Спасатели на месте крушения самолета авиакомпании Пакистанские аваиалинии в Карачи

Покистонда йўловчи самолёт ҳалокатга учради

487
(Янгиланган 13:28 23.05.2020)
Покистоннинг Карачи шаҳри яқинида йўловчи самолёти ҳалокатга учради. Дастлабки хабарларга кўра самолёт бортида 95 нафар йўловчи бўлган.

ТОШКЕНТ, 22 май - Sputnik. Покистонда йўловчи самолёт ҳалокатга учради. Бу ҳақида РИА Новости маҳаллий Geo телеканалига асосан хабар бермоқда. 

"PIA (Покистон ҳаво йўллари) авиакомпаниясининг самолёти Карачи шаҳри аэропорти яқинида ҳалокатга учради. Воқеа жойида олинган видеода самолёт қулаб тушган жойда қора тутун кўтарилаётганини кўриш мумкин", - дейилган маҳаллий Твиттер фойдаланувчиси хабарида. 

Хабарда айтилишига кўра, Лахордан Карачига PK-8303 рақамли парвоз амалга ошираётган самолёт бортида 97 киши бўлган, улардан 85 нафари йўловчилар ва 12 нафари экипаж аъзолари. Самолёт қўнишига 1 дақиқа қолганда ҳалокатга учраган.

Покистон ҳукумати ҳозирча самолёт тури ва қурбонлар сонини расман тасдиқлагани йўқ. 

 

487
В Ташкенте не подчинившийся требованию сотрудника ДПС водитель протаранил 6 машин и врезался в столб

Тошкентда “Lacetti” ҳайдовчиси 6 та автомобилга шикаст етказиб, симёғочга бориб урилди

51
Тошкентда инпектордан қочиб тезликни оширган ҳайдовчиси олтита автомобилга шикаст етказди. Сўнгра охирида йўл ўртасидаги симёғочга бориб урилди.

ТОШКЕНТ, 1 окт — Sputnik. Тошкентда “Lacetti” ҳайдовчиси олтита автомобилга шикаст етказиб, симёғочга бориб урилди. Бу ҳақда ИИВ ЙҲХББ матбуот хизмати хабар қилмоқда.

Йўл-транспорт ҳодисаси 1 октябрь куни соат 14:00 ларда Тошкентнинг Мирзо Улуғбек тумани Мустақиллик шоҳ ва Мовароуннаҳр кўчалари кесишмасида рўй берган.

В Ташкенте не подчинившийся требованию сотрудника ДПС водитель протаранил 6 машин и врезался в столб
Пресс-служба ГУБДД МВД
В Ташкенте не подчинившийся требованию сотрудника ДПС водитель протаранил 6 машин и врезался в столб

Маълум қилинишича, хизмат олиб бораётган ЙПХ инспекторининг тўхташ ишорасига бўйсунмаган 30 ёшли ҳайдовчи Т.А. ҳаракатини давом эттириб, Мустақиллик шоҳ кўчаси бўйлаб юқори тезликда ҳаракатланган. Оққўрғон-Мустақиллик шоҳ кўчалари кесишмасига етган вақтида ўзидан олдинда бўлган “Matiz”, “Cobalt”, “Hyundai”, “Nexia”, “Spark” ва “Damas” автомобилларига техник шикаст етказган. Шундан сўнг йўлнинг қарама-қарши бўлагини ажратиб турувчи қисмида, тунги вақтда ёритиш учун ўрнатилган симёғочга урилиб тўхтаган.

В Ташкенте не подчинившийся требованию сотрудника ДПС водитель протаранил 6 машин и врезался в столб
Пресс-служба ГУБДД МВД
В Ташкенте не подчинившийся требованию сотрудника ДПС водитель протаранил 6 машин и врезался в столб

Хабарда ЙТҲ натижасида тан жароҳати олганлар йўқлиги таъкидланган.

В Ташкенте не подчинившийся требованию сотрудника ДПС водитель протаранил 6 машин и врезался в столб
Пресс-служба ГУБДД МВД
В Ташкенте не подчинившийся требованию сотрудника ДПС водитель протаранил 6 машин и врезался в столб

Мазкур ЙТҲ юзасидан Тошкент шаҳар ИИББ ЙҲХБ ходимлари дастлабки суриштирув ишларини олиб бормоқда.

51
Доллары США

Тошкентда номзоддан 3 минг доллар талаб қилган туман кенгаши депутати қўлга олинди видео

188
Ўзбекистоннинг бир қатор ҳудудларида боғлиқ фирибгарлик ҳолатларига чек қўйилди. Хусусан, ҳудудларида депутатликка сайлаш, иш ва ўқишга жойлаштириш, пахта теримини ташкил қилиш билан пул ишламоқчи бўлганлар қўлга олинди.

ТОШКЕНТ, 1 окт — Sputnik. Ўзбекистоннинг бир қатор ҳудудларида депутатликка сайлаш, иш ва ўқишга жойлаштириш, пахта теримини ташкил қилиш билан боғлиқ фирибгарлик ҳолатларига чек қўйилди. Бу ҳақда “Ўзбекистон 24” телеканали лавҳасида маълум қилинди.

Тошкент шаҳрида Халқ депутатлари туман кенгашларидан бирининг депутати бўшаб қолган жойлар учун туман кенгаши депутатлигига сайланишда ёрдам беришни ваъда қилиб, бир фуқародан 3000 доллар сўраган. Мазкур депутат аванс сифатида 1500 доллар олган вақтида ДХХ Тошкент шаҳар бошқармаси ҳамда Бош прокуратура ҳузуридаги Иқтисодий жиноятларга қарши кураш департаментининг ҳудудий бошқармаси ходимлари томонидан қўлга олинди.

Шунингдек, Сирдарё вилояти Боёвут туманида истиқомат қилувчи, ҳозирда ҳеч қаерда ишламайдиган 18 ёшли фуқаро Гулистон шаҳрида яшовчи ўзининг 17 ёшли жиноий шериги билан бирга бир фуқаронинг ишончига кириб, уни Қозоғистоннинг Чимкент шаҳрида жойлашган М.Ауэзов номидаги Жанубий Қозоғистон давлат университетига ўқишга киритиб қўйишни ваъда қилган. Бунинг учун жиноий шериклар 2000 доллар олган вақтда қўлган тушган.

Андижон вилояти Избоскан туманида яшовчи, 1997 йилда туғилган шахс Марғилон шаҳрида истиқомат қилувчи фуқарони Қирғизистоннинг Ўш давлат университети тиббиёт факультетига ҳеч қандай имтиҳонларсиз ўқишга киритиб қўйишни ваъда қилган. Бунинг эвазига 23 ёшли фуқаро 1350 доллар олган вақтида ашёвий далиллар билан ушланди.

Самарқанд вилояти Булунғур тумани тиббиёт бирлашмасининг кўп тармоқли марказий поликлиникаси ходими 1200 доллар эвазига бир фуқарони туман тиббиёт бирлашмасига фаррошликка ишга киришида ёрдам беришини айтган. Марказий поликлиника ходими дастлаб 400 доллар олган. Орадан бир оз муддат ўтиб, поликлиника ходими қолган 800 долларни олаётган вақтида ушланган.

Жиззах вилояти Бахмал туманида икки марта судланган фуқаро маҳаллий фермер хўжаликларидан бирининг раҳбаридан 2020 йилги пахта теримига хўжалик номидан ўзи ёлланма ишчиларни топиб, жўнатиб беришни айтиб, бунинг учун 6 миллион сўм талаб қилган. Судланган фуқаро агар фермер ушбу пулни бермаса, у ҳокимиятда ишлайдиган танишлари орқали мазкур фермер хўжалиги ерларини олиб қўйиш билан таҳдид қилган. Айтилган пулдан 5 миллион сўмни олаётган вақтида ашёвий далиллар билан ушланган.

Ҳозирда ушбу аниқланган ҳолатлар бўйича Ўзбекистон Жиноят кодексининг 168-моддаси (Фирибгарлик) ва 211-моддаси (Пора бериш) билан жиноят ишлари қўзғатилган.

Тергов ҳаракатлари олиб борилмоқда.

188
Российский телекомментатор, президент Ассоциации спортивной прессы Санкт-Петербурга Геннадий Орлов

Россиялик шарҳловчи Шомуродовнинг “Женоа”га ўтиши борасида фикр билдирди

0
Элдор Шомуродов Италиянинг “Женоа” клуби асосий таркибида мустаҳкам ўрин ололишига телешарҳловчи Геннадий Орловнинг ишончи комил.

ТОШКЕНТ, 1 окт — Sputnik. Элдор Шомуродов Италиянинг “Женоа” клуби асосий таркибида мустаҳкам ўрин ололади ва мухлисларни  ўйини билан мафтун қилолади. Бунга россиялик телешарҳловчи Геннадий Орловнинг ишончи комил.

“Ўзбек замини футбол истеъдодларини ҳам дунёга келтирмоқда. Элдор қаерда бўлмасин Самарқандда ёки Тошкентда Европага ўйнашга кетадиган ўйинчи бўлиб етишиш мумкинлигини англаш учун энг яхши мисол. Бу бошқа спортчилар учун стимул”, - деди у Sputnik нашрига берган интервьюсида.

Эслатиб ўтамиз, ўзбекистонлик футболчи тўп сураётган “Ростов” клуби Италиянинг “Женоа” клуби билан ҳужумчи трансфери борасида келишувга эришгани хабар қилинган эди.

0