Водитель автомобиля

Бишкекда АҚШ элчихонаси ходимаси машинада талабани уриб юборди

205
(Янгиланган 13:00 27.06.2019)
Бишкекда АҚШ элчихонаси ходимаси машинада талабани уриб юборди ва воқеа жойидан кетиб қолди.

ТОШКЕНТ, 24 июн – Sputnik. Бишкек марказий кўчалардан бирида АҚШ элчихонаси ходимаси машинада 4-чи курс талабасини уриб юборди. Бу ҳақда Sputnik Қирғизистон хабар қилди.

Хабарда айтилишича, бу ҳодиса 18 июнь куни содир бўлди. Машина АҚШ фуқароси бошқарувида бўлган. Бу воқеага гувоҳ бўлган қизнинг сўзларига кўра, ЙТҲ содир бўлгандан кейин воқеа жойидан кетиб қолган. Гувоҳлардан бир эса унинг ортидан қувиб етиб борган.

“Бу аёл транзит машинада бўлгани ва унда дахлсизлиги борлигини иддао қилиб, машинадан чиқишга бош тортади. Олти-етти дақиқадан сўнг АҚШ ҳарбий формасида одамлар пайдо бўлди”, - дейди гувоҳ.

Бишкек йўл ҳаракатини хавфсизлигини таъминлаш бошқармасида бу ҳодисани тасдиқлашди. Таъкидланишича, ЙТҲ 18 июнь тахминан соат 17:30 да Чингиз Айтматов шоҳ кўчасида содир бўлди. Lexus RX350 автомобили бошқарувида 51 ёшли М.К. бўлган. “Манас” кинотеатр қаршисида ўтган пиёдалар йўлагида 22 ёшли М.Б.ни уриб юборди. Жабрланган шифохонага олиб келинди.  

Бу ҳодиса рўйхатга олиниб, барча ҳужжатлар пойтахт ИИББ юборилган.   

АҚШ элчихонасида бу ҳодисада ҳақиқатда элчихона ходимаси иштирок этгани Sputnik Қирғизистон мухбирига тасдиқлашди.

Таъкидланишича, ЙТҲдан сўнг дипломат машинани йўл четида тўхтатгани ва воқеа жойида ҳукумат вакилларига ҳамкорлик кўрсатган.

Ҳозирги вақтда элчихона вакиллари жабрган йигитга ҳар томонлама ёрдам беришга ҳаракат қилмоқда.

205
Разговор по телефону

Фарғонада учрашувга чиққан аёлни “йигити” тунаб кетди

231
27 ёшли фуқаро телефон орқали танишган аёлни ёлғон баҳона билан хилват жойга олиб борган. Сўнгра унга қўл кўтариб, сирғаларини ечиб олган.

ТОШКЕНТ, 3 июн — Sputnik. Фарғонада талончилик жинояти фош этилди.

ИИВ ҳузуридаги Тергов департаменти хабарига кўра, ҳодиса 31 май куни содир бўлган. 27 ёшли фуқаро А.А. телефон орқали ўзидан 10 ёш катта аёл З.Т. билан танишган. Кейин у билан учрашиш учун Яйпан шаҳар марказига келган. Учрашувда аёлга гўёки ўзининг яшаш уйини кўрсатишини айтиб, уни хилват жойга олиб борган. Хилват жойда уни урган ва 2,1 млн сўмлик сариқ металлдан ясалган сирғаларини ечиб олган. Ҳеч ким кўрмаслиги учун воқеа жойидан қочиб қолган.

Тезкор-қидирув давомида талончи ушланган ва З.Т.га тегишли 2 дона сирға мусодара қилинган.

Ҳолат юзасидан Жиноят кодексининг 166-моддаси  2-қисми “а” банди (Талончилик) билан жиноят иши очилган.

231

Яшнободдаги кўп қаватли уйдаги ёнғин туфайли 30 нафарга яқин фуқаро эвакуация қилинди

120
Ёнғин-қутқарувчилар томонидан ёнаётган хонадондан икки нафар, қўшни хонадондан бир нафар фуқаро қутқарилган.

ТОШКЕНТ, 3 июн — Sputnik. Тошкентнинг Яшнобод туманидаги кўп қаватли уйда ёнғин содир бўлди. Бу ҳақда Фавқулодда вазиятлар вазирлиги хабар қилди.

3 июнь куни соат 01:08 да Тошкент шаҳар ФВБ навбатчилик қисмига тумандаги “Тонг” маҳалласи, Тузел 2-даҳаси 22А-уйда (12 қаватли уйнинг 8- қаватида) ёнғин содир бўлаётганлиги тўғрисида хабар келиб тушган.

Воқеа жойига ёнғин ўчириш экипажлари соат 01.15 атрофида етиб бориб, соат 01-43 да ёнғин ўчирилган.

Ёнғин-қутқарувчилар томонидан ёнаётган хонадондан икки нафар,  қўшни хонадондан бир нафар фуқаро қутқарилган.

Шунингдек, ёнғиннинг бинодаги бошқа хонадонларга ўтиб кетиши ҳамда ундан ажралиб чиқаётган заҳарли тутундан юқори қаватларда яшовчи аҳоли заҳарланишининг олдини олиш мақсадида, уйдан 30 дан ортиқ фуқаро хавфсиз ҳудудга эвакуация қилинди.

Тан жароҳати олганлар ва ҳалок бўлганлар қайд этилмаган.

120

Тиз чўккан АҚШ полицияси - фото

0
Миннеаполисда полициячилар томонидан қўлга олиш чоғида қўполлик қилинганидан кейин 46 ёшли афроамерикалик Жорд Флойд вафот этди. Бу бутун мамлакат бўйлаб кескин тартибсизликларни келтириб чиқарди.

АҚШ полиция ходимлари намойишчилар билан бирдамлик белгиси сифатида тиз чўкмоқда.

АҚШнинг турли штатларида тасвирга олинган суратларни Sputnik жамланмасида томоша қилишингиз мумкин.

0
  • Майами полиция ходимлари намойишчилар олдида тиз чўкди.

  • © AFP 2018 / Kyle Grillot

    АҚШ Миллий гвардия зобити намоийшчини бағрига босмоқда. 2.06.20.

  • © AFP 2018 / Frederic J. Brown

    Лос-Анжелес полицияси митингда тиз чўкди. 02.06.20

  • © AFP 2018 / Agustin Paullier

    АҚШ миллий гвардия зобитлари намойишчилар билан Флойд хотирасига ўтказилган митингда тиз чўкди. 02.06.20.

  • © AFP 2018 / Eva Marie Uzcategui

    Флорида штати, полиция ходими Флойд хотирасига ўтказилган митингда, 02.06.20.

  • © AFP 2018 / David Ryder / Getty Images

    Вашингтон штати, Беллевью полиция шерифи, Стив Милет намойишчилар олдида тиз чўкди.

  • © REUTERS / Courtesy Aleeia Abraham

    Нью-Йорк полицияси намойишчилар билан бирга тиз чўкмоқда. Квинс. 31.05.20.

  • © REUTERS / Dustin Chambers

    Анланта, Жоржия штати, зобитлар митингда тиз чўкиб турибди. 01.06.20.

  • © REUTERS / Paige Baretta

    АҚШ полиция ходимлари намойишчилар билан бирдамлик белгиси сифатида тиз чўкмоқда. Портланд, Орегон. 31.05.20

  • © AFP 2018 / Eva Marie Uzcategui

    Корал-Гейблс, Флорида штати, полиция тиз чўккан ҳолда турибди. 30.05.20