ФСБ РФ предотвратила теракт во Владикавказе

Россия ФХХ Владикавказда теракт олдини олди - уни ИШИД* тарафдори тайёрлаган

162
(Янгиланган 14:10 30.06.2020)
Хавфсизлик кучлари маъмурий биноларнинг бирига ҳужум уюштирмоқчи бўлган 1990 йилда туғилган эркакни ҳибсга олишди. Теракдан сўнг у Яқин Шарққа кетишни режалаштирган.

ТОШКЕНТ, 30 июн — Sputnik. Россия Федерал хавфсизлик хизмати Шимолий Осетия пойтахтида терактнинг олдини олди, деб хабар қилди идора матбуот хизмати.

"Владикавказ шаҳрида террорчилик хуружининг олди олинди. Маъмурий бинолардан бири яқинидаги қўлбола усулда тайёрланган портловчи мосламани қўйишга тайёргарлик кўраётган 1990 йилда туғилган Россия фуқароси қўлга олинди", дейилади хабарда.

Терактдан сўнг, террорчи ИШИД* халқаро террорчилик уюшмаси фаолиятида иштирок этиш учун Яқин Шарққа кетишни режалаштирган эди.

Қўлга олинган шахснинг пана жойидан портловчи мосламанинг таркибий қисмлари топилган. Бундан ташқари, у чет элда жойлашган "Ислом давлати" жангарилари билан ёзишмалар олиб борган.

Жиноий иш "Террорчилик ташкилотининг фаолиятида иштирок этиш" моддаси билан қўзғатилди, яқин орада унга терактни уюштириш тўғрисида моддани қўшиш режалаштирилмоқда.

Кейинчалик хавфсизлик хизмати ҳибсга олиш жараёни акс этган видеони намойиш қилди.

Задержание подозреваемого в терроризме во Владикавказе

Июн ойи ўрталарида ФХХ директори Александр Бортников Россияда сўнгги ўн йил ичида 160тага яқин терактларнинг олди олингани ҳақида баёнот берганди.

* "Ислом давлати" (ИД, ИШИД) - Россия ва қатор давлатларда тақиқланган террорчилик ташкилот.

162
Автомобиль сотрудников Украинской полиции в Киеве.

Ўзбекистон фуқароси Киев банкида бомба портлатиш билан таҳдид қилмоқда - Герашенко

219
(Янгиланган 20:28 03.08.2020)
Украина полицияси Киевдаги "Леонардо бизнес-маркази банкида бомба портлатиш билан таҳдид қилаётган фуқаронинг шахсини аниқлади.

ТОШКЕНТ, 3 авг — Sputnik. Киев банкида бомба портлатиш билан таҳдид қилаётган фуқаронинг шахси аниқланди. РИА Новости хабарига асосан.

Киев "Леонардо" бизнес-марказида жойлашган банкда бомба портлатмоқчи бўлган шахс – Ўзбекистон фуқароси, деб маълум қилди Украина Ички ишлар вазири ўринбосари Антон Герашенко.

Угрожающий взорвать бомбу в Киеве является гражданином Узбекистана
Угрожающий взорвать бомбу в Киеве является гражданином Узбекистана

Дастлабки маълумотларга кўра, террорчилик амалга ошириш билан таҳдид қилаётган шахс – Ўзбекистон фуқароси, 1988 йил 25 мартда туғилган Каримов Суҳроб Рахманович.

Айни вақтида музокара стратегияси ишлаб чиқилди ва “Бумеранг” махсус операция режаси бўйича иш олиб борилмоқда.

219
ДПС на посту

Марғилонда машина олиб қочган шахс ёш боланинг умрига зомин бўлди

486
Фуқаро қаровсиз қолдирилган “ВАЗ-2101” машинасини олиб қочган. Йўлда кетаётиб вояга етмаган икки болани уриб юборган.

ТОШКЕНТ, 2 авг — Sputnik. Марғилон шаҳрида фуқаро машина олиб қочди ва икки нафар вояга етмаган болаларни уриб борди. Бу ҳақда Фарғона вилояти ИИБ хабар қилмоқда.

Маълум бўлишича, 31 июль куни фуқаро С.О. Б.Марғилоний кўчасида қаровсиз қолдирилган С.Р.га тегишли “ВАЗ-2101” русумли  автомашинани олиб қочган.

Янгийўл кичик тор кўчасида бошқариб кетаётиб, қатнов қисмини пиёда кесиб ўтаётган вояга етмаган Р.А. ва Т.А.ларни уриб юборган. Улар тан жароҳати олиб шифохонага ётқизилган. Шифохонада Р.А. вафот этган.

Мазкур ҳолат юзасидан Жиноят кодексининг 267-моддаси 1-қисми (транспорт воситасини олиб қочиш) билан жиноят иши очилган.  Айбланувчига нисбатан қамоққа олиш эҳтиёт чораси қўлланилган.

486
Жители Ташкента по возможности приобретают маски для профилактики вируса

Ўзбекистонда карантин қачон бекор қилинади - эксперт жавоби

17
Ўзбекистонда 3 август кунги ҳолатга кўра коронавирус билан касалланганлар сони 26 301 нафарга етган. Шу билан бирга, ушбу инфекцияга чалинган беморлар сони кетма-кет иккинчи кун камайган

ТОШКЕНТ, 4 авг - Sputnik. Коронавирусга қарши кураш штаби аъзоси Ҳабибулло Оқилов АОКА залида бўлиб ўтган матбуот анжуманида 15 августдан кейин карантин чоралари юмшатиладими, деган саволга жавоб берди.

Эслатиб ўтамиз, июль ойининг охирида Республика махсус комиссияси қарори билан Ўзбекистонда жорий этилган карантин чекловлари 15 августга қадар узайтирилган эди.

Оқиловнинг қайд этишича, олдинда ҳали салкам икки ҳафта вақт бор. Агар шу вақт давомида пасайиш динамикаси қайд этилса, карантинни юмшатса бўлади.

"Худди шу динамика қайд этилса, яъни ўтган кунларда касаллик қайд этилиши 700 дан ошган бўлса ва бугун 513 тага тушган бўлсак, кейинги кунларда 500, 450 қайд этилиб, шу рақамлар атрофида касаллик аниқланса, албатта, 15 августдан кейин карантинни юмшатса бўлади. Ва биз ушбу таклиф билан Республика махсус комиссиясига чиқишимиз мумкин", - деб айтган Оқилов.

Ўзбекистонда 3 август кунги ҳолатга кўра коронавирус билан касалланганлар сони 26 301 нафарга етган. Шу билан бирга, ушбу инфекцияга чалинган беморлар сони кетма-кет иккинчи кун камайган.

Мамлакат Соғлиқни сақлаш вазирлиги тақдим этган сўнгги маълумотларга кўра, айни пайтда тиббиёт муассасаларида даволанаётган 8 880 нафар бемордан 927 нафари оғир, 224 нафари эса ўта оғир аҳволда. Коронавирус инфекцияси қурбонлари сони 159 нафарни ташкил этмоқда.

17