В Узбекистане задержаны члены течения Джихадисты*

Тошкентда бир тўда “жиҳодчилар” қўлга олинди

1020
Улар Ўзбекистон ҳудудида Сурияда паноҳ топган террористик уюшма аъзоларининг топшириқларини бажариб келишган ва аҳоли орасида қонунга хилоф равишда ғаразли ғояларни тарғиб қилишган.

ТОШКЕНТ, 12 янв — Sputnik. Тошкент шаҳрида Ўзбекистонда фаолияти таъқиқланган “Жиҳодчилар” диний-экстремистик оқимининг*(ДЭО) бир гуруҳ аъзоларининг жиноий фаолиятига чек қўйилди.  Уларни қўлга олиш борасидаги тадбир 7 январь куни Ўзбекистон ИИВ-ДХХ ходимлари билан ҳамкорликда амалга оширилди. Бу ҳақда ИИВ хабар қилди.

Мавжуд маълумотларга кўра, ушбу шахслар Ўзбекистон ҳудудида Сурияда паноҳ топган террористик уюшма аъзоларининг топшириқларини бажариб келишган ва аҳоли орасида қонунга хилоф равишда “Жиҳодчилар” ДЭО* ғояларини тарқатганлар.

Шу йўл билан сафларини кенгайтиришга қаратилган ноқонуний хатти-ҳаракатларни содир этганлар. Шунингдек, улар мамлакатдаги ёшлар орасида ўзларининг ақидапарастлик ғояларини сингдириб, Сурия ҳудудидаги халқаро террорчилик ташкилотларининг сафига қўшилиб, жиноят содир этишга даъват қилганлар.

Қайд этилишича, ушланган шахсларда экстремистик мазмундаги материаллар мавжудлиги аниқланган ва процессуал тартибда олиб қўйилган.

Ҳозирда ушбу шахсларга нисбатан Ўзбекистон Жиноят кодексининг тегишли моддалари билан жиноят иши қўзғатилди ва тергов-тезкор ҳаракатлари олиб борилмоқда.

“Фуқароларимиз, айниқса ёшларимизни огоҳлантириб, бу каби қонун бузилишларига йўл қўймаслик мақсадида бузғунчи ғоялар таъсирига тушиб, ижтимоий тармоқларнинг шубҳали сайтларидаги даъватларга алданиб қолмасликларини, жамоат тартибига таҳдид солувчи материаллардан фойдаланмасликлари, сақламасликлари ва тарқатмасликларини сўраймиз”, - дейилади хабарди.

Эслатиб ўтамиз, Ўзбекистон Олий судининг 2016 йил 26 сентябрдаги қарори билан “Жиҳодчилар” диний-экстремистик оқими ташкилоти фаолияти Ўзбекистон ҳудудида таъқиқланган ташкилотлар рўйхатига киритилган.   

*“Жиҳодчилар” диний-экстремистик оқими ташкилоти Ўзбекистонда тақиқланган ташкилот

1020
Бахриддинова Одина Каюм кизи, 2007 года рождения

Уйдан чиқиб, қайтиб келмади: бедарак йўқолган 13 яшар қиз қидирилмоқда

398
(Янгиланган 18:32 14.08.2020)
Одина Бахриддинова Чилонзор тумани, 6-квартал, 52-уй манзилида жойлашган уйидан чиқиб, қайтиб келмаган.

ТОШКЕНТ, 14 авг — Sputnik. Бедарак йўқолган 13 ёшли Одина Бахриддинова қидирилмоқда, деб хабар қилди Тошкент шаҳар ИИББ матбуот хизмати.

2007 йилда туғилган Бахриддинова Одина Қаюм қизи жорий йилнинг 8 август куни тахминан соат 10.45 да Чилонзор тумани, 6-квартал, 52-уй манзилида жойлашган уйидан чиқиб, қайтиб келмаган.

Белгилари: бўйи 150 см., сочлари тўқ жигар ранг, юзи юмалоқ, кўзлари қора.

Кийимлари: қора калта кўйлак, оёқларига “босоножка” кийган.

“Қидирувга ёрдам бериши мумкин бўлган маълумотлар ҳақида қуйидаги рақамлар орқали хабар беришингизни сўраймиз: 71-232-30-40, 71-232-40-50, 71-278-58-40 ёки 102, шунингдек қизнинг қариндошларининг рақамлари: 99-646-85-03, 91-548-67-47, 99-842-60-11”, - дейилган хабарда.

Эслатиб ўтамиз, бедарак йўқолган14 ёшли Мадинабону Абдураҳмонова қидирилаётгани ҳақида хабар берилганди.


398
Мужчина имитирует вскрытие автомобиля

Чирчиқ шаҳрида автоўғри ўсмирлар бандаси қўлга олинди

203
(Янгиланган 10:28 14.08.2020)
Олиб борилган тезкор-қидирув ҳаракатлари натижасида жиноятчилар процессуал тартибда ушланиб, улардан ўғирланган буюмларнинг бир қисми ашёвий далил тариқасида расмийлаштириб олинган

ТОШКЕНТ, 14 авг - Sputnik. Чирчиқ шаҳрида оқшомлари автомобилларни тунаш билан шуғулланган ўсмирлар гуруҳи қўлга олинди, улар эндиликда судда жавоб беради, деб хабар қилмоқда ИИВ ҳузуридаги Тергов департаменти ахборот хизмати.

Маълум бўлишича, тўрт ўсмир (бир нафари муқаддам судланган)дан ташкил топган банда талон-тарож ишларини жорий йилнинг 27 июнидан 5 июлига қадар бўлган санада амалга оширган.

Улар тунги вақтда турли русумдаги 5та автомашиналар олд эшикларини бир хил усулда бузиб очиб, автомашина ичидаги нарса-буюм ва нақд пулларни талон-торож қилишган. Ўсмирлар томонидан машина эгаларига жами 12 410 000 сўм миқдорда моддий зарар етказилган.

Олиб борилган тезкор-қидирув ҳаракатлари натижасида жиноятчилар процессуал тартибда ушланиб, улардан ўғирланган буюмларнинг бир қисми ашёвий далил тариқасида расмийлаштириб олинган.

Мазкур ҳолат юзасидан Чирчиқ шаҳар ИИБ ҳузуридаги Тергов бўлими томонидан Жиноят кодексининг 169-моддаси 2-қисми “в” банди (ўғирлик) билан жиноят иши қўзғатилган.

Дастлабки тергов жараёнида, Э.Б., Ф.М., М.К. ва О.Т., лар жиноят ишида айбланувчи тариқасида жалб қилиниб, "қамоққа олиш" тарзидаги эҳтиёт чораси қўлланилган. Жиноят иши айблов хулосаси билан тегишлилиги бўйича жиноят ишлари бўйича судга юборилган.

203
“Талибан” снова наступает: в Афганистане произошла серия терактов

Толиблар Тожикистон чегараси яқинида ҳужум уюштирди

278
Толибларнинг Тожикистон чегараси яқинида Афғонистон армияси кучларига қуролли ҳужуми муваффақиятсизлик билан якун топди.

ТОШКЕНТ, 15 авг — Sputnik. Тожикистон билан чегарада афғон ҳарбийлари толиблар ҳужумини қайтарди, деб хабар қилди Sputnik Тожикистонга афғон миллий армиясининг 217-"Помир" корпуси матбуот-котиби.

Террорчилар 14 август куни 6.30да Бадахшон провинциясининг Куф-Аб уезди ҳудудида армия ва полиция кучларига ҳужум уюштирган.

Афғонистон ҳарбийлари ҳаракатлари натижасида 10 нафар жангари ўлдирилган, 6 нафари жароҳатланган, 4 нафари асир олинган.

Жангарилардан 1 та гранатомет, 1та Калашников автомати ва бошқа қуроллар олиб қўйилган.

Муваффақиятсиз ишғолдан сўнг, толиблар чекинган. Афғонистон армияси томонидан бўлган йўқотишлар ва/жароҳатланганлар ҳақида маълумотларга аниқлик киритилмаган.

278