Машина скорой медицинской помощи на территории больницы для пациентов с подозрением на коронавирус

Андижонда боғча мудираси ўз жонига қасд қилди

1626
(Янгиланган 22:04 09.05.2020)
Ҳозирда мазкур ҳолат бўйича белгиланган тартибда суд-тиббий экспертизаси ва вилоят мактабгача таълим бошқармасига хизмат текширувлари тайинланган бўлиб, терговга қадар текшириш ҳаракатлари давом эттирилмоқда.

ТОШКЕНТ, 9 май - Sputnik. Андижонда боғча мудираси ишдан айрилгач, руҳий тушкунликка тушди ва ўз жонига қасд қилди, деб хабар бермоқда Андижон вилояти прокуратураси матбуот-хизмати.

Сал олдин ижтимоий тармоқларда Андижон шаҳридаги Балиқчи тумани 11-мактабгача таълим муассасасида 2019 йилда амалга оширилган 4 млрд. сўмлик таъмирлаш ишлари тўлиқ амалга оширилмаган бўлсада, мудира Г.Хўжақулова бинони қабул қилиш ҳақидаги ҳужжатларга имзо қўйиб беришга мажбурланганлиги ҳақида хабар тарқалган эди. Таъкидланишича, шундан сўнг Хўжақулова мажбуран ишдан бўшатилган, ўрнига бошқа шахс ишга тайинланган ва бунинг оқибатида аёл руҳий тушкунликка тушиб 4 май куни ўз жонига қасд қилиши оқибатида оғир аҳволда шифохонага ётқизилган.

Ўрганиш ишлари шуни кўрсатганки, Балиқчи туманидаги ушбу боғча инвестиция дастурига кўра “Милано Қурилиш” МЧЖ томонидан 4 млрд. сўм маблағ эвазига таъмирланган ва 2020 йилнинг январь ойида янги 150 нафар болани қабул қилиш қувватига эга ушбу бино Мактабгача таълим вазирилиги ҳузуридаги “Инфратузулмаларни ривожлантириш бўйича инжиниринг компанияси” ДУК Андижон филиали томонидан ўрганиб чиқилиб, қабул қилиб олинган.

Қурилиш таъмирлаш ишлари талабга жавоб бермаслиги билан боғлиқ ҳолатлар ҳозирда Балиқчи туман прокуратураси томонидан ўрганиб чиқилмоқда.

Муассаса мудираси Г.Хўжақулова мажбуран ишдан бўшатилганлигига оид важлар ўрганилганда, аёл ушбу лавозимда 10 йилдан буён ишлаб келаётганлиги, ўтган йилнинг декабрь ойидан ҳозирги кунга қадарли соғлиғи ҳолатига кўра меҳнат таътили, ўз ҳисобидан таътилда ва соғлиги туфайли меҳнатга лаёқатсизлиги таътилларида бўлиб келаётганлиги аниқланган.

Шунга кўра унинг таътилдаги даврида ишга қайтгунга қадарли буйруқ билан вақтинчалик мудирлик муассаса тарбиячиси М.Толипова зиммасига 30 фоиз қўшимча ҳақ тўлаш шарти билан юклатиб турилганлиги, Г.Хўжақулова ҳозирга қадар лавозимидан озод этилмаганлиги маълум бўлди.

Бундан ташқари, Г.Хўжақулова оғир аҳволда шифохонага ёткизилганлиги ҳолати ўрганилганида, 4 май куни аёл ўз жонига қасд қилганлиги ва туман тиббиёт бирлашмасининг шошилинч бўлимига ётқизилганлиги, ушбу ҳолат тегишли тартибда туман прокуратурасида қайд этилиб, кўздан кечириш ва бошқа зарур тадбирлар амалга оширилганлиги маълум бўлди.

Ҳозирда мазкур ҳолат бўйича белгиланган тартибда суд-тиббий экспертизаси ва вилоят мактабгача таълим бошқармасига хизмат текширувлари тайинланган бўлиб, терговга қадар текшириш ҳаракатлари давом этирилмоқда.

1626
Разговор по телефону

Қасоскор ошиқ: бухоролик йигит собиқ севгилисидан 1000 доллар талаб қилди

283
Муҳаббат қиссалари ўз ниҳоясига етгандан сўнг йигит қиздан унга сарфлаган харажатларини ундириш йўли билан қасос олишга аҳд қилган.

ТОШКЕНТ, 17 сен — Sputnik. Бухорода 4 сентябрь куни шахсий суратларини тарқатиб юбормаслик, қариндошларига кўрсатмаслик эвазига собиқ севгилисидан минг доллар талаб қилган шахс қўлга олинди. Бу ҳақда вилоят ИИБ ахборот хизмати хабар қилди.

Хабарга кўра, 1986 йилда Ғиждувонда туғилган Ў.К. 2018 йил ноябрь ойида Р.A. исмли қиз билан танишиб, яқин ишқий муносабатда бўлган. Улар 2020 йил август ойида тортишиб қолгач, йигит қиздан товламачилик йўли билан пул ишлаб олмоқчи бўлган.

Маълум қилинишича, Ў.К. қизни фотосуратларини интернетга тарқатиш, қариндошларига кўрсатиш билан қўрқитиб, ундан минг доллар талаб қилган.

Бундан қўрққан жабрланувчи ҳолат юзасидан ҳуқуқ тарғибот идораларига мурожаат қилган. Бухоро шаҳрида Ў.К. 4 сентябрда Р.A.дан 500 доллар пулларни товламачилик йўли билан олаётган вақтида қўлга олинган.

Унга нисбатан Жиноят кодексининг 165-моддаси билан (Товламачилик) жиноят иши қўзғатилган. Ҳозирда тергов ҳаракатлари олиб борилмоқда.

283
Машина скорой помощи

Бош прокуратура Жиззахда дарс пайтида тўсатдан вафот этган ўқувчи ҳақида баёнот берди

495
(Янгиланган 14:22 17.09.2020)
Дастлабки маълумотга кўра, марҳуманинг ўлимига ўткир нафас юрак-қон томир етишмовчилиги тез ва қисқа вақт ичида юзага келганлиги сабаб бўлган.

ТОШКЕНТ, 17 сен — Sputnik. Бош прокуратура Жиззахда дарс пайтида тўсатдан вафот этган ўқувчи ҳақида баёнот берди.

Таъкидланишича, ҳозирда мазкур ҳолат юзасидан Шароф Рашидов тумани прокуратураси томонидан терговга қадар текширув ҳаракатлари олиб борилмоқда.

Марҳуманинг ўлим сабабини аниқлаш мақсадида суд-тиббий экспертизаси тайинланган.

Дастлабки маълумотга кўра, марҳуманинг ўлимига ўткир нафас юрак-қон томир етишмовчилиги тез ва қисқа вақт ичида юзага келганлиги сабаб бўлган.

Текшириш ҳаракатлари давом этмоқда.

Эслатиб ўтамиз, аввалроқ Жиззах вилояти, Шароф Рашидов туманидаги 11-умумтаълим мактабида ўқув йилининг илк кунида 9-синф ўқувчиси дарс вақтида тўсатдан вафот этганлиги ҳақида хабар қилинган эди.

495

30 миллиондан ошиб кетди. COVID бўйича жаҳон статистикаси янгиланди

0
Портал маълумотларига кўра, дунёда ҳозирга қадар коронавирус инфекциясини юқтирган инсонлар сони 30 181 110 нафарга етган. Улардан ярмидан кўпи, коронавирусни юқтирганлар сони энг кўп бўлган учта давлат ҳиссасига тўғри келади.

ТОШКЕНТ, 18 сен - Sputnik. Дунёда пандемия бошланганидан буён аниқланган коронавирус ҳолатлари 30 миллиондан ошиб кетди. Жонса Хопкинс томонидан эълон қилинган маълумотлар шундан далолат бермоқда.

Портал маълумотларига кўра, дунёда ҳозирга қадар коронавирус инфекциясини юқтирган инсонлар сони 30 181 110 нафарга етган. Улардан ярмидан кўпи, коронавирусни юқтирганлар сони энг кўп бўлган учта давлат ҳиссасига тўғри келади.

17 сентябр куни бир суткада дунё бўйича 314 минг киши инфекцияни юқтирган.

Коронавирусга чалиниш ҳолати энг кўп АҚШда аниқланган – 6,6 миллион ҳолат, Ҳиндистонда – 5,2 миллион ва Бразилияда – 4,4 миллион. Россия 17 сентябр ҳолатига кўра 1,08 миллион кўрсаткич билан тўртинчи ўринда келмоқда.

Инфекция оқибатида 945 минг киши вафот этган (қурбонлар сони АҚШ, Бразилия ва Ҳиндистонда энг кўп).

0