Ҳалокатли обгон: Жиззахдаги аварияда икки аёл вафот этди, норасидалар касалхонада

385
(Янгиланган 17:35 11.08.2020)
Ҳайдовчи Ховос туманидан Даштобод йўналишига қараб ҳаракатланиб кетаётган вақтида олдинда кетаётган автомашинани қувиб ўтиш учун қарама-қарши йўналишга чиққан ва юк машинасининг олди томонига бориб урилган.

ТОШКЕНТ, 11 авг - Sputnik. Куни кеча Жиззах вилоятининг Зомин туманида даҳшатли авария содир бўлди, жароҳатланганлар орасида икки норасида бор.

Ўзбекистон ИИВ ахборотига кўра, йўл-транспорт ҳодисаси Зомин тумани ҳудудидан ўтувчи А-376 автомобиль йўлининг 239-километрида содир бўлган.

Маълумотларга кўра, 42 ёшли ҳайдовчи Р.А бошқарувида бўлган "Lada Largus" Ховос туманидан Даштобод йўналишига қараб ҳаракатланиб кетаётган вақтида олдинда кетаётган автомашинани қувиб ўтиш учун қарама-қарши йўналишга чиққан. Ва шу йўналишда ҳаракатланиб келаётган 42 ёшли Р.Х. бошқарувидаги "Isuzu" юк машинасининг олди томонига бориб урилган.

Натижада, "Lada Largus" йўловчилари 31 ёшли Х.Б. (аёл) ва 55 ёшли Б.Б. (аёл)лар ҳодиса жойида вафот этганлар. Автомашина ҳайдовчиси йўловчилари 30 ёшли Б.Б. ва унинг 6 ёшли ҳамда 4 ёшли фарзандлари турли тан жароҳатлари билан туман тиббиёт бирлашмасига ётқизилган.

Мазкур ҳолат юзасидан Зомин тумани ИИО ФМБ ҳузуридаги Тергов бўлими томонидан Жиноят кодексининг 266-моддаси 3-қисми (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган, ҳозирда тергов ҳаракатлари олиб борилмоқда.

385
В Ташкенте девушка сожгла Jentra своего парня

Тошкентда қиз йигити уйланиш ваъдасида турмагани учун унинг автомобилини ёқиб юборди

137
(Янгиланган 10:31 20.09.2020)
Йигит кейинчалик қизга уйланишини ваъда қилган, аммо ваъдасида турмаган. Умидсизликда қолган қиз йигитнинг “Jentra” автомобилига бензин сепиб, ёқиб юборган

ТОШКЕНТ, 20 сен — Sputnik. Тошкентда фуқаронинг автомобилини ёқиб юборган шахс аниқланди. Бу ҳақда Тошкент шаҳар ИИББ матбуот хизмати хабар қилмоқда.

Маълум бўлишича, 19 сентябрь куни соат Учтепа тумани ИИО ФМБ навбатчилик қисмига 19 ёшли Ситора Г. 23 ёшли Асилбек Н.га тегишли бўлган "Jentra" русумли автомобилни ёқиб юборгани ҳақидаги хабар келиб тушган.

Терговолди текширувлари давомида аниқланишича, вақтинчалик Тошкент шаҳрининг Учтепа туманида яшовчи Ситора Г. ва жабрланувчи ўртасида маълум вақт муҳаббат бўлган.

В Ташкенте девушка сожгла Jentra своего парня
© ГУВД г. Ташкента.
В Ташкенте девушка сожгла Jentra своего парня

Асилбек кейинчалик Ситорага уйланишини ваъда қилган, аммо ваъдасида турмаган. Умидсизликда қолган қиз йигитнинг автомобилига ичидан ва ташқарисидан бензин қуйиб, ёқиб юборган.

Ҳодиса тафсилотлари ўрганилмоқда.

137
Узбекские милиционеры рядом с патрульной машиной

Қашқадарёда мактаб директори ўз жонига қасд қилди. У вафотидан олдин хат ёзиб қолдирган

1226
Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган

ТОШКЕНТ, 18 сен - Sputnik. Бош прокуратура матбуот-хизмати ижтимоий тармоқларда тарқалган Қашқадарё вилоятида мактаб директори ўз жонига қасд қилганлиги, вафотидан олдин хат ёзиб қолдирганлиги ҳақидаги хабарлар юзасидан расмий баёнот эълон қилди.

Мактубда келтирилишича, директор суиқасд олдидан хат ёзган ва унда барча ҳамкасбларидан коррупцияга йўл қўймасликни ўтиниб сўраган.

"Ҳозирда мазкур ҳолат юзасидан Китоб тумани прокуратураси томонидан терговга қадар текширув ҳаракатлари олиб борилмоқда", - дейилади Бош прокуратура хабарида.

Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган.

Ҳозирда туман халқ таълими, ички ишлар бўлимлари ҳамда махалла ва оилани қўллаб-қувватлаш маркази туман бўлимининг мутасадди ходимлари ҳаракатлари юзасидан хизмат текширувлари тайинланган.

Текшириш ҳаракатлари давом этмоқда.

1226
Бомбардировщик-ракетоносец Ту-160 Владимир Судец Военно-космических сил России

Россия Ту-160 самолётлари янги жаҳон рекордини ўрнатди

14
Ту-160 бомбардимончи самолётлари парвози йўналиши Шимолий Муз океани, Тинч океани, Карск денгизи, Лаптевлар, Шарий-Сибирь, Чукотка, Баренцево денгизларининг нейтрал ҳудудлари бўйлаб ўтган.

ТОШКЕНТ, 20 сен — Sputnik. Россиянинг Ту-160 стратегик бомбардимончи самолётлари 19 сентябрь куни янги жаҳон рекордини ўрнатди. Бу ҳақда РИА Новости хабар қилди.

“Бугун узоқ парвозлар икки экипажи Ту-160 стратегик ракета ташувчиларида узоққа парвоз қилиш ва парвоз давомийлиги бўйича янги рекорд ўрнатишди. Россия ҲКК учувчилари 25 соатдан кўпроқ вақт ҳавода бўлиб, 20 минг километрдан ортиқ масофани учиб ўтишди”, - Россия Ҳаво-космик кучлари узоқ парвозлар қўмондони, генерал-лейтенант Сергей Кобилаш.  

Кобилаш ушбу тоифа самолётларда ҳали ҳеч ким бундан узоққа учмаганлигини қўшимча қилди.

2010 йилдаги аввалги рекордни ҳам Ту-160 ўрнатган. Ўшанда парвоз 24 соату 24 дақиқа давом этган.

Ту-160 бомбардимончи самолётлари парвози  йўналиши Шимолий Муз океани, Тинч океани, Карск денгизи, Лаптевлар, Шарий-Сибирь, Чукотка, Баренцево денгизларининг нейтрал ҳудудлари бўйлаб ўтган.

Америка журнали Россиянинг энг хавфли жанговар самолётини айтди

Парвоз ва қўниш Саратов вилоятидаги Энгельс аэродромида содир бўлди. Тўхтовсиз парвоз пайтида Ту-160 самолёти олти ва Ил-78 самолёти уч маротаба ҳавода ёнилғи қуйишни амалга оширди. Маршрутнинг айрим босқичларида ракета ташувчиларга Су-35 қирувчилари, шунингдек, хорижий давлатларнинг самолётлари ҳамроҳлик қилди. Россия бомбардимончиларининг парвози ҳаво ҳудудидан фойдаланиш бўйича халқаро қоидаларга қатъий риоя қилинган ҳолда амалга оширилган.

14