Силуэт человека с ножом в руке

Бухорода 32 йил аввал содир этилган қотиллик фош этилди видео

513
1988 йилнинг 5 октябрь куни содир этилган қотиллик жинояти фош этилди. Жиноятчи қотиллик пайтида 26 ёшда бўлган. Эркак аёлнинг уйига киргач, унга жинсий алоқа қилишни таклиф этган. Аёл эса бу таклифни рад этган ва ўртада жанжал юзага келган.

ТОШКЕНТ, 8 окт — Sputnik. Бухоро вилоятининг Бухоро шаҳрида 1988 йилнинг 5 октябрь куни содир этилган қотиллик жинояти фош этилди. Бу ҳақда Бухоро вилояти ИИБ ахборот хизмати хабар берди.

Аниқланишича, ушбу жиноятни 1962 йилда туғилган фуқаро М.Б. содир этган. У қотиллик содир этилган пайтда 26 ёшда бўлган.

Жинояти фош бўлган фуқаронинг айтишича, у қотиллик қурбони бўлган, 1933 йилда туғилган аёлнинг уйига аёлнинг таклифи билан кирган. Эркак аёлнинг уйига киргач, унга жинсий алоқа қилишни таклиф этган. Аёл эса бу таклифни рад этган ва ўртада жанжал юзага келган. Жанжал вақтида эркак жаҳл устида аёлнинг қорин ва кўкрак қисмларига 3-4 марта пичоқ урган.

Бу жиноятдан кейин М.Б. яна уч марта қасддан содир этилган жиноятлар учун судланган. У 1993 йилда эски таҳрирдаги Жиноят кодексининг 15-81-моддаси (Қасддан оғир тан жароҳати етказиш), 1996 йилда Жиноят кодексининг 169-моддаси 2-қисми (Ўғрилик), 2005 йилда 169-модданинг 1-қисми (Ўғрилик) билан айбланган.

Маълум бўлишича, М.Б. қотиллик содир этиш билан бирга, аёлнинг уйидаги бир нечта тилла тақинчоқни ўғирлаб кетган ва жиноят жойида унинг бармоқ излари қолган.

Ромитан туманида яшовчи фуқаронинг 32 йил аввал содир этган жиноятини фош этишда унинг ҳодиса жойида қолдирилган бармоқ излари ёрдам берди. Бухоро вилоят ИИБ Эксперт-кириминалистика бўлими томонидан 2020 йилнинг сентябрь ойида автоматлаштирилган дактилоскопик идентификацион тизим орқали бармоқ излари текширилган. Ўтказилган криминалистик ўрганишлар бармоқ излари фуқаро М.Б.га тегишли экани ойдинлашган.

Бухоро шаҳар прокуратураси ушбу жиноят иши бўйича тергов ҳаракатларини қайта тиклади. М.Б. билан олиб борилган тезкор-тергов ҳаракатлари давомида фуқаро содир этган жиноятига тўлиқ иқрорлигини айтган.

Тергов ҳаракатлари олиб борилмоқда.

513
Женщина держит за руку ребенка

Сурхондарёда учинчи синф боласи қишлоқдоши томонидан зўрланди

617
Педофил 7 йилга озодликдан маҳрум этилган. Онаизор "педофилга бу муддат кам, у қисқа фурсатда қамоқдан чиқиб келса, бизга яна зулм ўтказиши мумкин", деган ҳавотирда суд ҳукмидан норозилигини айтмоқда

ТОШКЕНТ, 31 окт - Sputnik. Сурхондарё вилояти Шўрчи туманида 11 ёшли ўғил бола қишлоқдоши томонидан зўрланган.

Мудҳиш ҳодиса жорий йил июнь ойида содир бўлган ва унга боланинг онаси ва қишлоқдош эркак ўртасидаги можаро сабаб бўлганлиги тахмин қилинмоқда. Аёл ёлғиз она.

Онанинг айтишича, ҳодиса юз беришидан бир ой аввал аёл ва унинг бир қишлоқдоши ўртасида маиший сабабларга кўра, келишмовчилик юз берган. Ўшанда эркак аёлга қарата: "Ҳали шошмай тур, бир умр юзингни ерга қаратаман", дея дағдаға қилган.

Орадан бир ой ўтиб, дағдаға қилган эркакнинг амаки укаси - ёши тахминан 25 ёшларда бўлган йигит аёлнинг 3-синф ўғлини мактаб ҳожатхонасига судраб олиб кириб, зўрлаган.

Бола уйига йиғлаб келгач, ўғлининг ануси қонаб ётганини кўрган она зудлик билан касалхонага мурожаат қилган. Болага биринчи тиббий ёрдам кўрсатилган, аммо у шифохонада олиб қолинмаган.

Аёлнинг айтишича, ҳозирда мактаб ўқувчиси жойида ўтира олмай қолган ва бир оёғи оқсайди, умуртқа қисми оғрийди.

Педофилияда гумонланаётган йигит устидан суд октябр ойида бўлиб ўтган. Мактаб ўқувчисини зўрлаган йигитни суд 7 йилга озодликдан маҳрум қилган.

Жабрдийданинг онаси чиқарилган ҳукмдан норози. Аёл "педофилга бу муддат кам, у қисқа фурсатда қамоқдан чиқиб келса, бизга яна зулм ўтказиши мумкин", деган ҳавотирда.

617
Медицинские работники везут на каталке пациентку, доставленную бригадой скорой медицинской помощи, в здание карантинного центра в Коммунарке

Навоийда икки ўсмир ис газидан заҳарланиб вафот этди

120
Ўзбекистонда ҳаво ҳарорати пасайиши билан аҳоли орасида ис газидан заҳарланиш билан боғлиқ бахтсиз ҳодисалар қайд этилади. Бу каби ҳодисаларнинг келиб чиқишига асосан иситиш печлари ва буғ қозонлари дудбўронларининг носозлиги сабаб бўлмоқда.

ТОШКЕНТ, 31 окт - Sputnik. Навоий вилояти Навбаҳор туманида икки нафар вояга етмаган ака-ука ис газидан заҳарланиб вафот этди, деб хабар қилади Бош прокуратура матбуот-хизмати.

Ака-укалар коллеж талабаси бўлишган. Бахтсиз ҳодисага уйнинг ётоқхонасига ўрнатилган газ печидан сизиб чиққан ис гази сабаб бўлган. Мазкур ҳолат юзасидан туман прокуратураси томонидан терговга қадар текширув ҳаракатлари ўтказилмоқда.

Ўзбекистонда ҳаво ҳарорати пасайиши билан аҳоли орасида ис газидан заҳарланиш билан боғлиқ бахтсиз ҳодисалар қайд этилади. Бу каби ҳодисаларнинг келиб чиқишига асосан иситиш печлари ва буғ қозонлари дудбўронларининг носозлиги сабаб бўлмоқда.

Хусусан, жорий йилнинг 22 октябр куни Хоразм вилоятининг Янгиариқ тумани Остона қишлоғида иситиш қозони дудбўрони ичига ёз пайтида қушлар ин қуриши унинг носозлигига олиб келган. Натижада табиий газни чала ёниши кузатилиб, 4 нафар фуқаролар (хонадон соҳиби, унинг турмуш ўртоғи ва 2 нафар фарзанди) нинг ҳаётдан бевақт кўз юмишига сабаб бўлган.

28 октябр куни ҳам Фарғона вилояти Қўқон шаҳрида жойлашган кўп қаватли уйдаги хонадонларидан бирига ўрнатилган буғ қозонининг дудбўрони қозондан ажралиб қолганлиги сабабли, хонадон ичида ис гази тўпланишига олиб келган. Натижада хонадон соҳиби ва 2 нафар оила аъзолари ис газидан заҳарланиб вафот этишган.

Ўзбекистон ФВВ фуқаролардан куз-қиш мавсумида иситиш печлари ва қозонларидан фойдаланишдан аввал дудбўронларнинг созлигига алоҳида эътибор беришни сўрайди.

120

Марказий Осиё ҳаётсиз чўлга айланиши мумкин - тадқиқот

506
Олимларнинг аниқлашларича, гарчи илгари ушбу минтақа доимо кўкаламзор бўлган, деб ҳисошган бўлсаларда, аммо миллионлаб йиллар олдин Марказий Осиё улкан саҳродан иборат бўлган.

ТОШКЕНТ, 31 окт — Sputnik. Олимлар Марказий Осиё (МО) жонсиз саҳрога айланиши мумкин, дея айтишмоқда, деб ёзади "Популярная механика" нашри.

Олимларнинг аниқлашларича, 34 миллион йил олдин иқлимнинг кескин ўзгариши минтақада экологик фалокатга олиб келган. Бу воқеа минтақанинг биологик хилма-хиллигини бир умрга ўзгартирган. Мўғулистон, Тибет ва Шимоли-Ғарбий Хитой озгина ўсимликлар ўсадиган кенг қурғоқ чўлларга айланган. Бу замин қарийб 20 миллион йил давомида шу ҳолатда бўлган. Тадқиқот муаллифларининг таъкидлашларича, худди шу сценарий тез орада такрорланиши мумкин.

Осиёдаги қазилма чангни ўрганиб чиққан олимлар, миллионлаб йиллар давомида Марказий Осиё саҳродан иборат бўлгани, бу ерда асосан майда кемирувчилар яшаган, деган хулосага келишди.

Илгари бу минтақа деярли ҳар доим ўрмонзор билан қопланган, ва фақат вақт ўтиши билан бу ерда бир нечта чўллар пайдо бўлган, дея ҳисобланар эди. Бироқ, янги тадқиқот муаллифларининг фикрича, минтақанинг ҳозирги ҳолати - бу акс-ҳаракатлар, яъни қурғоқ саҳролар ўсимлик билан қопланиши натижасидир.

Олинган натижалар минтақадаги биохилма-хиллик, қишлоқ хўжалиги ва инсон фаровонлиги келажаги учун жиддий оқибатлар тўғрисида маълумот бермоқда. Ўтмишдаги фактлар шуни кўрсатмоқдаки, агар чўллар кўпайишда давом этса, Марказий Осиё ҳеч қачон илк чўлланишдан олдин мавжуд бўлган ноёб биологик хилма-хиллигини тиклай олмайди", - дея изоҳ беради тадқиқот иши етакчи муаллифи Наташа Барболини.

Ушбу тадқиқотлар Иқлим ўзгариши бўйича ҳукуматлараро кенгашнинг Марказий Осиё тезда сайёрадаги энг иссиқ ва энг қуруқ жойларидан бирига айланиб бораётганлигини кўрсатадиган прогнозларига мос келади, дея таъкидланган "Популярная механика" нашрида.

Тадқиқот ҳаммуаллифи Карина Хорн дейдики, қачонлардир доминантлик қилган айрим ўсимликлар минтақада ҳали ҳам бор, аммо улар жуда камёбдир. Бу шундан далолат берадики, иқлимнинг тезликда ўзгариши популяциянинг ортга қайтмас ўзгаришига олиб келиши мумкинлигига ишора қилади, деб ҳисоблайди аёл.

506