Учения Центр-2019 в Таджикистане

Тожикистон чегара постига 20 нафар ниқобли кишилар ҳужум қилди

927
(Янгиланган 09:43 06.11.2019)
Ўтган тунда 20га яқин қуролли кишилар тожик-ўзбек чегарасида жойлашган "Ишқобод" чегара постига ҳужум уюштиришди.

ТОШКЕНТ, 6 ноя - Sputnik. 20 кишидан иборат қуролланган гуруҳ Тожикистоннинг “Ишқобод” чегара постига ҳужум қилди. Қуролли тўқнашув оқибатида ҳужум қилганларнинг 15таси йўқ қилинди, 5 нафари қўлга олинди, деб хабар қилмоқда РИА Новости, Тожикистон Давлат миллий хавфсизлик қўмитасига (ДМХҚ) асосан.

“6 ноябрга ўтар кечаси соат 03:23 дақиқада, 20 кишидан иборат қуролланган гуруҳ, юзларини ниқоб остида яширган ҳолда, “Ишқобод” номли 4-чегара бўлинмасига ҳужум қилди. Ҳужум давомида улар 5дона автомат ўқотар қуролларни қўлга киритишган", - дейилган хабарда.

Тожкистон ДМХҚ хабарига кўра, ўтказилган махсус операция натижасида ушбу жиноий гуруҳнинг 15 нафари йўқ қилинган 5 нафари қўлган. Махсус операция давомида Чегара қўшинларининг 1 нафар аскари ҳамда бир нафар милиция ходими қурбон бўлган.

Айни дамда ушбу ҳодиса оператив- тергов  гуруҳи томонидан ўрганилмоқда. "Султонобод" Чегара қўшинларига қарашли бўлган "Ишқобод" чегара бўлинмаси Душанбедан 60 км Ғарбда,  тожик-ўзбек чегарасида жойлашган. 

927

Жиззахда даҳшатли ЙТҲ: икки киши қурбон бўлди, уч нафари реанимацияда

151
"Нексия" ҳайдовчиси автомобиль бошқарувини йўқотган ва қарама-қарши йўналишда ҳаракатланиб келаётган "Damas" билан тўқнашган.

ТОШКЕНТ, 4 июл - Sputnik. Жиззахда юз берган даҳшатли авария оқибатида икки киши вафот этди, уч нафари эса жонлантириш бўлимига тушди, деб хабар қилмоқда Ўзбекистон ИИВ ҳузуридаги Тергов департаменти.

Хабарда айтилишича, йўл транспорт ҳодисаси Жиззах вилояти Ғаллаорол тумани Оқтом МФЙ ҳудудидан ўтган 4Р-40 "Ғаллаорол-Ўсмат" йўлининг 40 километрида юз берган.

"Nexia" ҳайдовчиси Ғаллаорол йўналиши бўйича ҳаракатланаётиб, автомобиль бошқарувини йўқотган ва қарама-қарши йўналишда ҳаракатланиб келаётган "Damas" билан тўқнашган.

Оқибатда, "Damas" йўловчилари 42 ёшли Э.С., ва 47 ёшли Ш.Э.лар тан жароҳати олиб, ҳодиса жойида вафот этган.

"Nexia" ҳайдовчиси ва унинг икки нафар йўловчилари Ғаллаорол туман тиббиёт бирлашмасининг жонлантириш бўлимига ётқизилган.

Мазкур ҳолат юзасидан Ғаллаорол тумани ИИБ ҳузуридаги Тергов бўлинмаси томонидан Ўзбекистон ЖКнинг 266-моддаси 3-қисми "а" банди (одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, дастлабки тергов ҳаракатлари олиб борилмоқда.

151
Скорая медицинаская помощь, архивное фото

Ўзбекистонда коронавирусдан 30 ўлим ҳолати қайд этилди

141
Беморга гипертония касаллиги, атеросклероз, инсультнинг иккинчи бор қайталаниши, геморрагик инсульт ташхиси қўйилган.

ТОШКЕНТ, 4 июл - Sputnik. Коронавирус инфекциясига чалинган тошкентлик бемор ўткир нафас ва юрак етишмовчилигидан вафот этди, деб хабар бермоқда Соғлиқни сақлаш вазирлиги.

Жорий йилнинг 1 июль куни пойтахтда яшовчи 65 ёшли В.М. (эркак киши) ўта оғир аҳволда Ибн Сино номидаги 1-сон шаҳар клиник шифохонасининг жонлантириш бўлимига ётқизилиб, сунъий нафас олиш аппаратига уланган.

Унга гипертония касаллиги, атеросклероз, бош мияда қон айланишининг ўткир бузилиши (инсульт)нинг иккинчи бор қайталаниши (биринчи ҳолат 2020 йил июнь ойида юз берган), геморрагик инсульт ташхиси қўйилган.

Беморга Соғлиқни сақлаш вазирлигининг қатор йўналишлари бўйича бош мутахассислари ва Республика Шошилинч тиббий ёрдам илмий маркази шифокорлари томонидан консилиумлар ўтказилиб, доимий назорати таъминланган.

Жорий йилнинг 3 июль куни шифокорлар томонидан стандарт асосида кўрсатилган тезкор реанимацион муолажаларга қарамасдан бемор ўпка артерияси тромбоэмболияси, ўткир нафас ва юрак етишмовчилигидан вафот этди.

Шу пайтга қадар Ўзбекистонда коронавирус билан беморланганлар сони 9,5 мингга етган.

Американинг Жон Хопкинс университети маълумотларига кўра, бутун дунёда пандемия вақтида коронавирус билан беморланганлар сони 11 миллиондан ошиб кетган, COVID-19 оқибатида 524 614 киши вафот этган.

141
Мавзу:
COVID-19 умумжаҳон пандемияси
Министерство иностранных дел России

АҚШ разведкаси наркотиклар савдоси иштирокчиси - Россия ТИВ

27
Олдинроқ New York Times америка разведкасидаги аноним манбаларига таяниб, РФ ҳарбий разведкаси толибларга алоқадор жангариларга Афғонистондаги америка солдатларига ҳужум учун мукофот пули таклиф этгани ҳақида мақола эълон қилган эди

ТОШКЕНТ, 4 июл – Sputnik. Россияни толиблар билан тил бириктирувда айблаётган АҚШ разведкаси наркотрафикка аралашган, бу Қобулдаги ҳар бир афғонга аён, деб баёнот қилди РФ Афғонистон бўйича махсус вакили, Россия ТИВнинг Осиё иккинчи департаменти директори Замир Кабулов "Россия-1" телеканалига берган интервьюсида.

"Ўша ердаги лойиҳалардан ажратиладиган сон-саноқсиз улушлар бизникиларни наркотрафикда айблаётган ажабтовур америкалик разведкачилар иштироки туфайлидир. Уларнинг самолётлари Қандаҳор ва Баграмдан ҳеч қандай текширувсиз исталган томонга - истаса Германияга, истаса Руминияга қараб учади. Албатта, шундай бизнес-ку. Қобулда исталган афғон сизга бу ҳақда гапириб бериши мумкин, ҳатто, энг дангасаси ҳам бу мавзуда гапиришга тайёр. Бу ҳаммага аён бўлган сир кўпчиликнинг жонига тегиб бўлган. Барча бу ҳолатга аллақачон қўл силтаган", - деди Кабулов.

Олдинроқ New York Times америка разведкасидаги аноним манбаларига таяниб РФ ҳарбий разведкаси толибларга алоқадор жангариларга Афғонистондаги америка солдатларига ҳужум учун мукофот пули таклиф этгани, АҚШ президенти Дональд Трамп бу ҳақда хабардор этилгани ҳақида мақола эълон қилган эди.

Ҳолат бўйича далиллар тақдим этилмаган.

АҚШдаги РФ элчихонаси сал олдин Россия ва Афғонистон ҳақидаги хабарлардан сўнг дипломатлар номига келиб тушаётган таҳдидлар туфайли мамлакат ҳукуматидан бу ҳолатга адекват реакция билдиришни талаб қилган. РФ ТИВ оммавий ахборот воситаларида чоп этилган хабарларни "фейк", дея атади. Трамп ушбу мақолани "буюртма", деб ҳисоблашини маълум қилди.

Демократлар Россия ва толиблар "тил бириктируви" ҳақида разведка ҳисоботини талаб қилмоқда >>>

Оқ уй, Пентагон ва АҚШ разведкаси ушбу хабарлар ҳозирча ўз тасдиғини топмагани ва Трамп бу ҳақда огоҳлантирилмагани ҳақида баёнот бермоқда.

Трампга кўра, Россиянинг толиблар билан тил бириктируви ўзи ва Республикачилар партиясига зиён етказиш учун ўйлаб топилган.

27