Узбекский паспорт

Қозоғистонда 20 нафар хоразмликларнинг паспорти олиб қўйилди

294
Завод эгаси уларга маош бермаган ва паспортларни қайтаришни рад қилган.

ТОШКЕНТ, 24 июн – Sputnik. Бош консулхона Қозоғистонда 20 нафар ўзбекистонликларнинг паспорти олиб қўйилиши ҳолатини ўз назоратига олди.Бу ҳақда ТИВ матбуот хизмати хабар қилди.

Ўзбекистоннинг Олма-ота шаҳридаги Бош консулхонаси берган маълумотларга кўра, 2019 йил 23 июнь куни Бош консулхона ходими ижтимоий тармоқлар орқали келиб тушган мурожаатни текшириш учун Олма-ота вилояти Жамбил тумани Минбоев қишлоғига борган.

Воқеа жойида аниқланишича, Хоразм вилоятидан бўлган 20 нафар Ўзбекистон фуқаролари март ойининг бошида фуқаро З.нинг маълумотига биноан ғишт заводида ишлаш учун Қозоғистонга келган. Уларнинг миллий паспортлари вақтинчалик рўйхатдан ўтказиш ва меҳнат рухсатномасини расмийлаштириш баҳонасида олиб қўйилган.

“Завод эгасининг маош бўйича мажбуриятларини бажармагани ва паспортларни қайтаришни рад қилгани муносабати билан Ўзбекистон фуқаролари маҳаллий ҳуқуқни муҳофаза қилувчи органларга мурожаат қилишган”, - дейилади хабарда.

Хорижлик фуқароларни ноқонуний ишга ёллаш факти бўйича иш очилган, Ўзбекистон фуқаролари эса Қаскелен шаҳри 1-сон қабул қилиш-тарқатиш жойига вақтинча жойлаштирилган.

Қайд этилишича, бугун, 24 июнь куни суд бўлиши кутилмоқда. Вазият Бош консулхона томонидан назоратга олинган.

Шу муносабат билан Консуллик-ҳуқуқий департаменти чет элга кетаётган фуқароларга шахсни тасдиқловчи ҳужжатни ҳеч қандай вазиятда бегона шахсларга бермасликни яна бир бор қатъий тавсия қилган ҳамда Қозоғистон ҳудудида бўлиб турган Ўзбекистон фуқаролари зарур вазиятларда Ўзбекистоннинг Нур-Султон шаҳридаги Элчихонасига (тел.: +7-717-295-42-52) ва Олма-ота шаҳридаги Бош консулхонасига (тел.: +7-727-291-11-78) мурожаат қилишлари мумкинлигини эслатган.

294
Разговор по телефону

Фарғонада учрашувга чиққан аёлни “йигити” тунаб кетди

229
27 ёшли фуқаро телефон орқали танишган аёлни ёлғон баҳона билан хилват жойга олиб борган. Сўнгра унга қўл кўтариб, сирғаларини ечиб олган.

ТОШКЕНТ, 3 июн — Sputnik. Фарғонада талончилик жинояти фош этилди.

ИИВ ҳузуридаги Тергов департаменти хабарига кўра, ҳодиса 31 май куни содир бўлган. 27 ёшли фуқаро А.А. телефон орқали ўзидан 10 ёш катта аёл З.Т. билан танишган. Кейин у билан учрашиш учун Яйпан шаҳар марказига келган. Учрашувда аёлга гўёки ўзининг яшаш уйини кўрсатишини айтиб, уни хилват жойга олиб борган. Хилват жойда уни урган ва 2,1 млн сўмлик сариқ металлдан ясалган сирғаларини ечиб олган. Ҳеч ким кўрмаслиги учун воқеа жойидан қочиб қолган.

Тезкор-қидирув давомида талончи ушланган ва З.Т.га тегишли 2 дона сирға мусодара қилинган.

Ҳолат юзасидан Жиноят кодексининг 166-моддаси  2-қисми “а” банди (Талончилик) билан жиноят иши очилган.

229

Яшнободдаги кўп қаватли уйдаги ёнғин туфайли 30 нафарга яқин фуқаро эвакуация қилинди

120
Ёнғин-қутқарувчилар томонидан ёнаётган хонадондан икки нафар, қўшни хонадондан бир нафар фуқаро қутқарилган.

ТОШКЕНТ, 3 июн — Sputnik. Тошкентнинг Яшнобод туманидаги кўп қаватли уйда ёнғин содир бўлди. Бу ҳақда Фавқулодда вазиятлар вазирлиги хабар қилди.

3 июнь куни соат 01:08 да Тошкент шаҳар ФВБ навбатчилик қисмига тумандаги “Тонг” маҳалласи, Тузел 2-даҳаси 22А-уйда (12 қаватли уйнинг 8- қаватида) ёнғин содир бўлаётганлиги тўғрисида хабар келиб тушган.

Воқеа жойига ёнғин ўчириш экипажлари соат 01.15 атрофида етиб бориб, соат 01-43 да ёнғин ўчирилган.

Ёнғин-қутқарувчилар томонидан ёнаётган хонадондан икки нафар,  қўшни хонадондан бир нафар фуқаро қутқарилган.

Шунингдек, ёнғиннинг бинодаги бошқа хонадонларга ўтиб кетиши ҳамда ундан ажралиб чиқаётган заҳарли тутундан юқори қаватларда яшовчи аҳоли заҳарланишининг олдини олиш мақсадида, уйдан 30 дан ортиқ фуқаро хавфсиз ҳудудга эвакуация қилинди.

Тан жароҳати олганлар ва ҳалок бўлганлар қайд этилмаган.

120

Тиз чўккан АҚШ полицияси - фото

0
Миннеаполисда полициячилар томонидан қўлга олиш чоғида қўполлик қилинганидан кейин 46 ёшли афроамерикалик Жорд Флойд вафот этди. Бу бутун мамлакат бўйлаб кескин тартибсизликларни келтириб чиқарди.

АҚШ полиция ходимлари намойишчилар билан бирдамлик белгиси сифатида тиз чўкмоқда.

АҚШнинг турли штатларида тасвирга олинган суратларни Sputnik жамланмасида томоша қилишингиз мумкин.

0
  • Майами полиция ходимлари намойишчилар олдида тиз чўкди.

  • © AFP 2018 / Kyle Grillot

    АҚШ Миллий гвардия зобити намоийшчини бағрига босмоқда. 2.06.20.

  • © AFP 2018 / Frederic J. Brown

    Лос-Анжелес полицияси митингда тиз чўкди. 02.06.20

  • © AFP 2018 / Agustin Paullier

    АҚШ миллий гвардия зобитлари намойишчилар билан Флойд хотирасига ўтказилган митингда тиз чўкди. 02.06.20.

  • © AFP 2018 / Eva Marie Uzcategui

    Флорида штати, полиция ходими Флойд хотирасига ўтказилган митингда, 02.06.20.

  • © AFP 2018 / David Ryder / Getty Images

    Вашингтон штати, Беллевью полиция шерифи, Стив Милет намойишчилар олдида тиз чўкди.

  • © REUTERS / Courtesy Aleeia Abraham

    Нью-Йорк полицияси намойишчилар билан бирга тиз чўкмоқда. Квинс. 31.05.20.

  • © REUTERS / Dustin Chambers

    Анланта, Жоржия штати, зобитлар митингда тиз чўкиб турибди. 01.06.20.

  • © REUTERS / Paige Baretta

    АҚШ полиция ходимлари намойишчилар билан бирдамлик белгиси сифатида тиз чўкмоқда. Портланд, Орегон. 31.05.20

  • © AFP 2018 / Eva Marie Uzcategui

    Корал-Гейблс, Флорида штати, полиция тиз чўккан ҳолда турибди. 30.05.20