Оказание первой помощи

Қарзни бермаслик учун уриб ўлдирди: Жиззахдаги қотиллик тафсилотлари

501
Жорий йил 12 июль куни Жиззах шаҳар ички ишлар органлари фаолиятини мувофиқлаштириш бошқармасига бир фуқаро мурожаат қилиб, акаси 1964 йил туғилган М.Б. йўқолиб қолганлигини айтган.

ТОШКЕНТ, 17 июл - Sputnik. Жиззах вилояти Шароф Рашидов туманида истиқомат қилган 1987 йилда туғилган фуқарога нисбатан Ўзбекистон Жиноят кодексининг 97-моддаси (Қасддан одам ўлдириш) бўйича жиноят иши қўзғатилди. У пулни қайтармаслик мақсадида қарз олиб турган танишини ўлдириб, чуқурга кўмиб юборганликда айбланмоқда. Бу ҳақда Ўзбекистон ИИВ хабар бермоқда.

Гумондор олган қарз миқдори маълум эмас.

Хабарда айтилишича, жорий йилнинг 12 июль куни Жиззах шаҳар ички ишлар органлари фаолиятини мувофиқлаштириш бошқармасига 1982 йил туғилган М.Ш. мурожаат қилиб, акаси 1964 йил туғилган М.Б. йўқолиб қолганлигини айтган.

Фуқаро М.Б. мактабгача таълим ташкилоти спорт тўгараги тарбиячиси бўлиб ишлаб келган. У жорий йилнинг 8 июль куни соат 02:00 лар атрофида маҳалласи ҳудудида спорт билан шуғулланиш учун югуришга чиқиб, изсиз йўқолган.

Мазкур ҳолат юзасидан ички ишлар ходимлари томонидан бошлаб юборилган тезкор қидирув ва суриштирув ишлари натижасида Шароф Рашидов туманида истиқомат қилган Т.А.нинг фуқаро М.Б.ни бош ва энса соҳасига қаттиқ тўмтоқ жисм билан уриб, маҳалла фуқаролар йиғини маъмурий биноси рўпарасидаги чуқурга кўмиб юборгани аниқланди.

Фуқаро Т.А. марҳум М.Б.дан қарздор бўлган ва пулларни қайтармаслик учун мазкур қотилликка қўл урган.

Ҳолат юзасидан Жиноят кодексининг 97-моддаси билан жиноят иши қўзғатилган.

501
Пограничник республики Кыргызстан во время службы. Архивное фото

Қирғизистонда Ўзбекистон қамоқхонасидан қочиб кетган маҳбуслар ушланди

258
(Янгиланган 13:27 05.08.2020)
Ўзбек-қирғиз чегарасида қўлга олинган маҳбусларнинг бири 29, иккинчиси эса 24 ёшда эканини айтилмоқда.

ТОШКЕНТ, 5 авг — Sputnik. Икки нафар Ўзбекистон фуқароси Қирғизистоннинг Жалолобод вилоятида чегарани ноқонуний кесиб ўтаёган вақтда қўлга олинди. Бу ҳақда Sputnik Қирғизистон нашри мамлакат Давлат чегара хизмати матбуот хизматига таянган ҳолда хабар қилмоқда.

Таъкидланишича, аввалроқ қирғиз чегарачилари Тошкент вилояти Зангиота туманидан маҳбуслар қочиб кетгани ҳақида хабар олишган.
Қочиб кетган маҳбусларнинг бири 29, иккинчиси эса 24 ёшда эканини айтилмоқда.

Қирғизистон ИИВ қўлга олинганлар билан кейинги суриштирув ишларни олиб боради.

258

Сирдарёда кўп қаватли уйлар қурилишида 1,5 млрд сўм бюджет маблағи талон-торож қилинди

134
“Қишлоқ қурилиш инвест” МЧЖ ИК ва “S.S.” МЧЖ мансабдори ҳақиқатда бажарилмаган 949 млн сўмлик қурилиш-таъмирлаш ишларини қўшиб ёзишган.

ТОШКЕНТ, 5 авг — Sputnik. Сирдарё вилояти Оқолтин туманида кўп қаватли уйларнинг қурилишида 1,5 млрд сўм бюджет маблағлари талон-торож қилингани аниқланди. Бу ҳақда Бош прокуратура матбуот хизмати хабар қилди.

Маълум қилинишича, Бош прокуратура ҳузуридаги Департаментнинг Оқолтин туман бўлими терговга қадар текширув ўтказган. Унда “Қишлоқ қурилиш инвест” МЧЖ ИК ва “S.S.” МЧЖ мансабдори Оқолтин тумани “Кўркам диёр” массивида 1 та кўп қаватли уй-жойнинг қурилганлиги ҳақидаги ҳужжатларга ҳақиқатда бажарилмаган 949 млн сўмлик қурилиш-таъмирлаш ишларини қўшиб ёзишган. Шу йўл билан бюджет маблағларини талон-торож қилишган.

Шунингдек, “Y.N” МЧЖ ҳам массивдаги 1 та кўп қаватли
уй-жойнинг қурилганлиги ҳақидаги ҳужжатларга ҳақиқатда бажарилмаган 586 млн сўмлик қурилиш-таъмирлаш ишларини қўшиб ёзган.

Мазкур ҳолатлар юзасидан  “Қишлоқ қурилиш инвест” МЧЖ ИК Сирдарё вилояти филиали мансабдор шахслари ва жамият раҳбарларига нисбатан Жиноят кодексининг 167-моддаси 3-қисми “а” банди билан (ўзлаштириш ёки растрата йўли билан талон-торож қилиш) жиноят иши очилган.

Тергов ҳаракатлари ўтказилмоқда.

134
Спецоперация по захвату Сухроба Каримова, угрожавшего взорвать банк в Киеве

"Киевлик террорчи" Сухроб Каримов икки ойга ҳибсга олинди

44
(Янгиланган 12:30 06.08.2020)
Сал олдин, 3 август куни, Каримов Киевдаги "Леонардо" бизнес-марказидаги банк бўлинмасига кирган ва рюкзагида бомба борлигини маълум қилган. Босқинчи 40 минг гривен ва журналистлар билан мулоқотни талаб қилган.

ТОШКЕНТ, 6 авг — Sputnik. Киевдаги "Универсал-банк" бўлинмаларидан бирини портлатиб юбориш билан таҳдид қилган Ўзбекистон фуқароси Сухроб Каримов теракт бўйича иш юзасидан икки ойга ҳибсга олинди. Уни гаров эвазига қўйиб юбориш чекланган. Бу ҳақда Киев прокуратураси матбуот-хизмати хабар бермоқда.

"Киев шаҳри Печерск туман суди пойтахт прокуратураси илтимосномасини қондирди ва 2020 йил 3 августда Киев марказидаги банк биносида портлаш билан таҳдид қилган Ўзбекистон фуқаросига ҳибсга олиш тарзидаги эҳтиёт чорасини танлади. Уни гаров эвазига қўйиб юбориш чекланган. Тегишли қарор 2020 йилнинг 5 августи, чоршанба куни бўлиб ўтган мажлисда қабул қилинган", - дейилади расмий баёнотда.

Каримовга Украина Жиноят кодексининг 258-моддаси 1-қисми ("Террористик ҳужумни амалга ошириш ёки уни амалга ошириш билан қўрқитиш") бўйича айблов қўйилмоқда. Ушбу моддада гумонланувчилар беш йилдан ўн йилгача озодликдан маҳрум этилиши мумкин.

Эслатиб ўтамиз, 3 август куни, Каримов, Киевдаги "Леонардо" бизнес-марказидаги банк бўлинмасига кирган ва рюкзагида бомба борлигини маълум қилган.

У банк бўлинмаси раҳбаридан ташқари барча ходимларни қўйиб юборган. Раҳбар аёлни гаров олган.

Сухроб Каримов 40 минг гривен (1,44 минг доллар) ва журналистлар билан мулоқотни талаб қилган.

Амалга оширилган махсус операция натижасида Каримов қўлга олинган, уни тўғридан-тўғри эфирда қўлини қайириб, банк биносидан олиб чиқиб кетишган.

Каримовни қўлга олишда Украина телеканалларининг икки нафар журналисти кўнгилли равишда иштирок этган.

Текширувлардан сўнг Каримов ёлғон гапиргани фош бўлган: унинг рюкзагида бомба ҳам, бошқа портловчи қурилмалар ҳам бўлмаган.

Сал кейин ўзбекистонлик бу йигит психоневрологик ҳисобда туриши аниқланган.

44