Наручники на стекле полицейской машины

Ўзбекистонда яна уч камерунлик фирибгарликда гумонланмоқда

144
Аввалроқ тўрт нафар Камерун фуқароларига нисбатан қўзғатилган жиноят иши бўйича дастлабки тергов ҳаракатлари олиб борилаётгани хабар қилинган эди. Уларнинг барчаси фирибгарликда гумонланмоқда.

ТОШКЕНТ, 9 окт - Sputnik. Ўзбекистон ИИВ ҳузуридаги Тергов тепартаменти фирибгарликда гумон қилинаётган яна уч нафар Камерун фуқаролари суратларини эълон қилди.

Ҳозирда улар жиноят содир этишда гумон қилиниб, терговга жалб қилинган.

В настоящее время еще в отношении трех граждан Республики Камерун, подозреваемых в совершении преступлений, ведется следствие.
МВД Узбекистана
Ўзбекистонда яна уч камерунлик фирибгарликда гумонланмоқда

Суратлардаги шахсларнинг жиноий хатти-ҳаракатларидан жабр кўрган фуқаролар яқин бўлган ички ишлар бўлимларига ёки 102 телефон рақамига, шунингдек, Тергов департаментининг (71) 231-30-97, (71) 231-36-22, (71) 233-65-34 ҳамда Жиноят қидирув бош бошқармасининг (71) 231-34-33 телефон рақамларига мурожаат қилишлари мумкин.

Эслатиб ўтамиз, аввалроқ тўрт нафар Камерун фуқароларига нисбатан қўзғатилган жиноят иши бўйича дастлабки тергов ҳаракатлари олиб борилаётгани ҳақида хабар берган эдик.

144
Рынок Эски жува в Ташкенте

“Эски жува” бозорида қариндошлар жанжаллашди

84
Шайхонтоҳур тумани ИИО ФМБга бир аёл мурожаат қилиб, бозорда у билан жанжаллашган ва ҳақорат қилган қариндоши ва унинг ўғлига нисбатна чора кўришни сўраган.

ТОШКЕНТ, 4 мар — Sputnik. Тошкент шаҳар ИИББ ижтимоий тармоқларда тарқалган аёллар ўртасидаги жанжал акс этган видео юзасидан расмий маълумот берди.

Маълум бўлишича, 23 февраль куни Шайхонтоҳур тумани ИИО ФМБга 39 ёшли аёл З.К. ариза билан мурожаат қилган. Унда у билан жанжаллашиб, ҳақорат қилган қариндошлари 58 ёшли М.Ш. ва унинг ўғли Ҳ.Ш.ларга нисбатан қонуний чора кўришни сўраган. 

Мазкур ҳолат юзасидан М.Ш. ва Ҳ.Ш.ларга нисбатан Ўзбекистон Маъмурий жавобгарлик тўғрисидаги кодекснинг 183-моддаси (“Майда безорилик”) аломатлари билан маъмурий баённома расмийлаштирилган.

Ҳозир ҳужжатлар қонуний қарор қабул қилишлик учун туман судига юборилган.

84
Теглар:
оммавий жанжал, ИИББ, Эски жува бозори
Электрошокер

Андижонда ҳомиладор аёлни электрошокер ёрдамида талон-тарож қилишди

156
(Янгиланган 12:11 04.03.2021)
Жиноят кодекси нормаларига кўра, жиноятни содир этган шахс 10 йилдан 15 йилгача озодликдан маҳрум қилиш билан жазоланиши мумкин.

ТОШКЕНТ, 4 мар - Sputnik. Андижон вилоятида ҳомиладор аёлга нисбатан электрошокер ишлатиб, босқинчилик содир этган шахс ушланди, деб хабар бермоқда  Ўзбекистон Республикаси ИИВ ҳузуридаги Тергов департаменти.

Ҳодиса 2 март куни кундузи рўй берган. Электрошокер билан қуролланган, юзига ниқоб таққан номаълум шахс Марҳамат туманидаги маҳаллаларнинг бирида яшовчи ҳомиладор аёл - 28 ёшли Нилуфарнинг хонадонига кириб борган.

Талончи аёлдан тилла-тақинчоқларни талаб қилиб, электрошокер билан ҳужум қилган. Сўнгра девордан ошиб хонадондан қочиб кетаётган вақтда маҳаллада яшовчи фуқаролар томонидан ушланган.  

Олиб борилган терговга қадар текширув ҳаракатлари давомида, ушбу жиноятни 26 ёшли Мансурбек М. содир қилганлиги аниқланиб, тилла-тақинчоқлар ва электрошокер ашёвий далил тариқасида расмийлаштириб олинган.

Мазкур ҳолат юзасидан Марҳамат тумани ИИБ ҳузуридаги Тергов бўлинмаси томонидан Мансурбек М.га нисбатан Ўзбекистон Республикаси Жиноят кодексининг 164-моддаси 3-қисми “в” банди (Босқинчилик) билан жиноят иши қўзғатилиб, гумон қилинувчи тариқасида жалб қилинган.

Ҳозирда тергов давом этмоқда.

Таъкидлаш жоизки, Жиноят кодексининг нормаларига кўра, жиноятни содир этган шахс 10 йилдан 15 йилгача озодликдан маҳрум қилиш билан жазоланиши мумкин, дейилади хабарда.

156

Путиннинг яна бир саройи: Россия президенти ўз кўчмас мулки ҳақида ҳазил қилди

54
Россия президенти Владимир Путин унинг Геленжикдаги "қасри" ҳақида суратга олинган шов-шувли фильм мавзусида ҳазил қилди

ТОШКЕНТ, 4 мар — Sputnik. Россия президенти Владимир Путин волонтёрлар билан видеоалоқа орқали мулоқот давомида Геленжикда қурилиши олиб борилаётган "сарой" мавзусида ҳазил қилди.

Сал аввал блогер Алексей Навальный ўзининг Youtube-каналида суриштирув эълон қилган ва унда қаср давлат раҳбарининг шахсий мулки сифатида тақдим этилган эди.

Ўз навбатида, президент матбуот-котиби Дмитрий Песков "сарой" бир ёки бир неча тадбиркорларга тегишлилигини қайд этиб, Кремль уларнинг исмини ошкор қила олмаслигини айтганди.

Хусусан, волонтерлик фаолияти билан шуғулланувчи ва айни вақтда Ленинград вилоятида, Стрельнада икки километр масофада бўлиб турган қиз билан мулоқот давомида Путин ўз номи билан боғланаётган қаср ҳақида ҳазил қилди.

Давлат раҳбари волонтёр қиз кичикроқ икки қаватли уй фонида турганини кўриб, иншоотнинг "сарой" билан ўхшашлигини қайд этди.

"Худди яна бир қасрдек кўриняпти, шундай экан, келаман. Фақат уни менинг номим билан боғламанг, келишдикми?", - дея ҳазиллашди Путин.

Сал аввал Россия президенти Геленжикда қурилаётган сарой ҳақидаги фильмни вақти зиқлиги туфайли кўрмаганини айтган эди. Аммо ёрдамчилари кадрларни унга кўрсатишганини қўшимча қилди.

Ўз навбатида, "сарой"ни қураётган фирма у меҳмонхона сифатида қурилаётганини маълум қилган.

Унинг айтишича, шу жойда "жуда бадавлат одамлар учун отель" барпо этилади, иншоот Сочидаги "Родина" бутик-отели кўринишида бўлади.

Қурилиш ишлари олиб борилаётганига ўн йил бўлган, объект бир неча марта қайта сотилган.

54