Линии электропередачи

Мансабдорлар электр жиҳозлар харид қилиш баҳонасида 5,4 млрд сўмни талон-тарож қилди

252
Самарқандда электр жиҳозларни харид қилишдаги талон-торожликлар фош этилди. “Самарқанд ҲЭТК” мансабдорлари йирик миқдордаги маблағни ўзини қилиб олган.

ТОШКЕНТ, 20 май — Sputnik. “Самарқанд ҳудудий электр тармоқлари корхонаси” АЖ мансабдорлари электр жиҳозларини харид қилишда талон-торожликка қўл ургани фош қилинди. Бу ҳақда Бош прокуратура матбуот хизмати хабар бермоқда.

Ўтказилган текширувда 2017-2019 йилларда манзилли Дастур ижроси юзасидан корхонага “Ўзэлектроаппарат-Электрощит” АЖ ва Тошэлектроаппарат” МЧЖдан электротехник жиҳозларни тўғридан-тўғри шартнома тузиш орқали мақбул (оптимал) нархларда сотиб олишга рухсат берилганлиги аниқланган.

Бироқ, жамият мансабдор шахслари электротехник жиҳозларни сотиб олиш ҳақида бошқа МЧЖлар билан шартномалар тузишиб, 5,4 млрд сўм бюджет маблағларини растрата қилиш йўли билан талон-торож қилганликлари аниқланган.

Бундан ташқари, жамият мансабдорлари томонидан “Ўзэлектроаппарат-Электрощит” АЖ ва “Тошэлектроаппарат” МЧЖлардан тўғридан-тўғри шартнома асосида харид қилинган трансформатор подстанцияларининг нархларига нисбатан трансформатор подстанцияларини 1,3 млрд сўмга бошқа корхонадан қиммат нархда сотиб олиниб, давлат ва жамоат манфаатларига жуда кўп миқдорда зарар етказилган.

Мазкур ҳолат юзасидан "Самарқанд ҲЭТК" АЖ мансабдор шахсларига нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

252
Работа сотрудников пожарной службы

Тошкент вилоятида кетма-кет учта уйда ёнғин содир бўлди

18
Ёнғин ҳодисаси уйларнинг 400 кв. м. қисмига зарар етказган. Ёнғин оқибатида жабрланган ва ҳалок бўлган фуқаролар аниқланмаган.

ТОШКЕНТ, 20 окт — Sputnik. Тошкент вилояти Зангиота туманидаги учта хонадонда содир бўлган ёнғин бартараф этилди. Бу ҳақда ФВВ матбуот хизмати хабар қилмоқда.

“Алоқа” МФЙ ҳудудида соат 07:19 да бир неча дақиқа фарқи билан қўшни бўлган учта уйда кетма-кет ёнғин содир бўлган

Воқеа жойига зудлик билан Тошкент вилояти ФВБ қутқарувчилари етиб келган. Соат 08:05 да ёнғин ўраб олинган бўлса, 08:33 да уни тўлиқ бартараф қилишга эришилган.

Ёнғин ҳодисаси уйларнинг 400 кв. м. қисмига зарар етказган. Ёнғин оқибатида жабрланган ва ҳалок бўлган фуқаролар аниқланмаган.

18
Четверо членов одной семьи скончались при падении автомобиля Nexia в канал и его возгорании в Ангорском районе Сурхандарьи

Сурхондарёда “Nexia-3” каналга қулаши оқибатида бутун бошли оила ҳалок бўлди

203
“Nexia-3” каналга қулаганидан кейин автомобилда ёнғин келиб чиққан. Бир оиланинг тўрт аъзоси, жумладан, икки гўдак қурбон бўлди.

ТОШКЕНТ, 19 окт — Sputnik. Сурхондарё вилояти Ангор туманида содир бўлган аянчли йўл-транспорт ҳодисасида бир оиланинг тўрт нафар аъзоси ҳалок бўлди. Бу ҳақда ИИВ ЙҲХББ матбуот хизмати хабар қилмоқда.

Ҳодиса 18 октябрь куни соат 23:00 да Ангор тумани “Қорабоғ” маҳалласи ҳудудидан ўтувчи М-39 автомобиль йўлининг 1433 километрида содир бўлган. 27 ёшли ҳайдовчи И.И. “Nexia-3”ни  “Самарқанд-Термиз” йўналишида бошқариб кетаётиб, бошқарувни йўқотган. Натижада йўл бўйлаб оқиб ўтувчи каналга тушиб кетган ва автомобилда ёнғин келиб чиққан.

Четверо членов одной семьи скончались при падении автомобиля Nexia в канал и его возгорании в Ангорском районе Сурхандарьи
Пресс-служба ГУБДД МВД Узбекистана.
Четверо членов одной семьи скончались при падении автомобиля Nexia в канал и его возгорании в Ангорском районе Сурхандарьи

ЙТҲ оқибатида ҳайдовчи, унинг 27 ёшли турмуш ўртоғи Ф.А ҳамда вояга етмаган фарзандлари С.Ў. ва С.И. (2016 ва 2017 йилларда туғилган) оғир тан жароҳатлари олиб, воқеа жойида вафот этишган.

Четверо членов одной семьи скончались при падении автомобиля Nexia в канал и его возгорании в Ангорском районе Сурхандарьи
Пресс-служба ГУБДД МВД Узбекистана.
Четверо членов одной семьи скончались при падении автомобиля Nexia в канал и его возгорании в Ангорском районе Сурхандарьи

Мазкур ҳолат юзасидан Ўзбекистон ЖКнинг 266-моддаси 3-қисми “а” банди билан жиноят иши қўзғатилган.

Ҳозирда тергов ҳаракатлари олиб борилмоқда.

203

Францияда ўлдириб кетилган ўқитувчи Фахрий легион ордени кавалери бўлди

5
Ўн олтинчи октябр куни ёвуз ниятли кимса дарс вақтида Муҳаммад пайғамбарга чизилган карикатураларни намойиш қилгани учун тарих фани ўқитувчиси Самюэл Патини бошидан жудо қилган эди.

ТОШКЕНТ, 20 окт – Sputnik. Францияда ваҳшийларча ўлдириб кетилган тарих ўқитувчиси ўз ўлимидан сўнг Фахрий легион ордени билан тақдирланадиган бўлди, бу ҳақда мамлакат таълим вазири Жан-Мишель Бланкер баёнот берди.

Ўқитувчи билан видолашув миллий маросими чоршанба куни кечқурун Сорбоннада бўлиб ўтади.

"Шунингдек, у Академик пальмалар ордени билан тақдирланади, бу рамзий маънога эга, орден мураббийларга, таълим дунёси вакилларига тақдим этилади", - деди Бланкер BFMTV телеканали эфирида.

Ўн олтинчи октябр куни ёвуз ниятли кимса дарс вақтида Муҳаммад пайғамбарга чизилган карикатураларни намойиш қилгани учун тарих фани ўқитувчиси Самюэл Патини бошидан жудо қилган эди.

Бутун бошли Францияни ларзага солган қотиллик Конфлан-Сент-Онорин коммунаси яқинидаги мактаб яқинида юз берган. Жиноятда гумон қилинган шахс полиция томонидан йўқ қилинган. Франция прокуратураси терроризмга қарши кураш қўмитаси раҳбари Жан-Франсуа Рикарнинг таъкидлашича, тажовузни уюштирган шахс 2002 йил Москвада туғилган, келиб чиқиши чечен блган ва Францияда қочқин мақомини олган.

Франция президенти Эммануэль Макрон юз берган ҳодисани террористик акт, дея атаган. Европа чеченлар уюшмаси ўқитувчи ўлдирилишини қоралаган. Чеченистон раҳбари Рамзан Қодиров ҳалок бўлган ўқитувчининг яқинларига ҳамдардлик билдирган ва Чеченистон терроризмнинг ҳар қандай кўринишига қаршилигини таъкидлаган.

Якшанба куни Парижда Республика майдонида ва Франциянинг бошқа шаҳарларида ўлдирилган ўқитувчи хотирасига бағишлаб акциялар ўтказилди. Манифестациялар иштирокчилари сўз эркинлиги, ўқитувчиларнинг республика бўйича эркинлиги ва қўллаб-қувватланиши лозимлиги битилган шиорлар билан чиқдилар. Париждаги акцияда, шу жумладан, мамлакат бош вазири Жан Кастекс, ҳукуматнинг қатор аъзолари ва шаҳар мэри Анн Идальголар ҳам иштирок этишди.

5