Йил бошидан буён ўлим билан боғлиқ нечта ЙТҲ содир этилди

172
Республика ҳудудида 2020 йилнинг 8 ойида содир этилган йўл-транспорт ҳодисалари тўғрисидаги статистика эълон қилинди.

ТОШКЕНТ, 9 сен — Sputnik. ИИВ ЙҲХББ жорий йилда Ўзбекистонда содир этилган ЙТҲнинг 8 ойлик статистикасини эълон қилди.

Тақдим этилган маълумотларга кўра, ушбу даврда ўлим билан боғлиқ 991 та ЙТҲ содир этилган. Бу ўтган йилга қараганда 17,1 фоизга камроқ. Тан жароҳати билан боғлиқ ЙТҲлар сони эса 2605 тани ташкил этмоқда.

Шундан 1528 таси пиёда, 619 таси болалар, 471 та велосипед, 108 та мотоцикл, 112 та лицензиясиз такси, 198 та бошқариш ҳуқуқи бўлмаган шахслар иштирокида содир этилган.

Жорий даврдаги ЙТҲларнинг 22,9 фоизи - халқаро йўлларда, 48,9 фоизи  давлат аҳамиятидаги йўлларда, 28,2 фоизи - маҳаллий йўлларда рўй берган.

Ҳудудлар кесимида энг кўп — Фарғона вилояти (550), Тошкент вилояти (429), Тошкент шаҳрида (396) ЙТҲ содир бўлган. Энг кам Сирдарё вилоятида (91).

Таъкидланишича, ЙТҲнинг келиб чиқиш сабабларига энг кўп пиёда йўлнинг белгиланмаган жойидан кесиб ўтиши (28,4%), белгиланган тезликка риоя қилмаслик (17,1%), велосипедлар йўлнинг қатнов қисмида ҳаракатланиши ЙТҲга олиб келган.

172

Чироқчида гумонланувчини калтаклаб, ўлдириб қўйган ИИБ ходимлари қамалди

194
(Янгиланган 16:25 21.09.2020)
Икки ИИБ профилактика инспектори қасддан баданга оғир шикаст етказиш моддаси бўйича оқланди. Айбланувчилар 5 йилдан 9 йилгача озодликдан маҳрум қилинди.

ТОШКЕНТ, 21 сен — Sputnik. Қашқадарё вилояти Чироқчи туманида гумонланувчини калтаклаб, ўлдириб қўйган ИИБ ходимларига нисбатан суд ҳукми ўқилди. Бу ҳақда Олий суд матбуот хизмати хабар қилмоқда.

Январь ойида Чироқчи туманининг Лангар қишлоғида яшовчи фуқаро Ю. А. чорва моллари ўғирлигида гумон қилиниб, туман ИИБ ходимлари томонидан қаттиқ калтакланиши оқибатида вафот этган эди.

21 сентябрь куни Олий суднинг Жиноят ишлари бўйича судлов ҳайъати ушбу жиноят бўйича ҳукм чиқарди:

  • Н. Овлаев (Чироқчи тумани ИИО ФМБ 4-сонли ИИБ бошлиғи лавозимида ишлаган) Ўзбекистон Жиноят кодексининг 241-1-моддаси (жиноятни ҳисобга олишдан қасддан яшириш) 2-қисми “а”, “б” бандлари, 234-моддаси (қонунга хилоф равишда ушлаб туриш ёки ҳибсга олиш) 1-қисми, 235-моддаси (қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш) 3-қисми ва 104-моддаси (қасддан баданга оғир шикаст етказиш) 3-қисми “д” бандида назарда тутилган жиноятларни содир этганликда айбдор айбдор деб топилди. Унга ўташ учун узил-кесил 2 йил 6 ой ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 9 йил озодликдан маҳрум қилиш жазоси тайинланди.
  • А. Жанқабилов (Чироқчи тумани ИИО ФМБ 4-сонли ИИБ жиноят қидирув гуруҳи тезкор вакили лавозимида ишлаган) Жиноят кодексининг 234-моддаси 1-қисми, 235-моддаси 3-қисми ва 104-моддаси 3-қисми “д” бандида назарда тутилган жиноятларни содир этганликда айбдор деб топилди. Унга ўташ учун узил-кесил 2 йил ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 8 йил 6 ой озодликдан маҳрум қилиш жазоси тайинланди.
  • Ш. Рахмонов (Чироқчи тумани ИИО ФМБ 4-сонли ИИБ профилактика инспектори лавозимида ишлаган) Жиноят кодексининг 104-моддаси 3-қисми “д” банди билан айбсиз деб топилиб, Жиноят-процессуал кодексининг 83-моддаси 3-бандига асосан оқланди.

Унинг ҳаракатлари Жиноят кодексининг 235-моддаси 3-қисмидан шу модданинг 2-қисми “а”, “в”, “г” бандларига қайта квалификация қилинди. Ш. Рахмонов Жиноят кодексининг 241-1-моддаси 2-қисми “а”, “б” бандлари, 234-моддаси 1-қисми ва 235-моддаси 2-қисми “а”, “в”, “г” бандларида назарда тутилган жиноятларни содир этганликда айбдор деб топилди. Унга ўташ учун узил-кесил 2 йил ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 6 йил озодликдан маҳрум қилиш жазоси тайинланди.

  • А. Тожиноров (Чироқчи тумани ИИО ФМБ 4-сонли ИИБ профилактика инспектори лавозимида ишлаган) Жиноят кодексининг 104-моддаси 3-қисмининг “д” банди билан айбсиз деб топилиб, Жиноят-процессуал кодексининг 83-моддаси 3-бандига асосан оқланди.

Унинг ҳаракатлари Жиноят кодексининг 235-моддаси 3-қисмидан шу модданинг 2-қисми “а”, “в”, “г” бандларига қайта квалификация қилинди. А. Тожиноров Жиноят кодексининг 234-моддаси 1-қисми ва 235-моддаси 2-қисми “а”, “в”, “г” бандларида назарда тутилган жиноятларни содир этганликда айбдор деб топилди. Унга ўташ учун узил-кесил 2 йил ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 5 йил 6 ой озодликдан маҳрум қилиш жазоси тайинланди.

  • Б. Ғайратов (Чироқчи тумани ИИО ФМБ 4-сонли ИИБ жиноят қидирув гуруҳи тезкор вакили лавозимида ишлаган) Жиноят кодексининг 241-1-моддаси 2-қисми “а”, “б” бандлари ва 209-моддаси (мансаб сохтакорлиги) 2-қисми “а” бандида назарда тутилган жиноятларни содир этганликда айбдор деб топилди. Унга ўташ учун узил-кесил 2 йил ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 4 йил озодликни чеклаш жазоси тайинланди.

Мазкур жиноий иш бўйича судга раислик қилувчи томонидан судланувчиларга ва бошқа томонларга ҳукм устидан шикоят қилиш тартиби ва муддати тушунтирилди.

194
Здание Генеральной прокуратуры Узбекистана

Паркент ҳокимлиги харид қилган “Captiva” юзасидан Бош прокуратурага сўров юборилди

86
Коррупцияга қарши курашиш агентлиги Паркент тумани ҳокимлиги “Captiva” автомобилини 260 млн сўмга сотиб олгани тўғрисидаги хабарларга эътибор қаратди.

ТОШКЕНТ, 21 сен — Sputnik. Коррупцияга қарши курашиш агентлиги Тошкент вилояти Паркент тумани ҳокимлиги томонидан “Captiva” русумли автомобиль сотиб олингани тўғрисидаги хабар юзасидан Бош прокуратурага сўровнома юборди. Бу ҳақда агентлик матбуот хизмати хабар қилмоқда.

Куни кеча ОАВ ва ижтимоий тармоқларда Тошкент вилояти Паркент тумани ҳокимлиги томонидан “Mega Karer” МЧЖдан “Captiva” автомобили 260 млн сўмга сотиб олингани тўғрисида хабарлар тарқалган эди. Хабарда сотувчи ва сотиб олувчи мансабдор шахснинг яқин қариндошлик алоқаларига алоҳида урғу берилган.   

Тошкент вилояти ҳокимлиги ахборот хизматининг маълум қилишича, ҳақиқатдан ҳам Паркент тумани ҳокимлиги “Captiva” харид қилган ва воситачи корхона таъсисчиларидан бири туман ҳокимининг ўғли эканлигини тасдиқлаган.

“Юқоридаги ҳаракатларда давлат ҳокимияти вакилининг ўз мансабидан фойдаланган ҳолда коррупцияга йўл қўйиш аломатлари мавжудлигини инобатга олиб, Коррупцияга қарши курашиш агентлиги мазкур ҳолат юзасидан терговга қадар текширув ўтказишни сўраб Ўзбекистон Республикаси Бош прокуратурасига сўровнома юборди”, - дейилган хабарда.

Хабарда ҳолат юзасидан ОАВ ва кенг жамоатчиликка батафсил маълумот берилиши қўшимча қилинган.

86
Пробирки с биоматериалом

Бирйўла 10 ҳудудда коронавирус аниқланди

22
Ўтган тун давомида 232 та янги коронавирус билан касалланиш ҳолати қайд этилди. Наманган вилоятида яна энг кўп касалланиш аниқланган.

ТОШКЕНТ, 22 сен — Sputnik. Ўзбекистонда ўтган тун давомида 232 янги коронавирус билан касалланиш қайд этилди. Жами касалланганлар сони 52 491 нафарга етди. Бу ҳақда Соғлиқни сақлаш вазирлиги хабар қилмоқда.

Янги касалланганларнинг 78 нафари Наманган вилоятида, 61 нафари Тошкент шаҳрида, 19 нафари Тошкент вилоятида, 16 нафари Андижон вилоятида, 12 нафари Жиззах вилоятида, 11 нафари Сурхондарё вилоятида, 10 нафари Қашқадарё вилоятида, 9 нафари Қорақалпоғистон Республикасида, яна 9 нафари Самарқанд вилоятида ҳамда 7 нафари Хоразм вилоятида фуқаролар орасида аниқланган.

Шу билан бирга, 2 нафар коронавирусга чалинган бемор (эркак ва аёл) вафот этди. Жами қурбонлар сони 440 нафарни ташкил этмоқда.

Шу пайтга қадар 48 606 нафар коронавирус инфекциясига чалинган фуқаролар (93 фоиз) соғайган.

Ҳозирда мамлакатда 3 445 нафар бемор даволанмоқда. Улардан 536 нафари оғир, 283 нафари эса ўта оғир аҳволда.

22
Теглар:
коронавирус, Ўзбекистон
Мавзу:
COVID-19 умумжаҳон пандемияси