Руки в наручниках.

Ўзбекистонда қотилликда гумонланаётган шахс Қирғизистонда қўлга олинди

472
(Янгиланган 20:40 24.12.2020)
Қирғизистонда ҳибсга олинган эркак Ўзбекистон ҳудудида 1995 йилда қотиллик содир этганлик гумони билан халқаро қидирувда бўлган.

ТОШКЕНТ, 24 дек — Sputnik. Қирғизистонда 43 ёшли чет эл фуқароси қўлга олинди. У халқаро қидирувда бўлган ва Ўзбекистон ҳудудида қотилликда гумонланмоқда. Бу ҳақда Қирғизистон ИИВ матбуот хизмати хабар қилмоқда.

Милицияга Чуй вилоятида истиқомат қилувчи фуқаро “Ҳизб ут-Таҳрир ал-Исломий”* диний экстремистик гуруҳининг фаол аъзоси бўла туриб, ушбу ташкилот ғояларини тарғиб этаётгани ҳақида маълумот келиб тушган. Текширув натижасида бу маълумот тасдиқланган.

“Д.Р. исмли эркак Қирғизистонга Ўзбекистондан келган. У республика ҳудудида сохта паспорт билан бўлган. Шунингдек, Д.Р. Ўзбекистон ҳудудида 1995 йилда қотиллик содир этганлик гумони билан халқаро қидирувда бўлгани аниқланган”, - дейилган хабарда.

Ҳозирда у ҳибсга олинган. Қирғизистон ЖКнинг тегишли моддалари билан жиноий иш очилиб, тергов ҳаракатлари олиб борилмоқда.

Фарғона вилоятида бир гуруҳ “Ҳизб ут-Таҳрир”* аъзолари ушланди

* Қатор давлатларда, жумладан, Ўзбекистонда тақиқланган террорчилик ташкилоти

472
Теглар:
Ўзбекистон, қамоқ, қотиллик, “Ҳизб ут-Таҳрир”, Қирғизистон

Сурхондарёда ҳаракатлаётган поездга келиб урилган “Дамас” ҳайдовчиси вафот этди

29
“Дамас” автомобили светофорнинг қизил чироғига қарамай, темир йўл кесишмасидан ўтмоқчи бўлган Кейин йўловчи поезднинг ён томонига урилган.

ТОШКЕНТ, 24 янв — Sputnik. Сурхондарё вилоятидаги Тангимуш ва Оқжар станциялари оралиғидаги темир йўл кесишмасида йўл-транспорт ҳодисаси юз берди. Бу ҳақда ИИВ Транспортда хавфсизликни таъминлаш бош бошқармаси хабар қилди.

ДТП с участием 5 машин в Учтепинском районе Ташкента
Пресс-служба ГУБДД МВД Узбекистана

“Дамас” автомобили светофорнинг қизил чироғига қарамай, темир йўл кесишмасидан ўтмоқчи бўлган ва “Тошкент-Термиз” йўналиши бўйлаб ҳаракатланиб келаётган 080 йўловчи поездининг ён томонига урилган.

ЙТҲ натижасида автомашина ҳайдовчиси 25 ёшли С.Х. олган жароҳатлари туфайли касалхонага етказилган. Бироқ унга кўрсатилган тиббий муолажаларга қарамайдан ҳайдовчи вафот этган.

Поезд воқеа жойида 13 дақиқа туриб, ҳаракатини давом эттирди. Поезд йўловчилари орасида қурбонлар ва жароҳат олганлар йўқ.  

29

Портлаш содир бўлган Янги-Ангрен ИЭС цех раҳбари ўз жонига қасд қилди

387
Йигирманчи январь куни ИЭСда юз берган фавқулодда ҳолат натижасида уч киши ҳалок бўлган, яна бир нечтаси жабрланган. Цех раҳбари терговга жалб этилган эди

ТОШКЕНТ, 23 янв — Sputnik. 20 январ куни портлаш содир бўлган Янги-Ангрен ИЭС цех раҳбари Тошкент вилоятида, уйида ўз жонига қасд қилди. Эслатиб ўтамиз, ИЭСдаги фавқулодда ҳолат туфайли уч ишчи ҳалок бўлган ва бир нечтаси жабрланган эди.

Цех раҳбарининг суиъқасд содир этгани ҳақидаги хабарни Sputnik Ўзбекистон мухбирига Энергетика вазирлиги матбуот-хизмати тасдиқлади.

Сал аввал тергов тадбирлари давомида юз берган воқеа факти юзасидан ИЭС цех раҳбари ҳам суриштирув ишларига жалб этилгани, у терговга чақиртирилгани ҳақида хабар берилган эди.

Эслатиб ўтамиз, 20 январ Янги-Ангрен ИЭС қозон агрегатида кўмир-кукуни ҳаво аралашмасининг чақнаши натижасида “Востокэнерготеплоизоляция” АЖнинг 3 нафар ходими олинган жароҳатлар натижасида вафот этган.

Уларнинг оила аъзоларига дафн маросимини ўтказиш учун 20-21 январь кунлари 4 миллион 866 минг сўмдан биринчи моддий ёрдам кўрсатилган.

Шунингдек, 22 январь куни Янги-Ангрен ИЭС томонидан вафот этганларнинг оила аъзоларига қўшимча равишда 105 миллион сўмдан моддий ёрдам кўрсатилди.

387