"Самарқанд - Қарши" йўлидаги йирик авария тафсилотлари маълум бўлди

629
"Самарқанд - Қарши" йўлида содир бўлган ЙТҲларда 15га яқин автомобил иштирок этган. Қурбонлар йўқ, бир неча киши ўрта ва енгил жароҳатлар олган.

ТОШКЕНТ, 14 янв – Sputnik. Кеча, 13 январ куни “Самарқанд – Қарши” йўлида содир бўлган йирик ЙТҲ ҳақида хабар берган эдик. ЙҲХББ ушбу воқеа тафсилотларини маълум қилди.

Воқеа соат 13:10 да,  Самарқанд вилояти Нуробод тумани ҳудудида А-378 йўлининг 19 километрида содир бўлган. “Камаз” русумли юк автомобили ҳайдовчиси Т.У. “Қарши-Самарқанд” йўналишида ҳаракатланиб бораётиб, қалин туман тушганлиги, қор ёғаётганлиги ва кўриниш чекланганлиги сабабли йўлнинг ўнг четига тўхтамоқчи бўлган. Шу вақтда орқада ҳаракатланиб келаётган “Форд” русумли автомобиль ҳайдовчиси Э.Т. йўлнинг қатнов қисми музлаганлигини инобатга олмаганлиги оқибатида “Камаз” русумли автомобилнинг орқа қисмига урилган.  

Шундан сўнг, ушбу автомобил орқасидан бир йўналишда ҳаракатланиб келаётган ҳайдовчи С.О. бошқарувидаги “Нексия” русумли ва яна 10 та турли русумдаги енгил автомобиллар йўлнинг сирпанчиқлиги туфайли кетма-кетликда тўқнашиб, йўл-транспорт ҳодисаси содир этишган. ЙТҲ оқибатида “Форд” ва “Нексия” автомобиллари йўловчилари енгил тан жароҳатлари олишган.

Орадан тахминан 5 дақиқа вақт ўтиб, ҳодиса содир бўлган жойдан 300 метр орқада Қашқадарё вилояти Қамаши туманида яшовчи, 1990 йилда туғилган ҳайдовчи Э.Б. “Нексия-2” русумли автомобилни “Қарши-Самарқанд” йўналишида бошқариб бораётиб, йўлнинг қатнов қисмидаги музамаликларни инобатга олмаганлигини натижасида шу йўналиш бўйлаб олдинда ҳаракатланиб бораётган қозоғистонлик ҳайдовчи бошқарувидаги “Мерседес-Бенц” русумли юк автомобили ярим тиркамасининг орқа қисмига урилган. 

Натижада: “Нексия-2” ҳайдовчи Б.Э. “ўнг билак соҳасини синиши”, йўловчиси Н.Х. “кўкрак қафаси ёпиқ шикастланиши, қовурға суякларининг синиши” ташхиси билан шифохонага ётқизилган.

Шуниндек, йўловчилари Қ.Б. ва Р.Ч.ларнинг енгил даражадаги тан жароҳатлари билан касалхонага мурожаат қилишган ва уйларига жавоб берилган.Ушбу йўл-транспорт ҳодисалари оқибатида ҳеч ким вафот этмаган.Ҳозирда мазкур йўл-транспорт ҳодисаси юзасидан Самарқанд вилояти ИИБ томонидан терговга қадар текширув ҳаракатлари олиб борилмоқда.

Ушбу муносабат билан, ЙҲХБ ҳайдовчилардан мураккаб об-ҳаво шароитида транспорт воситасини бошқаришда янада эҳтиёткор бўлишни, зарурат бўлмаганда тунда ҳаракатланмасликни сўрайди.

629
Знак аварийной остановки

Тошкентдаги ЙТҲда 20 ёшли қиз қурбон бўлди

91
Яккасарой туманида “Cobalt” машинаси бетон тўсиққа бориб урилди. ЙТҲда уч киши жароҳатланди, бир киши эса қурбон бўлди.

ТОШКЕНТ, 13 авг — Sputnik. Тошкент шаҳридаги йўл-транспорт ҳодисаси оқибатида 20 ёшли қиз қурбон бўлди. Бу ҳақда пойтахт ИИББ матбуот хизмати хабар қилмоқда.

Хабарда ёзилишича, 11 август куни Қушбеги массивида 19 ёшли Д.М. “Cobalt” русумли автомобилни бошқариш давомида бошқарувни йўқотиб, бетон тўсиққа бориб урилган. 

ЙТҲ натижасида ҳайдовчи ва унинг уч нафар йўловчилари – 20 ёшли Н.Б., Д.Ш. ва А.К.лар тан жароҳати олган ва шифохонага олиб борилган. Тиббиёт ходимларининг саъй-ҳаракатларига қарамасдан А.К. шифохонада вафот этди.

Ҳодиса сабаблари аниқланмоқда.

Ҳолат юзасидан Ўзбекистон Жиноят кодексининг 266 моддаси 2 қисми билан жиноий иш очилган.

91
Наручники на двери клетки

Журналист Бобомурод Абдуллаев Қирғизистонда ҳибсга олинди

210
Журналист Бобомурод Абдуллаев Бишкекда Ўзбекистон сўровига асосан қўлга олинди. Ҳозирда унинг экстрадицияси масаласи ҳал қилинмоқда.

ТОШКЕНТ, 13 авг — Sputnik. Ўзбекистон фуқароси, журналист Бобомурод Абдуллаев Қирғизистонда ҳибсга олинди. Бу ҳақда Бош прокуратура матбуот хизмати хабар қилди.

“Ўзбекистон Республикасининг сўровига асосан, 22.01.1993 йилдаги “Фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар тўғрисида”ги Минск Конвенциясига мувофиқ, Б.Абдуллаев Қирғизистон Республикаси ҳуқуқ-тартибот идоралари томонидан қўлга олинган”, - дейилади хабарда.

Ҳозирги кунда унинг Ўзбекистонга экстрадиция қилиниши масаласи ҳал қилинмоқда.

2018 йилда Тошкент шаҳар суди “Усмон Ҳақназар” тахаллуси остида мақолалар чоп этиб келган журналист Бобомурод Абдуллаевни Ўзбекистон конституциявий тузумига тажовуз қилганлик учун уч йил ахлоқ тузатиш ишларига маҳкум қилган ва суд залида озод қилган эди. Ушбу жиноий иш бўйича айбланган яна уч кишига қўйилган айблар олиб ташланган ва улар суд залида озодликка чиқарилган эди.

210

Энди шимол томондан: Россия қирувчиси АҚШ самолётини тўхтатди

138
Россия МиГ-31бм қирувчи самолёти Баренц денгизи устида чегарага яқинлашиб келаётган АҚШ разведка самолётини тўхтатиб қолди.

ТОШКЕНТ, 13 авг — Sputnik. Россия қирувчилари Баренц денгизи осмонидан АҚШ самолётини тўхтатди. Бу ҳақда РИА Новости Россия Федерациясининг Миллий мудофаа назорати марказига асосан хабар қилди.

13 август куни Россиянинг Баренц денгизидаги нейтрал сувлар устидан фазовий назорат қилиш мосламалари Россия Федерациясининг давлат чегарасига яқинлашаётган нишонни пайқаб қолди. Нишонни аниқлаш учун Шимолий флотнинг ҳаво мудофаа кучлари навбатчиликда бўлган МиГ-31бм қирувчи самолёт ҳавога кўтарилди.

Россия қирувчи экипажи хавфсиз масофада АҚШнинг Р-8А "Посейдон" самолётини аниқлади.

Америка самолёти Россия Федерациясининг давлат чегарасидан бурилгандан сўнг, Россия қирувчиси аэродромга қайтди. Россиянинг МиГ-31бм қирувчи самолётининг парвози ҳаво майдонларидан фойдаланиш бўйича халқаро қоидаларга қатъий мувофиқ амалга оширилди.

Америка ҳарбий самолётига Россия Федерациясининг давлат чегарасини бузишга йўл қўйилмади.

138