В Ташкенте водитель сбил сотрудника ДПС - фото

Тошкентда ЙТҲда жароҳатланган инспектор вафот этди

291
(Янгиланган 14:12 04.09.2020)
Хизмат вазифасини ўтаётган вақтда Lacetti уриб юборган 30 ёшли ЙПХ инспектори жонлантириш бўлимида вафот этди.

ТОШКЕНТ, 4 сен - Sputnik. Тошкентнинг Миробод туманида содир бўлган ЙТҲда жароҳат олган ЙПХ инспектори касалхонада вафот этди деб хабар қилмоқда ИИББ матбуот хизмати. 

Хабарда айтилишига кўра, воқеа 1 сентябрь куни соат 19.00да содир бўлган. Миробод тумани Шаҳрисабз кўчасида хизмат олиб бораётган ЙПХ инспектори катта сержант Салим Умаров “Grand Mir” меҳмонхонаси яқинида ҳужжатларни текшириш мақсадида “Captiva”  русумли автомобилни тўхтатиган. Катта сержант ҳужжатларни ҳайдовчига қайтариб, транспорт воситасини айланиб ўтиб йўл чети томон юрган.

"Шу вақтда 19 ёшли Темурбек М. бошқарувида бўлган “Lacetti” автомобили Миробод кўчасидан чиқиб, бошқарувни йўқотган ва йўл четида тўхтаб турган “Captiva” автомобилига тўқнашгач, инерция туфайли ҳаракатни давом эттириб, ЙПХ ходимини уриб юборган", - дейилади хабарда.

ЙТҲ оқибатида 30 ёшли ЙПХ инспектори катта сержант Салим Умаров бадан шикастлари билан шифохонанинг жонлантириш бўлимига жойлаштирилган эди.

Бўлиб ўтган ҳодиса юзасидан тергов ишлари олиб борилмоқда. Ҳужжатлар қонуний чора кўрилиши учун прокуратурага йўналтирилади.

В Ташкенте водитель сбил сотрудника ДПС - фото
ГУВД
В Ташкенте водитель сбил сотрудника ДПС - фото
291
Милиция

Хоразмда аёл кишини ечинтириб, видеога олганларнинг шахси аниқланди

858
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

858
В жилом доме произошел взрыв из-за утечки газа.

Қибрайда газ портлаши ҳолати юзасидан жиноят иши очилди

124
Қибрай тумани, Гулистон-3 кўчаси, 15-уйда газ-ҳаво аралашмасининг чақнаши содир бўлди. Чақнаш оқибатида уйнинг бир қисми қулаб тушди.

ТОШКЕНТ, 23 ноя — Sputnik. Фавқулодда вазиятлар вазирлиги томонидан Қибрайда газ портлаши оқибатида икки киши ҳалок бўлганлиги ҳақида хабар берилган.

Ҳолат юзасидан Тошкент вилояти прокуратураси ўтказган терговга қадар текширишда газ чақнаши юз берган уй ёнида ўрнатилган юқори босимли газ тақсимлаш мосламаси (ГТМ)га уланган ва еростидан ўтказилган полиэтилен газ қувурининг монтаж ишлари ўта сифатсиз амалга оширилганлиги аниқланган.

Бунинг оқибатида уйга яқин оралиқдаги ер остидаги полиэтилен газ қувурининг уланиш қисмида ёриқ юзага келиб, ундан табиий газ сизиб чиқиб, хонадон ертўласида тўплангани ва ўз навбатида газ чақнаши содир бўлган.

Ҳолат юзасидан 2020 йил 23 ноябрь куни Тошкент вилояти прокуратураси томонидан ЖКнинг 258-моддаси (Тоғ-кон, қурилиш ёки портлатиш ишлари хавфсизлиги қоидаларини бузиш) билан жиноят иши қўзғатилди.

Тошкент вилояти ИИББ ҳузуридаги Тергов бошқармаси томонидан дастлабки тергов ҳаракатлари олиб борилмоқда.

124