Мужчина держит наручники

“Straus House” мансабдорлари 7 йилдан 9 йилгача қамалди

114
“Straus House” мансабдорлари устидан суд ҳукми эълон қилинди. МЧЖ таъсисчиси бир модда билан оқланди, қолганлари билан эса 9 йилга кесилди.

ТОШКЕНТ, 28 июл — Sputnik. Жиноят ишлари бўйича Миробод туман судида “Straus House” мансабдорларига нисбатан суд жараёни ниҳоясига етди ва суд ҳукми эълон қилинди. Бу ҳақда Олий суд матбуот хизмати хабар берди.

Суд ҳукмига кўра, “Straus House” МЧЖ таъсисчиси И.Исроилов Ўзбекистон ЖКнинг 238-моддаси (ёлғон гувоҳлик бериш) 3-қисмининг “а” банди билан оқланиб, 168-моддаси 4-қисмининг “а”, “в” бандлари, 184-моддасининг 3-қисми, 189-моддасининг 1-қисми, 243-моддаси ва 227-моддаси 2-қисмининг “а” бандида назарда тутилган жиноятларни содир этганликда айбли деб топилди. Унга узил-кесил ўташ учун 9 йил муддатга озодликдан маҳрум қилиш жазоси тайинланди.

“Straus House” МЧЖ директори А. Махмуталиев ЖКнинг 168-моддаси 4-қисмининг “а”, “в” бандлари, 184-моддасининг 3-қисми, 189-моддасининг 1-қисми ва 227-моддаси 2-қисмининг “а” бандида назарда тутилган жиноятларни содир этганликда айбли деб топилиб, унга узил-кесил ўташ учун 7 йил муддатга озодликдан маҳрум қилиш жазоси тайинланди.

“Straus House” МЧЖ директори ўринбосари Д. Қутпиддинов ЖКнинг 168-моддаси 4-қисмининг “а”, “в” бандлари, 184-моддасининг 3-қисми, 189-моддасининг 1-қисми ва 227-моддаси 2-қисмининг “а” бандида назарда тутилган жиноятларни содир этганликда айбли деб топилиб, унга узил-кесил ўташ учун 8 йил 5 ой 26 кун муддатга озодликдан маҳрум қилиш жазоси тайинланди.

Улар тайинланган жазони умумий тартибли колонияларда ўташади.

“Straus House” МЧЖ бош ҳисобчиси О. Саидов ЖКнинг 168-моддаси 4-қисмининг “а”, “в” бандлари, 184-моддасининг 3-қисми, 189-моддасининг 1-қисми ва 227-моддаси 2-қисмининг “а” бандида назарда тутилган жиноятларни содир этганликда айбли деб топилиб, унга узил-кесил ўташ учун 5 йил муддатга озодликни чеклаш жазоси тайинланди.

Жиноят иши юзасидан хатланган мол-мулк тегишли тартибда жабрланувчиларга нисбатан етказилган зарарлар ўрнини пропорционал тартибда қоплаш учун қаратилиши белгиланди.

Судланувчилар И. Исроилов, А. Махмуталиев, Д. Қутпиддинов ва О. Саидовлардан солидар тартибда тегишли тартибда давлат фойдасига 222 386 043 сўм ундирилиши белгиланди.

И. Исроиловдан “EZOZ MAX” ва “СFS MAX” МЧЖларнинг фаолияти юзасидан жабрланувчиларга етказилган моддий зарар ундирилиши белгиланди.

И. Исроилов, А. Махмуталиев, Д. Қутпиддинов ва О. Саидовлардан солидар тартибда “Straus House” МЧЖнинг фаолияти юзасидан жабрланувчилар фойдасига етказилган моддий зарар миқдори ундирилиши белгиланди.

Жиноят иши юзасидан Ўзбекистон ИИВ ҳузуридаги Тергов департаментининг АТИБ “Ипотека банк” Меҳнат филиали ҳисоб-рақамида сақланаётган ҳамда хатланган Покистоннинг “Chemikals & Marbels Lahore Pakistan” компаниясига туяқуш жўжаларини сотиб олиш мақсадида шартномага асосан кўчирилган 1 854 000 000 сўм миқдоридаги пуллар тегишли тартибда етказилган моддий зарарларни қоплашга пропорционал тартибда қаратилиши белгиланди.

Эслатиб ўтамиз, аввалроқ ошкентда 300 кишидан пул олган, лекин шартномани бажармаган “Strаus House” МЧЖ директори ҳибсга олингани хабар қилинган эди.

114
Свеча, гвоздики

Ўзбекистон таниқли композиторидан айрилди

544
Етук композиторнинг энг сўнгги иши бир неча ой олдин шов-шувли премьераси бўлиб ўтган "101" киноасари эди.

ТОШКЕНТ, 8 авг - Sputnik. Таниқли композитор ва дирижёр, Ўзбекистонда хизмат кўрсатган санъат арбоби, "Ўзбеккино" миллий агентлиги Бадиий кенгаши аъзоси Анвар Эргашев 66 ёшида вафот этди.

Анвар Эргашев Миллий симфоник оркестри бош дирижёри ва Алишер Навоий номидаги Давлат Академик театри бадиий раҳбари лавозимларида фаолият юритган.

50 дан ортиқ бадиий ва мусиқий фильмлар, спектакллар бастакори, кўплаб қўшиқ ҳамда мусиқалар муаллифи. Унинг кинодаги ишлари сирасига "Бомба", "Шариф ва Маъриф", "Осмондаги болалар","“Аланга ичидаги фаришта", "Оқ бино оқшомлари", "Уч қирол жанги", "Ойи" фильмлари киради.

Етук композиторнинг сўнгги иши бир неча ой олдин премьераси бўлиб ўтган "101" киноасари эди.

544
Сотовый телефон

Самарқандлик эркак синглиси хушторини SMS учун уриб ўлдирди

460
Самарқандлик эркак синглисига СМС-хабар ёзган йигитни "разбор"га чақирган ва учрашув давомида унинг бошига мушт тушириб, оғир жароҳатлаган

ТОШКЕНТ, 8 авг - Sputnik. Самарқанд вилоятида 34 ёшли эркак ўз синглисига SMS хабарлар юборган 27 ёшли фуқарони ўлдирди, деб хабар бермоқда ИИВ ҳузуридаги Тергов департаменти матбуот-хизмати

Ҳодиса 4 август куни Иштихон туманида содир бўлган.

34 ёшли Ш.Й. ҳамқишлоғи 27 ёшли Н.Б.ни чақириб, синглиси 18 ёшли М.Д.га нима мақсадда SMS-хабар жўнатаётганини сўраган.

Учрашув давомида фуқаролар ўзаро жанжаллашиб қолишган, жанжал давомида Ш.Й. мушти билан Н.Б.нинг бош соҳасига уриб тан жароҳати етказган. Натижада Н.Б. тан жароҳати билан туман тиббиёт бирлашмасининг жонлантириш бўлимига ётқизилган. Лекин кўрсатилган тиббий муолажаларга қарамасдан, вафот этган.

Мазкур ҳолат юзасидан ЎзР ЖКнинг 104-моддаси 3-қисми "д" банди (жабрланувчининг ўлимига олиб келган қасддан баданга оғир шикаст етказиш) билан жиноят иши қўзғатилган.

Ҳозирда тергов ҳаракатлари олиб борилмоқда.

Эслатиб ўтамиз, ИИВ раҳбари Пўлат Бобожонов куни кеча Сенатда чиқиши давомида жорий йилнинг 6 ойида республика миқёсида 21 535 та жиноятлар қайд этилгани ҳақида маълумот берган. Олти ой давомида қайд этилган қотиллик жиноятларнинг ҳар учинчиси (71 таси, 35%), оғир тан жароҳати етказиш жиноятларининг 76 таси (20,5%) оила-турмуш муносабатлари доирасида содир этилган.

460