Икки тошкентлик уйини нашазорга айлантирди

502
(Янгиланган 13:37 14.08.2019)
Тошкентда уйида ҳинд нашасини етиштираётган икки фуқаро аниқланди.

ТОШКЕНТ, 14 авг — Sputnik. Тошкентда уйида ҳинд нашасини етиштираётган икки фуқаро аниқланди.

Тошкент шаҳар ИИББ  матбуот хизмати хабарига кўра, Шайхонтохур туманида яшовчи 45 ёшли Бахром С. хонадонининг балконида гиёҳвандлик воситалари бўлган экин тупини – ҳинд нашасини етиштираётганимаълум бўлган. Унинг хонадонини текшириш жараёнида жиноят қидирув ходимлари 10 дона гул тувагида 15 туп наша ўсимлигини аниқлашди.

Мазкур факт бўйича Ўзбекистон ЖКнинг 270-моддаси (“Тақиқланган экинларни етиштириш”) билан жиноий иш қўзғатилди.

Шунингдек, 11 август куни жиноят иши юзасидан ўтказилган тергов жараёнида Олмазор тумани ИИО ФМБ ходимлари томонидан Олмазор туманида яшовчи 49 ёшли Тоҳир А. уйининг балконида гул тувакларда 4 туп гиёҳвандлик воситалари бўлган экин – ҳинд нашасини етиштираётгани ҳамда 1,37 грамм “марихуана” сақлаётгани аниқланган.  

Ушбу факт бўйича Ўзбекистон ЖКнинг  276-моддаси (“Гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар”) билан жиноят иши қўзғатилди.

502

Қорақалпоғистонда бемор аёл руҳий касалликлар шифохонасидан қочиб кетди

54
Миллий гвардия ходимлари кўп йиллардан буён даволаниб келаётган руҳий касалликлар шифохонасидан қочиб кетган аёлни муассасага қайтаришда кўмаклашди.

ТОШКЕНТ, 28 май — Sputnik. Қорақалпоғистонда Миллий гвардия ходимлари руҳий касалликлар шифохонасидан қочган аёлни муассасага қайтаришди. Бу ҳақда Миллий гвардия матбуот хизмати хабар қилмоқда.

Маълум қилинишича, 27 май куни тахминан тонги соат 04:10 да Ақманғит блок постида хизмат вазифасини ўтаётган Миллий гвардия ҳарбий хизматчилари А.Р. ва  Ф.Х. мақсадсиз юрган аёлни тўхтатишган. Ундан нима сабабдан бемаҳалда юрганини сўрашади. Шунда аёлнинг ўзини тутишидан руҳан соғломлиги шубҳа туғдиради. Сўнгра зудлик билан профилактика инспектори чақирилиб, вазиятга ойдинлик киритилади.

У 1982 йилда туғилган У. А. экани аниқланади. Аёл кўп йиллардан бери даволаниб келаётган Қорақалпоғистон Республикаси руҳий касалликлар шифохонасидан қочиб кетган. Ҳозирда бемор касалхонага олиб бориб жойлаштирилган.

54
Грузовой автомобиль наехал на повозку

Фарғонада юк машинаси эшак аравани босиб кетди қурбон бор

240
Эшак аравада бўлган 46 ёшли фуқаро ҳодиса жойида қурбон бўлган. Унинг 13 ёшли ўғли турли кўринишдаги тан жароҳатлари билан туман тиббиёт бирлашмасига ётқизилган.

ТОШКЕНТ, 28 май — Sputnik. Фарғонада юк автомашинаси эшак аравани уриб юбориши натижасида бир киши қурбон бўлди.

ИИВ ҳузуридаги Тергов департаменти хабарига кўра, йўл-транспорт ҳодисаси 26 май куни Бувайда тумани Янгиқадам қишлоғи ҳудудидан ўтган Ўш-Тошкент А-373 автомобиль йўлининг 215 километрида содир бўлган. “MAN” юк машинасининг 28 ёшли ҳайдовчиси Тошкент шаҳар йўналишида ҳаракатлаётиб, йўлнинг ўнг четида эшакка уланган аравада бораётган 46 ёшли Ж.Э. ва унинг вояга етмаган фарзанди 13 ёшли З.Ж.ларни уриб юборган.

Грузовой автомобиль наехал на повозку
Грузовой автомобиль наехал на повозку

Мазкур ЙТҲ оқибатида эшак аравада бўлган Ж.Э. ҳодиса жойида вафот этган, З.Ж. эса турли кўринишдаги тан жароҳатлари билан туман тиббиёт бирлашмасига ётқизилган.

Ҳолат юзасидан Ўзбекистон ЖКнинг 266-моддаси 2-қисми (Одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.

Ҳозирда дастлабки тергов ҳаракатлари олиб борилмоқда.

240
Строители

Самарқандда карантин шифохона қуриляпти

1
Ушбу мажмуада турли касалликлар, шу жумладан юқумли касаллик даволанади. У ерда даволаш ва жонлантириш бўлимларини ташкил қилиш кўзда тутилган.

ТОШКЕНТ, 28 май — Sputnik. Самарқандда ҳарбий шаҳарча ҳудудида 100 кишилик карантин шифохона қуриляпти. Қурилишни бир ой муддат ичида якунлаш режалаштирилган. УзА. хабарига асосан.

“Янги мажмуада турли касалликлар, шу жумладан юқумли касалликлар даволанади. Даволаш ва жонлантириш бўлимларини ташкил қилиш кўзда тутилган”, - дейилган хабарда.

Шунингдек, мазкур ҳудуднинг ўзида тиббиёт ходимлари учун уй-жой қурилмоқда.

Ҳарбий шаҳарча ёндош ҳудудида 1000 кишилик карантин мажмуа қурилиши бошланган. 

Самарқанд вилояти ҳокими Эркин Турдимов қурилиш вазирлигининг масъул раҳбарлари билан биргаликда объект ва қурилиш лойиҳаси билан танишиб, тегишли кўрсатма ва тавсиялар берилди. Келгусида бу тиббиёт муассасаларини Ўзбекистон Мудофаа вазирлигига топшириш режалаштирилмоқда.

1
Мавзу:
COVID-19 умумжаҳон пандемияси