Машина скорой помощи

Чинозда қўлбола портловчи модда мактаб ўқувчисининг ўлимига сабаб бўлди

409
Чинозда уч йигит темир қувурга олтингугурт ва магма аралашмасини солиб ёқишган. Ёқиш вақтида темир қувур 8-синф мактаб ўқувчисига бориб теккан.

ТОШКЕНТ, 3 янв - Sputnik. Тошкент вилоятининг Чиноз туманида 8-синф ўқувчиси қўлбола портловчи модда қурбони бўлди.

ИИБ ҳузуридаги Тергов департаменти хабарига кўра, 2020 йил 01 январь куни тахминан соат 16:30 ларда фуқаролар 20 ёшли Х.Э., С.А. ва Б.М.лар Сарбозор кўчасида 60 см узунликдаги темир қувур ичига қўлбола усулда магма ва олтингугурт аралашмасини жойлаштиришган. Кейин уни ёқишган вақтларида у 8-синф мактаб ўқувчиси С.Ғ.га бориб теккан. Унинг оқибатида тан жароҳати олган С.Ғ. туман тиббиёт бирлашмасига ётқизилган. Аммо унга кўрсатилган тиббий муолажаларга қарамасдан шифохонада вафот этган.

Мазкур ҳолат юзасидан Ўзбекистон Жиноят кодексининг 2501–моддаси 3-қисми “в” банди (одам ўлишига сабаб бўлган пиротехника буюмларининг қонунга хилоф муомаласи) билан жиноят иши қўзғатилган. Ҳозирда дастлабки тергов ҳаракатлари олиб борилмоқда.

409