“Тошкентда рэперлар ўртасида ишкал” деб номланган видео бўйича расмий маълумот берилди

© Sputnik / Табылды КадырбековМужчина показывает разбитый кулак, архивное фото
Мужчина показывает разбитый кулак, архивное фото - Sputnik Ўзбекистон
Oбуна бўлиш
Интернетда Тошкентда бир гуруҳ ёшлар иштирокидаги жанжал акс этган видео тарқалди. Видеода айримларининг қўлида пичоқ ва электрошокер борлигини кўриш мумкин.

ТОШКЕНТ, 28 сен — Sputnik. Тошкент шаҳар ИИББ интернет тармоқларида тарқалган “Тошкентда рэперлар ўртасида ишкал” деб номланган видео бўйича расмий маълумот берди.  

Аниқланишича, ушбу ҳолат жорий йилнинг 26 сентябрь куни соат 15.30 ларда Юнусобод туманидаги “Зарафшон” савдо-кўнгилочар маркази ёнида содир бўлган. 

Яқин ўртада хизмат олиб бораётган ички ишлар органлари ходимлари жанжални кўриб, зудлик билан ҳодиса жойига етиб борган, бироқ жанжал иштирокчилари ички ишлар органлари ходимларини кўриб қочиб кетишган. 

Ҳозирда ҳолат юзасидан терговга қадар текширув ҳаракатлари олиб борилиб, жанжал иштирокчиларининг шахсига аниқлик киритилмоқда.

Таъкидланишича, мазкур ҳолат Тошкент шаҳар ИИББ раҳбарияти томонидан назоратга олинган ва текширув якуни бўйича қўшимча маълумот берилади.

Янгиликлар лентаси
0