Сотрудник подразделения спецназначения ФСБ России

Бортников Россияда йил бошидан буён нечта жангарилар бошлиқлари йўқ қилинганини очиқлади

279
(Янгиланган 17:00 10.12.2019)
Россия Федерал хавфсизлик хизмати директори Александр Бортников мамлакатда йил бошидан буён 32 нафар жангари, жумладан, уларнинг 9 нафар бошлиғи йўқ қилингани маълум қилди.

ТОШКЕНТ, 10 дек — Sputnik. Россияда йил бошидан буён 32 нафар жангари, жумладан, уларнинг 9 нафар бошлиғи йўқ қилинган. Бу ҳақда Россия Федерал хавфсизлик хизмати директори Александр Бортников маълум қилди, деб хабар қилмоқда РИА Новости.

У очиқлаган маълумотларга қараганда, яна 41 нафар бошлиқ, 241 нафар жангари ва 606 нафар шериклари қўлга олинган

Бортников махсус хизмат ходимлари ҳуқуқни муҳофаза қилувчи орган ходимларига ҳужум уюштириш ва бошқа жиноятларни режалаштирган халқаро террорчилик ташкилотларининг 78 та яширин ячейкаларини фош этишга муваффақ бўлишганини таъкидлаган.

Унинг сўзларига кўра, халқаро террорчилар томонидан солаётган таҳдидлар сақланиб қолаётган бўлса-да, террорчилик жиноятлари сони камайишда давом этмоқда.

“Террорчилар террорчилик ҳаракатларини содир этишга қаратилган яширин ячейкаларни шакллантиришга уринишда давом этмоқда", - дейди Бортников

279
Теглар:
ФХХ, Россия, жангарилар
Мавзу бўйича
ФСБ ўз курсдошларини ўлдирмоқчи бўлган талабани қўлга олди  
ФХХ раҳбари: террорчилар Россияда чет эл талабаларини ўз сафларига ёллашга уринишмоқда
Россия ва Ўзбекистон 13 та террорчилик ташкилоти ячейкаларини фош этди
Знак аварийной остановки

Тошкентдаги ЙТҲда 20 ёшли қиз қурбон бўлди

161
Яккасарой туманида “Cobalt” машинаси бетон тўсиққа бориб урилди. ЙТҲда уч киши жароҳатланди, бир киши эса қурбон бўлди.

ТОШКЕНТ, 13 авг — Sputnik. Тошкент шаҳридаги йўл-транспорт ҳодисаси оқибатида 20 ёшли қиз қурбон бўлди. Бу ҳақда пойтахт ИИББ матбуот хизмати хабар қилмоқда.

Хабарда ёзилишича, 11 август куни Қушбеги массивида 19 ёшли Д.М. “Cobalt” русумли автомобилни бошқариш давомида бошқарувни йўқотиб, бетон тўсиққа бориб урилган. 

ЙТҲ натижасида ҳайдовчи ва унинг уч нафар йўловчилари – 20 ёшли Н.Б., Д.Ш. ва А.К.лар тан жароҳати олган ва шифохонага олиб борилган. Тиббиёт ходимларининг саъй-ҳаракатларига қарамасдан А.К. шифохонада вафот этди.

Ҳодиса сабаблари аниқланмоқда.

Ҳолат юзасидан Ўзбекистон Жиноят кодексининг 266 моддаси 2 қисми билан жиноий иш очилган.

161
Наручники на двери клетки

Журналист Бобомурод Абдуллаев Қирғизистонда ҳибсга олинди

213
Журналист Бобомурод Абдуллаев Бишкекда Ўзбекистон сўровига асосан қўлга олинди. Ҳозирда унинг экстрадицияси масаласи ҳал қилинмоқда.

ТОШКЕНТ, 13 авг — Sputnik. Ўзбекистон фуқароси, журналист Бобомурод Абдуллаев Қирғизистонда ҳибсга олинди. Бу ҳақда Бош прокуратура матбуот хизмати хабар қилди.

“Ўзбекистон Республикасининг сўровига асосан, 22.01.1993 йилдаги “Фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар тўғрисида”ги Минск Конвенциясига мувофиқ, Б.Абдуллаев Қирғизистон Республикаси ҳуқуқ-тартибот идоралари томонидан қўлга олинган”, - дейилади хабарда.

Ҳозирги кунда унинг Ўзбекистонга экстрадиция қилиниши масаласи ҳал қилинмоқда.

2018 йилда Тошкент шаҳар суди “Усмон Ҳақназар” тахаллуси остида мақолалар чоп этиб келган журналист Бобомурод Абдуллаевни Ўзбекистон конституциявий тузумига тажовуз қилганлик учун уч йил ахлоқ тузатиш ишларига маҳкум қилган ва суд залида озод қилган эди. Ушбу жиноий иш бўйича айбланган яна уч кишига қўйилган айблар олиб ташланган ва улар суд залида озодликка чиқарилган эди.

213

Энди шимол томондан: Россия қирувчиси АҚШ самолётини тўхтатди

486
(Янгиланган 22:20 13.08.2020)
Россия МиГ-31бм қирувчи самолёти Баренц денгизи устида чегарага яқинлашиб келаётган АҚШ разведка самолётини тўхтатиб қолди.

ТОШКЕНТ, 13 авг — Sputnik. Россия қирувчилари Баренц денгизи осмонидан АҚШ самолётини тўхтатди. Бу ҳақда РИА Новости Россия Федерациясининг Миллий мудофаа назорати марказига асосан хабар қилди.

13 август куни Россиянинг Баренц денгизидаги нейтрал сувлар устидан фазовий назорат қилиш мосламалари Россия Федерациясининг давлат чегарасига яқинлашаётган нишонни пайқаб қолди. Нишонни аниқлаш учун Шимолий флотнинг ҳаво мудофаа кучлари навбатчиликда бўлган МиГ-31бм қирувчи самолёт ҳавога кўтарилди.

Россия қирувчи экипажи хавфсиз масофада АҚШнинг Р-8А "Посейдон" самолётини аниқлади.

Америка самолёти Россия Федерациясининг давлат чегарасидан бурилгандан сўнг, Россия қирувчиси аэродромга қайтди. Россиянинг МиГ-31бм қирувчи самолётининг парвози ҳаво майдонларидан фойдаланиш бўйича халқаро қоидаларга қатъий мувофиқ амалга оширилди.

Америка ҳарбий самолётига Россия Федерациясининг давлат чегарасини бузишга йўл қўйилмади.

АҚШ ва НАТО самолётлари Россия чегараси яқинида мунтазам равишда разведкани амалга оширадилар. Улар кўпинча Қрим ва Краснодар ҳудуди яқинида, Болтиқ денгизи устида ва Суриядаги Россия Мудофаа вазирлигининг базалар атрофида қайд этилган.

486