўл четидаги бетон тўсиққа урилган автобус тафсилотлари – видео
ТОШКЕНТ, 6 мар - Sputnik. Тошкент шаҳар ИИББ Тошкентда автобус йўл четидаги бетон тўсиққа урилиб, ағдарилиб кетган автобус ҳақидаги тафсилотларни маълум қилди.
Хабарда айтилишича, бугун, 6 март куни Шайхонтоҳур туманидаги Нурафшон кўчасида 18-автобус саройи тасарруфидаги 27-сонли, “Чорсу савдо маркази-Кўкча оқлон маҳалласи” йўналишида қатновчи ISUZU русумли автобус ҳайдовчиси 53 ёшли Абдулла У. бошқарувни йўқотиб, йўл четидаги бетон тўсиққа бориб урилган.
Йўловчилардан бири енгил тан жароҳати олган ва шифохонага олиб борилган. Шифохонада йўловчига тиббий ёрдам кўрсатилган.
Ҳозирда ҳодиса сабаблари аниқланмоқда.
Ўзбек-қирғиз чегарасидаги можарода 25 киши жароҳатланди
(Янгиланган 13:06 01.06.2020)
Ўзбекистон-Қирғизистон чегарасидаги можарода 25 киши жароҳатланди. Жароҳатланганларга зарур тиббий муолажалар кўрсатилди. ТОШКЕНТ, 1 июн — Sputnik. Ўзбек-қирғиз чегарасидаги можарода 25 киши жароҳатланди, деб хабар қилди Қирғизистон Соғлиқни сақлаш вазирлиги.
©
Sputnik / Табылды Кадырбеков
“Айдаркен шаҳрида умумий тиббий амалиёт марказига 25 киши олиб келинди. Айни вақтда турли даражада жароҳат олган 4 нафар киши стационарга ётқизилди. Икки киши жонлантириш бўлимида, жарроҳлик амалиётидан сўнг шифокорлар томонидан уларнинг аҳволи оғир деб баҳоланмоқда. Икки киши жарроҳлик бўлимига ётқизилди - аҳволи ўрта оғир. Барча фуқаролар зарур тиббий муолажа олмоқда”, - дейилган хабарда.
Сўнгги маълумотларга кўра, қолган 21 кишига шошилинч ёрдам кўрсатилгандан сўнг амбулатор даволанишга жўнатилди.
Жароҳатланганлар барча дори-дармонлар билан таъминланди.
Воқеа жойида икки шошилинч тиббий ёрдам бригада навбатчилик қилмоқда. Баткен вилояти шифохонадан реаниматолог ва травматолог ҳамкасбларга ёрдам бериш учун келди.
Эслатиб ўтамиз, 1 май куни Ўзбекистон-Қирғизистон чегарасида жойлашган Чашма булоғи олдида икки мамлакат фуқаролари ўртасида можаро юз берди.
Жанжалга Чашма булоғи суви икки қишлоқ аҳолиси томонидан биргаликда тозаланиши сабаб бўлган. Томонлар булоқ қайси давлатга тегишлиги борасида тортишиб қолишгани айтилмоқда.
Бухородаги мудҳиш ЙТҲда икки киши қурбон бўлди
ТОШКЕНТ, 1 июн — Sputnik. Бухорода Lacetti ва MAN юк машинаси иштирокида йўл-транспорт ҳодисаси содир бўлди ва бу икки кишини ҳаётдан олиб кетди.
ИИВ ҳузуридаги Тергов департаменти хабарига кўра, ҳодиса 31 май куни “Ғузор- Бейнеу” йўналишидаги А-380 йўлининг Жондор тумани “Луқмон” Газли чўл ҳудудида содир бўлган. 24 ёшли Lacetti ҳайдовчиси ушбу йўлнинг 301-километрига етганида йўлнинг қарама-қарши йўналишидан ҳаракатланиб келаётган 46 ёшли Д.Ш. бошқарувида бўлган MAN русумли юк автомашинасини олд қисмига бориб урилган.
ДТП при участии легкового автомобиля и грузовика в Бухаре, есть жертвы
Оқибатда Lacetti ҳайдовчиси Ш.Х. ва ушбу автомашина олд йўловчи ўриндиғида ўтирган йўловчи 48 ёшли Т.Қ. оғир тан жароҳатлари олиб, ҳодиса жойда вафот этган.
Ҳолат юзасидан Жиноят кодексининг 266-моддаси 3-қисми “а” банди (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Ҳозирда дастлабки тергов ҳаракатлари олиб борилмоқда.
ИИВ ППХ бош бошқармасига янги раҳбар тайинланди
(Янгиланган 10:52 02.06.2020)
Полковник Азизхон Умархонов ИИВ Патруль-пост хизмати ва жамоат тартибини сақлаш бош бошқармасига раҳбари этиб тайинланди.ТОШКЕНТ, 2 июн — Sputnik. Полковник Азизхон Умархонов Ўзбекистон ИИВ Патруль — пост хизмати ва жамоат тартибини сақлаш бош бошқармаси бошлиғи лавозимига тайинланди. Бу ҳақда ИИВ матбуот хизмати хабар қилди.
У тайинловга қадар Тошкент шаҳар ИИББ бошлиғининг жамоат тартибини сақлаш бўйича ўринбосари лавозимида фаолият юритган.
Полковник Муродилла Аликариев Тошкент шаҳар ИИББ бошлиғининг жамоат тартибини сақлаш бўйича ўринбосари лавозимини эгаллади. Бунга қадар Аликариев Тошкент шаҳар ИИББ Патруль-пост хизмати ва жамоат тартибини сақлаш бошқармаси бошлиғи лавозимида ишлаб келаётганди.