Жиззахда олтин қазиб олмоқчи бўлган кишиларни тош босиб қолди 

468
(Янгиланган 10:20 31.01.2021)
Жиззахда чуқур шахтадан қўлбола усулда олтин қазиб олмоқчи бўлган фуқароларни тош босиб қолди. Икки киши вафот этди.

ТОШКЕНТ, 29 янв - Sputnik. Жиззах вилоятида тоғ остидан олтин қазиб олмоқчи бўлган 2 кишини босиб қолди, деб хабар қилмоқда ИИВ. 

Воқеа 26 январь куни Ғаллаорол туманининг Булоқбоши қишлоғида содир бўлган. Ушбу жойда яшовчи 4  нафар фуқаро ҳудуддаги тоғдан ноқонуний равишда олтинли рудани қазиб олмоқчи бўлишади. Ушбу мақсадда улар яқин атрофдаги тоғ бағрида чуқурлиги 12-15 метр бўлган қўлбола шахта ковлашади.

Ноқонуний руда қазиб олиш вақтида фуқароларни тош босиб қолади. Оқибатда 2 нафар фуқаро воқеа жойида вафот этган яна 2 киши турли даражадаги тан жароҳатлари билан туман тиббиёт бирлашмасининг жонлантириш бўлимига ётқизилган.

Воқеадан сўнг, Жиззах вилояти ички ишлар бошқармаси ходимлари ва маҳалла фаоллари ва нуронийлар иштирокида муҳокама уюштирди. Муҳокамада фуқароларга ноқонуний фаолият оқибатлари, фойдали қазилмаларни лицензиясиз қазиб олиш учун жавобгарлик ва бошқа масалалар тушунтириб берилди.

Пресс-служба УВД Джизакской области
Четверых человек, занимавшихся незаконной добычей золота на горе в Галляаральском районе Джизакской области, завалило камнями

Маълумот учун, ушбу ҳудудда 2017 йилдан шу кунга қадар ноқонуний равишда таркибида қимматбаҳо олтин зарралари бор бўлиши мумкин бўлган руда тошларни талон-тарож қилганлик ҳолати бўйича бир неча фуқаролар жавобгарликка тортилган.

Пресс-служба УВД Джизакской области
Четверых человек, занимавшихся незаконной добычей золота на горе в Галляаральском районе Джизакской области, завалило камнями
468
Тушение пожара

Самарқанд вилоятидаги ресторанлардан бирида ёнғин юз берди

32
Бинонинг тахминан 200 кв.м. майдони ёнғиндан зарарланган. Ёнғиндан жабрланган ва қурбонлар йўқлиги айтилмоқда.

ТОШКЕНТ, 7 мар — Sputnik. Самарқанд вилояти Каттақўрғон туманидаги “Омонбой” маҳалласида жойлашган ресторанда ёнғин содир бўлди. Бу ҳақда Фавқулодда вазиятлар вазирлиги матбуот хизмати хабар қилмоқда.

Хабар қилинишича, ёнғин, бугун, 7 март куни тахминан соат 11:00 ларда содир бўлган.

ФВВ вилоят бошқармасининг ёнғин-қутқарув гуруҳи воқеа жойига етиб келган. Бирламчи маълумотларга кўра, ҳодиса оқибатида бинонинг тахминан 200 кв.м. майдони ёнғиндан зарарланган.

Қутқарувчиларнинг тезкор ҳаракатлари натижасида ёнғин қисқа вақт ичида тўлиқ бартараф этилган.

Содир бўлган ҳолатда жабрланган ва қурбонлар йўқ.

Эслатиб ўтамиз, аввалроқ Тошкент шаҳри Чилонзор туманидаги “Шовотландия” кафесига қасддан ўт қўйган шахс қўлга олингани хабар қилинган эди. Ёнғин натижасида мазкур кафеда ишлаган ва яшаган беш киши ҳалок бўлган.

32
Теглар:
ФВВ, ёнғин, Самарқанд вилояти

Қорақалпоғистонда беш киши ис газидан заҳарланиб ўлди

60
Қорақалпоғистоннинг Тўрткўл тумнида бир оиланинг 4 аъзоси ва меҳмон ис газидан заҳарланиб вафот этди. Улар орасида вояга етмаганлар ҳам бор.

ТОШКЕНТ, 7 мар — Sputnik. Қорақалпоғистоннинг Тўрткўл тумнида бир оиланинг 4 аъзоси ва меҳмон ис газидан заҳарланиб, ҳаётдан кўз юмди. Бу ҳақда республика прокуратураси матбуот хизмати хабар қилмоқда.

Ҳодиса ҳақидаги хабар 2021 йил 6 март куни соат 11:30 ларда туман ИИБга келиб тушган. “Янгиобод” МФЙда яшовчи фуқаро И.У.(эркак) ва унинг қизлари Р.С. (2003 йилда туғилган), Р.А. (2010 йилда туғилган) ва ўғли Р.М. (2005 йилда туғилган) ҳамда ушбу хонадонга меҳмонга келган А.Ш. хонадонда ўрнатилган иситиш печидан сизиб чиққан ис газидан заҳарланиб, вафот этган.

Ушбу ҳолат юзасидан Тўрткўл туман прокуратураси томонидан Жиноят кодексининг 259-моддаси 2-қисми “а, б” бандлари (Одам ўлишига, бошқа оғир оқибатлар келиб чиқишига сабаб бўлган ёнғин хавфсизлиги қоидаларини бузиш) билан жиноят иши қўзғатилган.

Туман ИИБ дастлабки тергов ҳаракатларини олиб бормоқда.

Эслатиб ўтамиз, аввалроқ Хоразм вилоятининг Шовот туманидаги чойхонада уч киши ис газидан заҳарланиб вафот этгани хабар қилинган эди.

60
Попрошайки в Ташкенте

Тошкент ва бошқа шаҳарларда тиланчилар сони кўпайиб кетган Сенат

6
Сенат қўмитаси аҳоли ҳаракати гавжум бўлган кўчалар, хиёбонлар, бозорлар, автотранспорт воситаларини вақтинча сақлаш жойлари ва чорраҳаларда тиланчилар кўпайганини маълум қилди.

ТОШКЕНТ, 7 мар — Sputnik. 4 март куни Олий Мажлис Сенати Мудофаа ва ҳавфсизлик масалалари қўмитаси 3 февраль куни ИИВга юборилган мурожаат жавобини кўриб чиқди. Унда республиканинг барча ҳудудларида, хусусан, Тошкент шаҳрида тиланчилик қилувчи шахслар сони кўпайиб кетишининг олдини олиш бўйича зарур чора-тадбирлар кўриш сўралган эди.

Сенаторлар сўнгги пайтларда аҳоли ҳаракати гавжум бўлган кўчалар, хиёбонлар, бозорлар ва уларга туташ ҳудудлардаги автотранспорт воситаларини вақтинча сақлаш жойлари ҳамда чорраҳаларда тиланчилик қилиб келаётган шахслар кўплаб учраётганини таъкидлашди.

“Бу эса, ўз навбатида, тиланчи шахслар томонидан фуқароларнинг юришига қўймай, автомобил йўлларида эса транспорт воситалари ҳаракатланишига хавф туғдириб қатъий туриб садақа сўраши кишининг таъбини хира қилиши табиий. Бундай нохуш ҳолатлар аҳоли кайфиятига салбий таъсир этиб, уларнинг ҳақли эътирозларига сабаб бўлмоқда”, - дейилган хабарда.

Мамлакат қонунчилигида айнан тиланчилик қилганлик учун маъмурий ва жиноий жавобгарлик масаласи белгиланган бўлса-да, ушбу норманинг ҳаётда қатъий ишламаётгани бундай шахсларнинг кундан кун кўпайиб боришига замин бўлмоқда, деб ҳисоблашади сенаторлар.

ИИВ патруль-пост, йўл патруль хизмати ҳамда ҳуқуқбузарликлар профилактикаси ходимлари кўрсатилган жойларда тегишли топшириқлар асосида чора-тадбирларни амалга ошираётганини маълум қилган.

Натижада январь ва февраль ойининг 20 кунлик даврида тиланчилик билан шуғулланиб юрган 131 нафар шахсларга нисбатан маъмурий баённома расмийлаштирилиб, уларга нисбатан 8 млн. сўмга яқин жарима жазоси белгиланган. 1 нафар ҳуқуқбузарга нисбатан эса маъмурий қамоқ жазоси тайинланган.

6
Теглар:
сенат