Машина скорой помощи

Тошкентда автобус бекатдаги икки пиёдани босиб кетди

396
ЙТҲ оқибатида 14 ёшли қиз ва 30—35 ёшлардаги аёл воқеа жойида ҳалок бўлган.

ТОШКЕНТ, 4 май – Sputnik. 3 май куни тахминан 14:30 да Тошкент ҳалқа автомобиль йўлига бириккан иккинчи даражали йўлдаги “Чиннибозор” жамоат транспорти бекатида ЙТҲ содир бўлди, деб хабар қилди Тошкент шаҳар ИИББ.

Хабарда айтилишича, 147-рақамли йўналишда ҳаракатланувчи Mercedes-Benz автобуси ҳайдовчиси йўловчиларни тушираётган вақтда ҳозирча аниқланмаган сабабларга кўра, автобус ўз-ўзидан олдинга юриб кетган ва бекатда турган икки пиёдани уриб юборган. Тахминан 10 метрча юриб, автобус олд ўнг ғилдираги билан бетон новга кириб қолиб тўхтаган.

ЙТҲ оқибатида 14 ёшли қиз ва 30—35 ёшлардаги аёл воқеа жойида ҳалок бўлган.

Ҳайдовчининг 20 йиллик тажрибага эга эканлиги айтилмоқда.

Чилонзор туман ИИБ жиноят иши очиш масаласини кўриб чиқмоқда, ЙТҲ сабаблари ўрганилмоқда.

396
Пустое кресло

Қўл остидаги ходимларни сўккан бош врач ўз вазифасидан озод этилди

207
Ижтимоий тармоқларда ходимларини ўз кабинетида сўкаётган раҳбарнинг видеоси тарқалди. Видео “қаҳрамони” Тошкент вилояти Санитария -эпидемиология осойишталик маркази бош врачи Бахтиёр Болтабоев эканлиги маълум бўлди.

ТОШКЕНТ, 2 июн — Sputnik. Тошкент вилояти Санитария-эпидемиология осойишталик маркази бош врачи ўз вазифасидан озод этилди, деб хабар қилди Соғлиқни сақлаш вазирлиги матбуот хизмати.

Ижтимоий тармоқларда ходимларини ўз кабинетида сўкаётган раҳбарнинг видеоси тарқалди. Тез орада видео “қаҳрамони” Тошкент вилояти Санитария -эпидемиология осойишталик маркази бош врачи Бахтиёр Болтабоев эканлиги маълум бўлди.

Бугун Соғлиқни сақлаш вазирлиги ҳузуридаги Санитария–эпидемиологик осойишталик агентлиги томонидан хизмат текшируви ўтказилиб, мутахассислар томонидан ўрганилди. Вилоят Санитария -эпидемиологик осойишталик маркази бош врачи Бахтиёр Болтабоевнинг қўл остидаги ходимлари билан ўта қўпол ва ахлоқий меъёрларга тўғри келмайдиган тарздаги суҳбати  муҳокама қилиниб, қонунчиликда белгиланган тартибда тегишли чора кўрилди.

Бош врач Соғлиқни сақлаш вазирининг биринчи ўринбосари, мазкур агентлик директори Баҳодир Юсупалиевнинг тегишли буйруғи билан ўз вазифасидан озод этилди.

207
Молоток судьи

Тошкентда 2300 дан зиёд кишини чув туширган агентлик қаллоблари устидан суд бошланди

86
(Янгиланган 18:57 02.06.2020)
“Korean and migration xususiy bandlik agentligi” раҳбарлари фуқароларнинг 24,2 млрд сўмини еб кетган.

ТОШКЕНТ, 2 июн — Sputnik. Тошкентда жиноят ишлари бўйича Яккасарой туман судида “Korean and migration xususiy bandlik agentligi” раҳбарлари устидан очиқ суд жараёни бошланди. Бу ҳақда Олий суд матбуот хизмати хабар қилмоқда.

Судланувчилар:

Қаҳрамон Отақулов (1979 йилда Бухоро вилоятида туғилган, муқаддам судланган, “Korean and migrations” xususiy bandlik agentligi” МЧЖ директори),

Одил Кабилов (1963 йилда Наманган вилоятида туғилган, муқаддам судланган, агентликнинг Наманган вилоят филиали директори),

Хушвақт Турдиев (1973 йилда Қашқадарё вилоятида туғилган, муқаддам судланмаган, агентликн таъсисчиси),

Мусурмон Алиқулов (1970 йилда Қашқадарё вилоятида туғилган, муқаддам судланмаган, агентликнинг ўқув ишлари бўлими директори),

Анваржон Шамшиддинов (1983 йилда Наманган вилоятида туғилган, муқаддам судланган, агентликнинг Наманган вилоят филиали иш юритувчиси),

Орифжон Жўраев (1983 йилда Наманган вилоятида туғилган, муқаддам судланмаган, агентликнинг Наманган вилоят филиали ғазначиси),

Мавлуда Отажонова (1969 йилда Самарқанд вилоятида туғилган, муқаддам судланган, агентликнинг ҳисобчиси),

Раъно Нуралиева (1976 йилда Қашқадарё вилоятида туғилган, муқаддам судланмаган, агентликнинг кадрлар бўлими инспектори),

Канг Нам Кю (1968 йилда Корея Республикасида туғилган, муқаддам судланган, агентликнинг ҳамкори)

Жолол Хидиров (1987 йилда Самарқанд вилоятида туғилган, муқаддам судланмаган, воситачи).

Судланувчилар Ўзбекистон ЖКнинг 168-моддаси (фирибгарлик), 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) ва 243-моддаси (жиноий фаолиятдан олинган даромадларни легаллаштириш) да назарда тутилган жиноятларни содир этганликда айбланмоқдалар.

Ушбу жиноят иши бўйича 2 372 жабрланувчи ва 4 фуқаровий даъвогарлар мавжуд.

Айблов хулосаси бўйича моддий зарар миқдори 24,2 млрд. сўм бўлиб, шундан дастлабки тергов мобайнида 13,3 млрд. сўм миқдорини бартараф этиш чораси кўрилган.

Суд жараёни давом этмоқда. Кейинги суд мажлиси 8 июнь кунига тайинланган.

Эслатиб ўтамиз, “Korean and migrations” xususiy bandlik agentligi” МЧЖ фуқароларга уларни ишга жойлаштириш ҳақида ёлғон ваъдалар бериб, уларнинг жуда кўп пулларини ўз эҳтиёжлари йўлида сарфлаб юборишган.

86

Сизларни яхши кўрамиз: АҚШда полициячи намойишчилар олдида тиз чўкиб кечирим сўради

0
(Янгиланган 22:12 02.06.2020)
Миннеаполисда полициячилар томонидан қўлга олиш чоғида қўполлик қилинганидан кейин 46 ёшли афроамерикалик Жорд Флойд вафот этди. Бу ҳолат бутун мамлакат бўйлаб тартибсизликларни келтириб чиқарди.

Калифонияда бир неча полициячи намойишчилар олдига чиқиб, мурожаат қилишди. Ҳатто ходимлардан бири тиз чўкиб, намойишчини қўчоқлаб олди.

0