Двери СИЗО

Ўзбекистонда террорчилик гуруҳи 25 аъзосининг фаолиятига нуқта қўйилди

356
Ҳуқуқни муҳофаза қилиш идоралари ходимлари маълумотларига кўра, бу одамлар ҳозирда Сурияда бўлиб турган Ўзбекистон фуқароси А. Абдуқаххоровнинг таъсири остига тушиб қолган.

ТОШКЕНТ, 24 июн - Sputnik. Ички ишлар вазирлиги, Ўзбекистон ДХХ, Тошкент шахар ИИББ ва ДХХ ходимлари 23 июн куни пойтахт ва вилоятда "Тавхид ва жиҳод катибаси" халқаро террорчилик ташкилоти аъзоларини ҳибсга олдилар.

Ўзбекистон Ички ишлар вазирлиги матбуот хизматининг хабар беришича, бу одамлар, 2001 йилда туғилган ва ҳозирда Суриядаги халқаро террорчилик ташкилоти сафида фаолият юритаётган Ўзбекистон фуқароси А. Абдуқаххоровнинг таъсири остига тушиб қолган. Улар экстремистик видеоларни муҳокама қилишиб "ҳижрат" ва "жиҳод"ни амалга ошириш учун Сурияга боришни режалаштиришган.

"Ушбу шахслар орасидан уч нафари муқаддам терроризм ва экстремизм билан боғлиқ жиноятлар учун жазоланган эди, аммо улар ўзлари учун ҳеч қандай хулоса чиқармадилар, аксинча бу фаолиятини тикладилар", - деб ҳабар беришади идорада.

2442-модда 1-қисмига асосан (“Диний экстремистик, сепаратистик, фундаменталистик ёки бошқа тақиқланган ташкилотларни тузиш, раҳбарлик қилиш, иштирок этиш”) жиноят иши доирасида Тошкент шаҳрининг Олмазор, Учтепа, Чилонзор, Яккасарой ва Сирғали туманларидаги 25 манзилда тинтувлар ўтказилди, пойтахт вилоятининг Зангиота туманида 25 киши ҳибсга олинган.

Уларнинг яшаш жойларида ашёвий далиллар топилди. Тергов тадбирлари давом этмоқда.

* “Тавҳид ва жиҳод катибаси” - Ўзбекистон ва Россияда тақиқланган халқаро террорчилик ташкилоти.

356
Рынок Эски жува в Ташкенте

“Эски жува” бозорида қариндошлар жанжаллашди

304
Шайхонтоҳур тумани ИИО ФМБга бир аёл мурожаат қилиб, бозорда у билан жанжаллашган ва ҳақорат қилган қариндоши ва унинг ўғлига нисбатна чора кўришни сўраган.

ТОШКЕНТ, 4 мар — Sputnik. Тошкент шаҳар ИИББ ижтимоий тармоқларда тарқалган аёллар ўртасидаги жанжал акс этган видео юзасидан расмий маълумот берди.

Маълум бўлишича, 23 февраль куни Шайхонтоҳур тумани ИИО ФМБга 39 ёшли аёл З.К. ариза билан мурожаат қилган. Унда у билан жанжаллашиб, ҳақорат қилган қариндошлари 58 ёшли М.Ш. ва унинг ўғли Ҳ.Ш.ларга нисбатан қонуний чора кўришни сўраган. 

Мазкур ҳолат юзасидан М.Ш. ва Ҳ.Ш.ларга нисбатан Ўзбекистон Маъмурий жавобгарлик тўғрисидаги кодекснинг 183-моддаси (“Майда безорилик”) аломатлари билан маъмурий баённома расмийлаштирилган.

Ҳозир ҳужжатлар қонуний қарор қабул қилишлик учун туман судига юборилган.

304
Теглар:
оммавий жанжал, ИИББ, Эски жува бозори
Электрошокер

Андижонда ҳомиладор аёлни электрошокер ёрдамида талон-тарож қилишди

168
(Янгиланган 12:11 04.03.2021)
Жиноят кодекси нормаларига кўра, жиноятни содир этган шахс 10 йилдан 15 йилгача озодликдан маҳрум қилиш билан жазоланиши мумкин.

ТОШКЕНТ, 4 мар - Sputnik. Андижон вилоятида ҳомиладор аёлга нисбатан электрошокер ишлатиб, босқинчилик содир этган шахс ушланди, деб хабар бермоқда  Ўзбекистон Республикаси ИИВ ҳузуридаги Тергов департаменти.

Ҳодиса 2 март куни кундузи рўй берган. Электрошокер билан қуролланган, юзига ниқоб таққан номаълум шахс Марҳамат туманидаги маҳаллаларнинг бирида яшовчи ҳомиладор аёл - 28 ёшли Нилуфарнинг хонадонига кириб борган.

Талончи аёлдан тилла-тақинчоқларни талаб қилиб, электрошокер билан ҳужум қилган. Сўнгра девордан ошиб хонадондан қочиб кетаётган вақтда маҳаллада яшовчи фуқаролар томонидан ушланган.  

Олиб борилган терговга қадар текширув ҳаракатлари давомида, ушбу жиноятни 26 ёшли Мансурбек М. содир қилганлиги аниқланиб, тилла-тақинчоқлар ва электрошокер ашёвий далил тариқасида расмийлаштириб олинган.

Мазкур ҳолат юзасидан Марҳамат тумани ИИБ ҳузуридаги Тергов бўлинмаси томонидан Мансурбек М.га нисбатан Ўзбекистон Республикаси Жиноят кодексининг 164-моддаси 3-қисми “в” банди (Босқинчилик) билан жиноят иши қўзғатилиб, гумон қилинувчи тариқасида жалб қилинган.

Ҳозирда тергов давом этмоқда.

Таъкидлаш жоизки, Жиноят кодексининг нормаларига кўра, жиноятни содир этган шахс 10 йилдан 15 йилгача озодликдан маҳрум қилиш билан жазоланиши мумкин, дейилади хабарда.

168
Железнодорожный узел

Россия Ўзбекистонга меваларини совутгичли вагонларда экспорт қилишни таклиф қилди

12
(Янгиланган 18:56 05.03.2021)
Ўзбекистон ва Россия орасида совуқ ҳароратни сақлаб турувчи контейнерларда юк ташиш амалиётини самарали йўлга қўйиш учун Россиядан Ўзбекистонга тенг ҳажмдаги юк жўнатиш амалиётини йўлга қўйиш керак.

ТОШКЕНТ, 5 мар – Sputnik. Ўзбекистон мева-сабзавот ва тез бузиладиган маҳсулотларини рефрижератор-вагонларда Россияга экспорт қилиш мумкин деб ҳисоблайди Озиқ-овқат сектори корхоналари ассоциацияси  (АСОРПС) президенти Михаил Синев.

“Буни амалга оширса бўлади. Россия рефрижератор контейнер операторлари ушбу йўналишни ривожлантиришга тайёр. Лекин муаммо шундаки - Ўзбекистонда кичик қишлоқ хўжалик корхоналари жуда кўп. Уларнинг маҳсулотларини режалаштирилган вақтда бир жойга жамлайдиган йирик консолидатор керак, камида 1000 тонна. Ушбу масала ҳал бўлганидан сўнг биз ишлашни бошлаймиз”, - деди Михаил Синев.

Ташкиллаштириш босқичида Ўзбекистонда мева сабзавотлар учун 2тадан 5тагача рефрижератор контейнерлар  олиб келиниши кутилмоқда. Лойиҳа муваффақиятли бошланганидан сўнг бундай ташув усуби доимий амалиётга айланади. Транспортировка қилинадиган асосий маҳсулотлар  -  узум, хурмо, анор ва сабзавотлар.

Бундай юк ташиш амалитётини ривожлантириш учун Россиядан Ўзбекистонга ҳам паст ҳароратда сақланувчи тенг ҳажмдаги юк жўнатиш амалиётини йўлга қўйиш керак. Лекин ҳозирча бундай талаблар йўқ.

Россиянинг Озиқ-овқат сектори корхоналари ассоциацияси  (АСОРПС) делегацияси феврал ойида Ўзбекистонга ташриф буюрган эди. Ташриф доирасида делегация аъзолари Фарғона вилоятида бўлиб мева-сабзавот ишлаб чиқарувчилари билан учрашишди ва маҳсулотни жамлаш, тайёрлаш ва ташиш логистикасини ўрганишди.

12