В Ташкенте появилась туристическая полиция

Тошкентда туристик полиция алданган хорижликка ёрдам берди

510
Меҳмонхонада олдиндан 3 кунлик тўловни тўлаган меҳмоннинг зудлик билан Самарқандга кетиши керак бўлиб қолади. Меҳмонхона маъмурияти унга икки кунлик тўловни қайтармайман деб туриб олади.

ТОШКЕНТ, 15 дек – Sputnik. Ўзбекистонга тижорат қилиш мақсадида келган чет эл фуқароси меҳмонхонада юзага келган муаммо туфайли туристик полициясига мурожаат қилишга мажбур бўлди. Бу ҳақда ИИББ хабар қилди.

Маълум бўлишича, хорижлик меҳмон меҳмонхонада яшаш учун уч кунлик тўловни олдиндан тўлаган. Аммо эртаси куни у тезда Самарқандга кетиши керак бўлиб қолади. Меҳмон маъмуриятга қайта ҳисоб-китоб қилиб, икки кунлик тўловни қайтариб беришларини сўраган, бироқ рад жавобини олган.

Натижада меҳмон Тошкент шаҳар ИИББ Хавфсиз туризмни таъминлаш бошқармасига ёрдам сўраб мурожаат қилган.

Хабарда бошқарма офицерлари воқеа жойига етиб боргани қайд этилган. Муаммо ўрганиб чиқилгач, меҳмонхона маъмурияти меҳмонга унинг пулларини қайтариб берган.

510
Теглар:
туризм, Тошкент

ЎФА Фарғонадаги жанжалли ўйин юзасидан баёнот берди

198
(Янгиланган 10:25 03.12.2020)
ЎФА ҳакамларнинг фаолияти, иккала жамоа футболчилари ва мураббийларнинг ҳамда томошабинларнинг хатти-ҳаракати синчковлик билан ўрганиб чиқмоқда.

ТОШКЕНТ, 3 дек — Sputnik. Ўзбекистон Футбол ассоциацияси Фарғонада “Нефтчи” ва “Турон” учрашувидан кейин рўй берган жанжал юзасидан баёнот берди.

Аввалроқ Фарғона шаҳрида Про лиганинг 20-туридан ўрин олган “Нефтчи” (Фарғона) – “Турон” (Яйпан) учрашуви якунида ҳакамларга нисбатан қўпол ва тажовузкор муносабатда бўлиб, уларга тан жароҳати етказилгани хабар қилинган эди.

Таъкидланишича, мазкур ҳолат бўйича ЎФА мутахассисларидан иборат махсус ишчи гуруҳ тузилган ва Фарғонага етиб борган.

У ерда ИИВ ҳамда “Нефтчи” – “Турон” учрашувининг ташкилий ишларига масъул барча ташкилотлар билан ҳамкорликда мазкур учрашув якунида юзага келган можаро бўйича суриштирув ишлари бошланган.

“Бунда ҳакамларнинг фаолияти, иккала жамоа футболчилари ва мураббийларнинг ҳамда томошабинларнинг хатти-ҳаракати синчковлик билан ўрганиб чиқилмоқда”, - дейилган хабарда.

Хабарда яқин вақт ичида суриштирув ишлари якунига кўра қўшимча маълумот берилиши таъкидланган.

Эслатиб ўтамиз, Фарғонадаги футболда рўй берган жанжалдан сўнг олти кишига қарши жиноят иши очилиб, улар ушланган эди. Бундан ташқари оммавий тадбирлар ўтказилаётган вақтда иштирок этган 5 нафар шахсларнинг ҳаракатларида ҳуқуқбузарлик аниқланган. Улар маъмурий тартибда ушланиб, тегишли ҳужжатлар расмийлаштирилган.

198
Теглар:
ЎФА, тартибсизлик, футбол, Фарғона
Преступник за решеткой

Ёшларни Суриядаги террорчилар сафига қўшиш учун жўнатиб келаётган шахс қўлга олинди

192
(Янгиланган 11:02 02.12.2020)
24 ёшли Самарқанд вилоятида туғилган О.Ҳошимов Мисрда ўқиши давомида халқаро террорчилик ташкилоти раҳнамоларининг ғоявий таъсирига тушиб қолган.

ТОШКЕНТ, 2 дек — Sputnik. Ўзбекистон ёшларини Суриядаги террорчилар сафига қўшиш учун жўнатиб келаётган шахс қўлга олинди. Бу ҳақда ИИВ матбуот хизмати хабар қилмоқда.

Ўзбекистон ДХХ ва ИИВ ходимлари томонидан ўтказилган тезкор тадбирлар давомида мамлакат фуқароларини ёллаб, Суриядаги “Тавҳид ва жиҳод катибаси” халқаро террорчилик ташкилоти сафига жўнатиш билан шуғулланиб келган шахснинг фаолиятига чек қўйилди.

Мавжуд маълумотларга кўра, 1996 йилда Самарқанд вилоятида туғилган О.Ҳошимов 2019 йилда Мисрда ўқиши давомида халқаро террорчилик ташкилоти раҳнамоларининг ғоявий таъсирига тушиб қолган. У ерга мамлакатдан диний таълим олиш мақсадида борган ёшлар орасида ўзининг ақидапарастлик ғояларини тарғиб қилган.

Бундан ташқари, Сурия давлати ҳудудида фаолият олиб бораётган “Тавҳид ва жиҳод катибаси”* халқаро террорчилик ташкилотининг сафига қўшилишга даъват қилиб, уларни юбориш билан шуғулланиб келган.

Ушланган шахснинг уяли телефон аппарати хотирасида экстремистик мазмундаги материаллар мавжудлиги аниқланиб, процессуал тартибда олиб қўйилган.

Ҳозирда ушбу шахсга нисбатан Жиноят кодексининг тегишли моддалари билан жиноят иши қўзғатилиб,  тергов-тезкор ҳаракатлари олиб борилмоқда.

Ўзбекистон Олий судининг 2016 йил 26 сентябрдаги қарори билан “Тавҳид ва жиҳод катибаси”* халқаро террорчилик ташкилоти фаолияти мамлакат ҳудудида тақиқланган ташкилотлар рўйхатига киритилган.

Вазирлик фуқаролар, айниқса ёшларни огоҳлантирган ва ижтимоий тармоқлардаги шубҳали сайтларда тарқатилаётган бузғунчи ғоялар таъсирига тушиб қолмаслик, жамоат тартибига таҳдид солувчи материаллардан фойдаланмаслик ҳамда интернет тармоғида нохолис, текширилмаган ва асоссиз материалларни тарқатиш билан шуғулланмасликни сўраган.

192
Теглар:
“Тавҳид ва жиҳод катибаси”, Сурия, террорчилар, Ўзбекистон

Қрим сабабли: НАТО Россия армиясини тақиқлашни орзу қилмоқда

0
(Янгиланган 21:32 04.12.2020)
НАТО Қора денгиздаги ҳарбий кучини кўпайтирмоқда, бу Россиянинг ҳаракатларига жавобан амалга оширилмоқда, деб айтди Йенс Столтенберг.

Бироқ, Шимолий Атлантика алянси бош котиби ҳарбий блокнинг кучлари Россия чегаралари яқинида нима қилаётганига аниқлик киритмади.

Сўнгги пайтларда альянснинг Россия чегаралари яқинидаги тажовузкор ҳаракатлари сони сезиларли даражада ошди, шу сабабли Россия ўз хавфсизлигини таъминлашга мажбур бўлмоқда.

0