Сотрудники ФСБ

ФХХ Ростов вилоятида "ИД" ячейкаси томонидан тайёрланаётган терактларни олдини олди

253
(Янгиланган 13:34 14.07.2020)
ФХХ ходимлари Ростов вилоятидаги “Ислом давлати”* террорчилик гуруҳи томонидан тиббий ва ўқув муассасаларида амалга оширилиши режалаштирилган терактларнинг олдини олди.

ТОШКЕНТ, 13 июл - Sputnik. ФХХ ходимлари Ростов вилоятидаги “Ислом давлати”* террорчилик гуруҳи томонидан тиббий ва ўқув муассасаларида амалга оширилиши режалаштирилган терактларнинг олдини олди, деб хабар қилди махсус хизмат Жамоатчилик билан алоқалар марказида.

Бундан ташқари, террорчилар полициячиларга ҳужумни режалаштиришган. ФХХ ходимлари махсус операция ўтказди, унда Ростов вилояти Азов туманидаги гуруҳ раҳбари маҳсус ҳизмат ҳодимларига қарата ўт очганидан кейин йўқ қилинди.

“Ростов-Дон шаҳридаги шошилинч тезкор қидирув тадбирлари ва тергов ҳаракатлари доирасида гуруҳнинг қолган беш аъзоси ҳибсга олинди”, - дейилади РИА Новости келтирган баёнотда.

Ҳодиса жойида тинтув ўтказилганда фойдаланишга тайёр қўлбола портловчи мослама, автоматик ўқотар қуроллар ва ўқ-дорилар, шунингдек гиёҳванд моддалар топилди.

ФХХ ходимлари орасида жабрланганлар йўқ.

Аввалроқ Sputnik радиоси ФХХ мамлакат бўйлаб иш олиб борган қурол ишлаб чиқарувчи гуруҳлар фаолиятини бартараф этгани ҳақида хабар берган эди.

* Россияда тақиқланган террорчилик ташкилоти.

253

Янгийўл туманида бедарак йўқолган 1,5 яшар боланинг жасади каналдан топилди

18
(Янгиланган 16:18 12.08.2020)
Вояга етмаган О.Х. “Жўн ариқ” каналида ёши тахминан 1,5-2 ёш бўлган бола танасини сувда кўрган. Сувда сузишни билмаганлиги сабабли уни сувдан олиб чиқа олмаган.

ТОШКЕНТ, 12 авг — Sputnik. Тошкент вилоятида уч кун олдин бедарак йўқолган 1,5 яшар боланинг мурдаси каналдан топилди. Бу ҳақда Янгийўл туман прокуратураси матбуот хизмати хабар қилмоқда.

Маълум қилинишича, Янгийўл тумани ИИБ навбатчилик қисмига 9 август куни йил тумандаги Қўштепа МФЙ, Ўзбекистон кўчаси яшовчи фуқаро 16.10.2018 йилда туғилган набираси У.Р. уйдан номаълум томонга чиқиб кетиб, бедарак йўқолганлиги ҳақида мурожаат қилган.

Терговга қадар текширув давомида вояга етмаган О.Х. Янгийўл шаҳар, Файзобод МФЙ ҳудудидан оқиб ўтувчи “Жўн ариқ” каналида ёши тахминан 1,5-2 ёш бўлган бола танаси сувда кўринганлиги, сувда сузишни билмаганлиги сабабли, бола мурдасини сувдан олиб чиқа олмаганлигини айтган.

Шу билан бирга, туман прокуратураси, туман ИИБ ва туман фавқулодда вазиятлар бўлими билан ҳамкорликда “Жўн ариқ” канали суви
3 соатга тўхтатиб қўйилиб, сувда бола мурдасини қидириш ишлари ташкиллаштирилган.

12 август куни “Жўн ариқ” каналидан У.Р.нинг мурдаси топилган.

Мазкур ҳолат юзасидан туман прокуратураси терговга қадар текширув ҳаракатларини олиб бормоқда.

18
Мужчина держит наручники

“Агробанк” филиали собиқ бошқарувчиси мижозларнинг 520 млн сўмини талон-тарож қилди

131
(Янгиланган 12:10 12.08.2020)
Мирзаобод туманида банкнинг собиқ бошқарувчиси 3 та хўжалик юритувчи субъектларнинг жами 520 млн сўмини еб кетди

ТОШКЕНТ, 12 авг — Sputnik. Сирдарё вилояти Мирзаобод туманида тадбиркорларнинг 520 млн сўмлик кредит маблағларини ўзлаштирган собиқ банк бошқарувчиси фош этилди. Бу ҳақда Sputnik нашрига Бош прокуратура матбуот хизмати маълум қилди.

Маълум бўлишича, ўтказилган текширувда АТБ “Агробанк” Мирзаобод филиалининг собиқ бошқарувчиси А.Г. “Т.П.” фермер хўжалиги раҳбарининг хабардорлигисиз унинг номидан 17,6 млн сўм маблағларни бошқа хўжалик юритувчи субъект ҳисоб рақамига ўтказган. Бундан ташқари, “Д.В.” фермер хўжалиги раҳбари томонидан кредит қарздорлигини сўндириш учун банкка тўланган 17 млн сўм нақд пулларни ўзлаштирган.

Шунингдек, у 3 та хўжалик юритувчи субъектларга уларнинг хабардорлигисиз жами 520 млн сўм кредит расмийлаштирган. Кейин пулларни ўз манфаатлари йўлида ишлатиб юбориб, талон-торож қилган.

Мазкур ҳолатлар юзасидан А.Г. ва бошқаларга нисбатан Жиноят кодексининг 167-моддаси 3-қисми “а” банди билан жиноят иши қўзғатилган.

Ҳозир тергов ҳаракатлари ўтказилмоқда.

131