Сотрудники УВД г. Чирчик изъяли 5,7 кг марихуанны

Иш жойида марихуана қовураётган спорт мактаби қоровули қўлга олинди

209
(Янгиланган 19:53 09.09.2020)
“Болалар ва ўсмирлар спорт мактаби” қоровули гиёҳвандлик моддасини истеъмол қилиш учун танишини иш жойига чақирган. Унинг хонасидан соф оғирлиги 5,7 кг марихуана мусодара қилинган.

ТОШКЕНТ, 9 сен — Sputnik. Тошкент вилояти Чирчиқ шаҳрида иш вақтида гиёҳвандлик моддасини истеъмол қилмоқчи бўлган шахслар ушланди. Бу ҳақда ИИВ ҳузуридаги Тергов департаменти хабар қилмоқда.

2020 йилнинг 05 сентябрь куни соат 23:30 да ИИБ ва Миллий гвардия ходимлари Ўзбекистон кўчасида тунги хизматни олиб бораётган вақтларида “Болалар ва ўсмирлар спорт мактаби” биносидан ўзига хос ҳид таралаётганлигини билиб, текшириш мақсадида бино хонасига киришган.

Сотрудники УВД г. Чирчик изъяли 5,7 кг марихуанны
Следственный департамент при МВД Республики Узбекистан
Сотрудники УВД г. Чирчик изъяли 5,7 кг марихуанны

Хонада мактаб қоровули бўлиб ишловчи 38 ёшли Т.Б. ва унинг 29 ёшли таниши Д.О.лар электр плитаси ёрдамида ошхона қозонида ўзига хос модда қовураётганликлари аниқлашган.

Сотрудники УВД г. Чирчик изъяли 5,7 кг марихуанны
Следственный департамент при МВД Республики Узбекистан
Сотрудники УВД г. Чирчик изъяли 5,7 кг марихуанны

Мазкур хабар асосида тергов-тезкор гуруҳи томонидан ҳодиса жойини кўздан кечириш давомида, хонада бўлган телевизор коробкаси ва ёғоч фанера устидаги ёйиб қўйилган яшил рангдаги, ўзига хос ҳидли модда, 4 дона гугурт қутиси ва 2 дона 0.5 литр ҳажмдаги банкаларда қуритилган модда ҳамда чекиш учун махсус мослама аниқланган. Улар ашёвий далил тариқасида расмийлаштириб олинган.

Судга оид кимёвий экспертиза хулосасига қўра, Т.Б. дан олинган ўсимлик марихуана ва соф оғирлиги жами 5,7 кг.

Бундан ташқари ҳодиса жойидан олинган икки дона баклажкалар, 1 дона шиша идиш ва қопқоқ (ангишвона)да гиёҳванд модда, тетрогидроканнабинол юқлари мавжудлиги аниқланган.

Сотрудники УВД г. Чирчик изъяли 5,7 кг марихуанны
Следственный департамент при МВД Республики Узбекистан
Сотрудники УВД г. Чирчик изъяли 5,7 кг марихуанны

Мазкур ҳолат юзасидан Жиноят кодексининг 276-моддаси 2-қисми “а” банди билан жиноят иши қўзғатилган.

Ҳозирда Т.Б. жиноят ишида гумон қилинувчи тариқасида иштирок этишга жалб қилиниб, процессуал тартибда ушланган.

Хабарда тергов жараёнида ҳар иккала фуқаронинг хатти-ҳаракатларига ҳуқуқий баҳо берилиши таъминланиши қўшимча қилинган.

209
Узбекские милиционеры рядом с патрульной машиной

Қашқадарёда мактаб директори ўз жонига қасд қилди. У вафотидан олдин хат ёзиб қолдирган

298
Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган

ТОШКЕНТ, 18 сен - Sputnik. Бош прокуратура матбуот-хизмати ижтимоий тармоқларда тарқалган Қашқадарё вилоятида мактаб директори ўз жонига қасд қилганлиги, вафотидан олдин хат ёзиб қолдирганлиги ҳақидаги хабарлар юзасидан расмий баёнот эълон қилди.

Мактубда келтирилишича, директор суиқасд олдидан хат ёзган ва унда барча ҳамкасбларидан коррупцияга йўл қўймасликни ўтиниб сўраган.

"Ҳозирда мазкур ҳолат юзасидан Китоб тумани прокуратураси томонидан терговга қадар текширув ҳаракатлари олиб борилмоқда", - дейилади Бош прокуратура хабарида.

Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган.

Ҳозирда туман халқ таълими, ички ишлар бўлимлари ҳамда махалла ва оилани қўллаб-қувватлаш маркази туман бўлимининг мутасадди ходимлари ҳаракатлари юзасидан хизмат текширувлари тайинланган.

Текшириш ҳаракатлари давом этмоқда.

298
Милиция

Трактор ва юк машинаси тўқнашуви оқибатида бир аёл ва чақалоқ ҳалок бўлди

142
"Hyundai porter" автомашинаси ҳайдовчиси Тошкент шаҳри йўналишига қараб ҳаракатланиб бориб, ўзи билан бир йўналишда чапга қайрилиш учун тўхтаб турган "Т-28" русумли тракторнинг тиркамасига келиб урилган

ТОШКЕНТ, 18 сен - Sputnik. Тошкент вилоятида трактор ва юк машинаси иштирокидаги ЙТҲ содир бўлди. Икки нафар қурбонлар бор, деб хабар қилмоқда ИИВ Тергов департаменти.

Хабарга кўра, ҳодиса Тошкент вилояти Оҳангарон тумани ҳудудидан ўтган М-39 "Гулистон-Бўка-Ангрен-Қўқон-Андижон-Ош" автомобиль йўлининг 153-километрида Ангрен шаҳри йўналишида содир бўлган.

"Hyundai porter" автомашинаси ҳайдовчиси Тошкент шаҳри йўналишига қараб ҳаракатланиб бориб, ўзи билан бир йўналишда чапга қайрилиш учун тўхтаб турган "Т-28" русумли тракторнинг тиркамасига келиб урилган.

Натижада "Hyundai porter" автомашинаси ҳайдовчисининг аёли тан жароҳатлари олиб  ходиса жойида, вояга етмаган 5 ойлик қизи Охангарон туман марказий шифохонасининг қабул бўлимига олиб келинган вақтда вафот этган.

Бундан аварияда юк машинаси ҳайдовчисининг ўғиллари 12 ёшли Б.Б., 10 ёшли У.Б. ва 7 ёшли Х.Б.,лар турли даражадаги тан жароҳатлари билан, туман марказий шифохонасига ётқизилган. 

Мазкур ҳолат юзасидан Оҳангарон тумани ИИБ ҳузуридаги Тергов бўлими томонидан Жиноят кодексининг 266-моддаси 3-қисми “а” банди (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган бўлиб, ҳозирда жиноят иши вилоят ИИББ ҳузуридаги Тергов бошқармаси иш юритувига олинган.

Тергов ҳаракатлари давом эттирилмоқда.

142