Андижонлик эркак стюардесса бўлишни орзу қилган қизни 1000 $га чув туширди

188
Аёл стюардесса бўлиш орзуси амалга ошишини икки йил давомида кутиб келган. Аммо унинг бу орзуси орзулигича қоладиган бўлди.

ТОШКЕНТ, 9 сен - Sputnik. Тошкент шаҳри Юнусобод туманида стюардесса бўлишни орзу қилган қиз фирибгарга 1000 $ пулини бериб юборди. Бу ҳақда ИИББ матбуот-хизмати хабар бермоқда.

Хабарда айтилишича, Юнусобод тумани ички ишлар органларига 28 ёшли Муҳаббат Ю. шу ҳақда мурожаат қилган.

Аёл ўз аризасида икки йил олдин танишлари орқали авиакомпанияга стюардессаликка жойлаштиришни ваъда қилган андижонлик 26 ёшли Фарход А.га нисбатан чора кўришни сўраган.

Эркак ўз хизмати эвазига қиздан олдиндан 1000 АҚШ доллари олган. Аммо ишга жойламаган ва олган пулларни ўз эҳтиёжи йўлида сарфлаб юборган.

Мазкур факт асосида Ўзбекистон Республикаси Жиноят кодексининг 168 моддаси ("Фирибгарлик") бўйича жиноий иш қўзғатилган.

188
Автомобиль национальной гвардии Узбекистана

Миллий гвардия “Эски жува” бозоридаги жанжал юзасидан изоҳ берди

164
(Янгиланган 14:25 24.11.2020)
Ўтказилган суриштирув ишлари натижасида ушбу фуқаро Тошкент шаҳар Олмазор туманида яшовчи У.Ибрагимов эканлиги аниқланган. Ҳозирда ҳолат юзасидан суриштирув ишлари давом этмоқда.

ТОШКЕНТ, 24 ноя — Sputnik. 22 ноябрь куни Шайхонтоҳур туманидаги “Эски жува” деҳкон бозори ҳудудида жамоат тартибини сақлаш юзасидан хизматга жалб қилинган Миллий гвардия ҳарбий хизматчиларига бозорга харидор сифатида келган фуқаро мурожат қилиб, ушбу бозор ҳудудида пиротехника воситаси сотиб олиш учун сотувчига 260 минг сўм пул берганлигини, лекин сотувчи келишилган маҳсулотларни бермасдан, қочиб кетганлиги ҳақида шикоят қилган.

Бу ҳолатни кузатиб турган бир гуруҳ шахслар мурожаат этган фуқарога нисбатан шу жойнинг ўзида ҳакоратли сўзлар ишлатиб, ўзларининг бу каби хатти-ҳаракатлари билан пиротехника воситаси сотувчиси тарафдорлари эканлигини аён қилишган.

Вазиятни енгиллаштириш учун Миллий гвардия ходимлари томонидан жабрланувчи фуқарони бозор ҳудудидан олиб чиқиб, ҳолатга ойдинлик киритиш мақсадида ИИО таянч пункти масъул ходимига топширилган.

Миллий гвардия ҳарбий хизматчилари бозор ҳудудида жанжал кўтарган бир гуруҳ фуқароларни тартибга чақиришга ҳаракат қилганлар. Жамоат тартиби қоидаларига риоя қилмаган ушбу фуқаролардан бири Миллий гвардия ҳарбий хизматчиларининг қонуний талабларига бўйсунмасдан, ҳақоратли сўзларини давом қилдириб, атрофдагилар диққатини ўзига жалб қилган ҳолда хизмат мажбуриятини бажараётган ҳарбий хизматчилардан бирига қўл кўтарган.

Шу боис Миллий гвардия ҳарбий хизматчилари ушбу фуқарога нисбатан куч ишлатишга мажбур бўлиб, ўрнатилган тартибда ИИО таянч пунктига олиб бориб топширганлар.
Ўтказилган суриштирув ишлари натижасида ушбу фуқаро Тошкент шаҳар Олмазор туманида яшовчи У.Ибрагимов эканлиги аниқланган. Ҳозирда ҳолат юзасидан суриштирув ишлари давом этмоқда.

164
Милиция

Хоразмда аёл кишини ечинтириб, видеога олганларнинг шахси аниқланди

1298
(Янгиланган 12:43 24.11.2020)
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

1298

Қорабоғнинг арвоҳ-шаҳри: Агдам туманида нима омон қолди

0
10 ноябрь куни Тоғли Қорабоғ зонасида ўқ отишни тўхтатиш ҳақида келишув кучга кирди. Бу - Россия Федерацияси, Арманистон ва Озарбайжон етакчилари томонидан имзоланган келишувнинг асосий шартларидан биридир.

Шунингдек, келишувларга мувофиқ, Арманистон йил охиригача эгаллаб олган ҳудудларнинг бир қисмини Озарбайжонга қайтариши керак: булар Келбажар, Лочин, Ғазахнинг бир қисми ва Агдам туманлари.

Озарбайжон армияси аллақачон у ерга кириб келган.

0