Машина скорой медицинской помощи

Грузияда автобус жарга қулаши оқибатида 17 киши ҳалок бўлди

73
Якшанба куни кечқурун грузиянинг Душети муниципалитетидаги Шатили йўлида даҳшатли фожиа юз берди - ичида сайёҳлари бўлган микроавтобус 80 метр баландликдан қулаб тушди.

ТОШКЕНТ, 24 авг - Sputnik. Грузияда ичида сайёҳлари бўлган микроавтобус 80 метр баландликдан қулаб тушди - улар тоғларга бир кунлик саёҳатни уюштиришган эди. РИА Новости хабарига асосан.

Йўл-транспорт  ҳодисаси Шатили (Мцхета-Мтианети тумани) йўлида содир бўлди.

17 киши ҳалоқ бўлгани ҳақида хабар берилмоқда. Яна уч киши тирик қолиб, оғир аҳволда касалхонага ётқизилди, деб хабар бермоқда Sputnik Грузия.

Ички ишлар вазирлигининг "112" тезкор ёрдамни оператив бошқариш марказидан маълум қилишларича, 23 август куни кечқурун автоҳалокат тўғрисида қўнғироқ келиб тушган.

Микроавтобус тошли қоядан тушиб кетган.

Қидирув-қутқарув ишлари давом этмоқда. Бир неча йўловчи ҳануз топилмади. Қурбонларнинг аниқ сони ҳақида маълумот берилмаган.

Ҳалокатга нима сабаб бўлганлиги ҳозирча номаълум. Таъкидланишича, йўл бир кун олдин ёмон об-ҳаво туфайли ювилиб кетган бўлиши мумкин.

Грузия Ички ишлар вазирлиги "Йўл ҳаракати хавфсизлиги ёки транспортдан фойдаланиш қоидаларини бузиш" моддаси бўйича суриштирув бошлади.

Мамлакат ҳукумати ўз ҳамдардлигини билдирди.

73
Милиция

Хоразмда аёл кишини ечинтириб, видеога олганларнинг шахси аниқланди

824
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

824
В жилом доме произошел взрыв из-за утечки газа.

Қибрайда газ портлаши ҳолати юзасидан жиноят иши очилди

119
Қибрай тумани, Гулистон-3 кўчаси, 15-уйда газ-ҳаво аралашмасининг чақнаши содир бўлди. Чақнаш оқибатида уйнинг бир қисми қулаб тушди.

ТОШКЕНТ, 23 ноя — Sputnik. Фавқулодда вазиятлар вазирлиги томонидан Қибрайда газ портлаши оқибатида икки киши ҳалок бўлганлиги ҳақида хабар берилган.

Ҳолат юзасидан Тошкент вилояти прокуратураси ўтказган терговга қадар текширишда газ чақнаши юз берган уй ёнида ўрнатилган юқори босимли газ тақсимлаш мосламаси (ГТМ)га уланган ва еростидан ўтказилган полиэтилен газ қувурининг монтаж ишлари ўта сифатсиз амалга оширилганлиги аниқланган.

Бунинг оқибатида уйга яқин оралиқдаги ер остидаги полиэтилен газ қувурининг уланиш қисмида ёриқ юзага келиб, ундан табиий газ сизиб чиқиб, хонадон ертўласида тўплангани ва ўз навбатида газ чақнаши содир бўлган.

Ҳолат юзасидан 2020 йил 23 ноябрь куни Тошкент вилояти прокуратураси томонидан ЖКнинг 258-моддаси (Тоғ-кон, қурилиш ёки портлатиш ишлари хавфсизлиги қоидаларини бузиш) билан жиноят иши қўзғатилди.

Тошкент вилояти ИИББ ҳузуридаги Тергов бошқармаси томонидан дастлабки тергов ҳаракатлари олиб борилмоқда.

119