Хабаровскда Су-34 ҳалокатга учради

343
(Янгиланган 16:38 21.10.2020)
Россия кўп мақсадли самолёти қулаши оқибатида ҳеч ким жароҳатланмади, учувчилар катапульта ёрдамида омон қолишди.

ТОШКЕНТ, 21 окт — Sputnik. Хабаровск ўлкасида ўқув машғулотлар вақтида Су-34 самолёти ҳалокатга учради. Бу ҳақида РИА Новости Шарқий ҳарбий округ матбуот хизматига асосан хабар қилмоқда. 

"Учувчилар катапульта қилишган улгурган. Ҳозир улар база аэродромда, уларнинг соғлиғига ҳеч нарса таҳдид солаётгани йўқ", - дейилган расмий хабарда. 

Маълум бўлишича ўқув парвози жанговар аслаҳаларсиз амалга оширилган, самолёт портлаш оқибатида ҳавода тўлиқ ёниб кетган. Самолёт қулаб тушган ерда ҳеч қандай вайронгарчилик содир бўлмаган. 

Дастлабки маълумотларга кўра, самолёт фожеасига олиб келган сабаб унинг техник носозлиги бўлган. 

Маълумот учун Су-34 — россиянинг кўп мақсадли қирувчи-бомбардимончи самолёти бўлиб у товуш тезлигидан тез уча олади. Самолёт ҳаво ва ердаги нишонларга зарба бериши мумкин. Келажакда Су-24 самолётларини тўлиқ алмаштириш керак. 

343
Сотрудник МЧС

Тошкент вилоятида газ портлаши оқибатида икки киши қурбон бўлди

53
Дастлабки маълумотларга кўра, газ-ҳаво аралашмаси чақнаши оқибатида уйнинг бир қисми қулаб тушган ва хонадон соҳиблари вайроналар остида қолган.

ТОШКЕНТ, 30 ноя — Sputnik. Тошкент вилояти Янгийўл туманидаги уйда газ портлаши оқибатида икки киши ҳаётдан кўз юмди.

Фавқулодда вазиятлар вазирлигининг хабар қилишича,  30 ноябрь куни соат 7:42 тумандаги Истиқлол кўчаси, “Қирариқ” МФЙ да жойлашган уйлардан бирида газ-ҳаво аралашмаси чақнаши оқибатида ёнғин келиб чиқган.

Бирламчи маълумотларга кўра, чақнаш натижасида уйнинг бир қисми қулаб тушган ва хонадон соҳиблари вайроналар остида қолган. Турар-жойнинг зарар етган қисмидан 1984 й.т. И.С., 1987 йилда туғилган И.Н., 2006 йилда туғилган И.Р. ва 2009 йилда туғилган И.С. олиб чиқилиб, тиббиёт муассасасига юборилган.

“Чақнаш оқибатида 1984 й.т. И.С., 2006 йилда туғилган И.Р. вафот этган бўлиб, 1987 йилда туғилган И.Н. ва 2009 йилда туғилган И.С. турли даражада тан жароҳатлари олган”, - дейилган хабарда.

Чақнашнинг асосий сабаби сифатида табиий газдан фойдаланиш қоидаларининг бузилиши тахмин қилинмоқда.

Тошкент вилояти ҳокимлиги, вилоят ИИБ, ФВБ, ССБ ва тегишли идораларнинг куч ва воситаларини жалб қилинган бўлиб, фавқулодда вазият оқибатларини бартараф этиш чоралари кўрилмоқда.

ФВВ газ ва иситиш мосламаларидан фойдаланиш қоидаларига риоя қилишни сўраган.

53
Теглар:
газ портлаши, Тошкент вилояти
Горящий автомобиль. Иллюстративное фото

Тошкентда “Малибу” дарахтга бориб урилиб, ёниб кетди

417
(Янгиланган 17:11 29.11.2020)
Абдулла Қодирий кўчасидаги “Рамада” меҳмонхонаси яқинида “Малибу” автомобили дарахтга бориб урилди. “Малибу” ҳайдовчиси ва унинг йўловчиси қутқариб қолинди.

ТОШКЕНТ, 29 ноя — Sputnik. Тошкентда “Малибу” иштирокида йўл-транспорт ҳодисаси юз берди.

Пойтахт ИИББ матбуот хизмати хабарига кўра, ҳодиса 28-ноябрдан 29-ноябрга ўтар кечаси соат тахминан 3:40 ларда Абдулла Қодирий кўчасидаги “Рамада” меҳмонхонаси яқинида рўй берган.

Дастлабки маълумотларга кўра, “Малибу” ҳайдовчиси бошқарувни йўқотиб, машина дарахтга урилган. Автоуловда 33 ёшли Н.Ф. ҳам бўлган.

Ўша пайтда ушбу йўналишда ҳаракатланаётган ва автоҳалокатга гувоҳ бўлган ҳайдовчилар “Малибу” ҳайдовчиси ва унинг йўловчисини қутқариб қолишган ҳамда воқеа гувоҳларидан бири жабрланганларни ўз машинасида касалхонага олиб борган. Уларнинг аҳволи қониқарли деб баҳоланмоқда.

Тушение пожара
© Sputnik / Наталья Горшкова

Воқеа жойида фуқаро З.С. ва Н.Ф. лар автомобилдан чиқарилганидан сўнг, “Малибу” мотор бўлинмасида ёнғин содир бўлган. Бу ҳақда гувоҳлардан бири “101” тез ёрдам рақами орқали хабар берган.

Ёнғин ҳақида соат 03:30 ларда ФВБга хабар берилган. Ёнғин хавфсизлиги ходимлари соат 03:54 да ёнғин тўлиқ бартараф этган.       

Ҳозирда автоҳалокат юзасидан суриштирув ишлари олиб борилмоқда.

Хабарда таъкидланишича, айни пайтда Интернет тармоқларида воқеа видеолавҳаси тарқалмоқда.

“Видео муаллифи вазиятни тўлиқ тушунмай, афтидан, жамоатчилик ўртасида норозилик келтириб чиқариш, ҳуқуқни муҳофаза қилиш идораларини салбий томондан кўрсатиш мақсадида, форма кийган одамларга асоссиз даъволар билан мурожаат қилган. Шу билан бирга, видеонинг таглавҳасида форма кийган одамлар гўёки Ўзбекистон Республикаси Миллий гвардиясининг ҳарбий хизматчилари эканлиги айтилган. Аслида эса, уяли телефон камерасининг объективига яқин атрофдаги  “Локомотив” паркининг қўриқчилари тушиб қолишган”, - дейилган хабарда.

417
Теглар:
ёнғин, ЙТҲ, Тошкент
Джо Байден во время выступления в Уилмингтоне, США

Байден йиқилиб, оёғини синдириб олди

14
(Янгиланган 12:44 30.11.2020)
АҚШ президентлигига номзод Жо Байден тойиб кетиш оқибатида оёғини шикастлади. Томография унинг оёғи икки жойидан дарз кетганини кўрсатди.

ТОШКЕНТ, 30 ноя — Sputnik. АҚШ президентлигига номзод Жо Байден тойиб кетиш оқибатида оёғини шикастлади.

Компьютер томографияси Жо Байденнинг оёғи икки жойидан дарз кетганини кўрсатди. Эҳтимол демократ бир неча ҳафта давомида махсус оёқ кийимда юришга тўғри келади.

Ўтган шанба куни Жо Байден ити Мейжор билан ўйнаётганда тойиб кетди, шундан сўнг шифокор кўригидан ўтишга тўғри келди.  

Дастлаб ортопед суяк синганини  аниқламаганди, фақат мушакларнинг чўзилиши ташхисини қўйди, аммо сиёсатчини қўшимча кўрикдан ўтиш учун юборилди. Қайта кўрикда унинг оёқ панжаси қисмида синиш жароҳатлари борлиги аниқланди.

АҚШда президент сайлови 3 ноябр куни бўлиб ўтди. Дастлабки маълумотларга кўра, Байден зарур бўлган 270 овоздан 306 та сайлашга вакил қилинган кишининг овозини олди. Амалдаги президент Дональд Трамп ҳали мағлубиятини тан олгани йўқ ва баъзи штатларда судлашмоқда.

АҚШ президенти Дональд Трамп Twitter’да ўз рақибига тезроқ соғайиб кетишни тилади.

14