Москвада полиция мигрант ҳайдовчи бошқарувида бўлган таксига ўқ узди

837
(Янгиланган 19:14 30.04.2020)
Москвада марказий осиёлик такси ҳайдовчиси карантин қоидаларини бузиб, полициядан қочиб кетмоқчи бўлди.

ТОШКЕНТ, 30 апр - Sputnik. Москвада полиция билан пойга уюштирган такси ҳайдовчиси қўлга олинди, деб хабар қилмоқда шаҳар полицияси матбуот хизмати.

Хабарда айтилишига кўра, полиция ходимлари ичида бир нафар йўловчи бўлган Hyundai Solaris русумли такси автомобилини тўхтатишган, лекин ҳайдовчи уларнинг талабига бўй сунмай қочиб кетишга уринган. 

Полиция такси ортидан қувишга ва охир оқибат автомобил ғилдирагига ўқ узишга мажбур бўлган. Қочиш жараёнида такси ҳайдовчиси йўл-ҳаракати  қоидаларини бузиб бошқа ҳайдовчиларни хавф остига қўйган. 

Айни дамда такси ҳайдовчисига нисбатан қонунбузарлик тўғрисида бир неча протоколлар тузилган, шунингдек унинг ўзи ва йўловчи Москвада жорий этилган ўз-ўзини яккалаш тартибини бузишда ҳам айбланишмоқда. Ҳайдовчи 5 суткага ҳибсга олинган автомобил жарима майдончасига жойлаштирилган. 

837
Разговор по телефону

Қасоскор ошиқ: бухоролик йигит собиқ севгилисидан 1000 доллар талаб қилди

283
Муҳаббат қиссалари ўз ниҳоясига етгандан сўнг йигит қиздан унга сарфлаган харажатларини ундириш йўли билан қасос олишга аҳд қилган.

ТОШКЕНТ, 17 сен — Sputnik. Бухорода 4 сентябрь куни шахсий суратларини тарқатиб юбормаслик, қариндошларига кўрсатмаслик эвазига собиқ севгилисидан минг доллар талаб қилган шахс қўлга олинди. Бу ҳақда вилоят ИИБ ахборот хизмати хабар қилди.

Хабарга кўра, 1986 йилда Ғиждувонда туғилган Ў.К. 2018 йил ноябрь ойида Р.A. исмли қиз билан танишиб, яқин ишқий муносабатда бўлган. Улар 2020 йил август ойида тортишиб қолгач, йигит қиздан товламачилик йўли билан пул ишлаб олмоқчи бўлган.

Маълум қилинишича, Ў.К. қизни фотосуратларини интернетга тарқатиш, қариндошларига кўрсатиш билан қўрқитиб, ундан минг доллар талаб қилган.

Бундан қўрққан жабрланувчи ҳолат юзасидан ҳуқуқ тарғибот идораларига мурожаат қилган. Бухоро шаҳрида Ў.К. 4 сентябрда Р.A.дан 500 доллар пулларни товламачилик йўли билан олаётган вақтида қўлга олинган.

Унга нисбатан Жиноят кодексининг 165-моддаси билан (Товламачилик) жиноят иши қўзғатилган. Ҳозирда тергов ҳаракатлари олиб борилмоқда.

283
Машина скорой помощи

Бош прокуратура Жиззахда дарс пайтида тўсатдан вафот этган ўқувчи ҳақида баёнот берди

495
(Янгиланган 14:22 17.09.2020)
Дастлабки маълумотга кўра, марҳуманинг ўлимига ўткир нафас юрак-қон томир етишмовчилиги тез ва қисқа вақт ичида юзага келганлиги сабаб бўлган.

ТОШКЕНТ, 17 сен — Sputnik. Бош прокуратура Жиззахда дарс пайтида тўсатдан вафот этган ўқувчи ҳақида баёнот берди.

Таъкидланишича, ҳозирда мазкур ҳолат юзасидан Шароф Рашидов тумани прокуратураси томонидан терговга қадар текширув ҳаракатлари олиб борилмоқда.

Марҳуманинг ўлим сабабини аниқлаш мақсадида суд-тиббий экспертизаси тайинланган.

Дастлабки маълумотга кўра, марҳуманинг ўлимига ўткир нафас юрак-қон томир етишмовчилиги тез ва қисқа вақт ичида юзага келганлиги сабаб бўлган.

Текшириш ҳаракатлари давом этмоқда.

Эслатиб ўтамиз, аввалроқ Жиззах вилояти, Шароф Рашидов туманидаги 11-умумтаълим мактабида ўқув йилининг илк кунида 9-синф ўқувчиси дарс вақтида тўсатдан вафот этганлиги ҳақида хабар қилинган эди.

495

30 миллиондан ошиб кетди. COVID бўйича жаҳон статистикаси янгиланди

0
Портал маълумотларига кўра, дунёда ҳозирга қадар коронавирус инфекциясини юқтирган инсонлар сони 30 181 110 нафарга етган. Улардан ярмидан кўпи, коронавирусни юқтирганлар сони энг кўп бўлган учта давлат ҳиссасига тўғри келади.

ТОШКЕНТ, 18 сен - Sputnik. Дунёда пандемия бошланганидан буён аниқланган коронавирус ҳолатлари 30 миллиондан ошиб кетди. Жонса Хопкинс томонидан эълон қилинган маълумотлар шундан далолат бермоқда.

Портал маълумотларига кўра, дунёда ҳозирга қадар коронавирус инфекциясини юқтирган инсонлар сони 30 181 110 нафарга етган. Улардан ярмидан кўпи, коронавирусни юқтирганлар сони энг кўп бўлган учта давлат ҳиссасига тўғри келади.

17 сентябр куни бир суткада дунё бўйича 314 минг киши инфекцияни юқтирган.

Коронавирусга чалиниш ҳолати энг кўп АҚШда аниқланган – 6,6 миллион ҳолат, Ҳиндистонда – 5,2 миллион ва Бразилияда – 4,4 миллион. Россия 17 сентябр ҳолатига кўра 1,08 миллион кўрсаткич билан тўртинчи ўринда келмоқда.

Инфекция оқибатида 945 минг киши вафот этган (қурбонлар сони АҚШ, Бразилия ва Ҳиндистонда энг кўп).

0