Консервированные помидоры

Самарқанд вилоятида 5 киши консервадан заҳарланди

226
Тиббий суриштирув давомида бемор қишлоқдоши А.Т. хонадонида бир кун олдин беш нафар киши билан палов ва уй шароитида тайёрланган консерва (мариновка) истеъмол қилганлиги аниқланади.

ТОШКЕНТ, 12 фев — Sputnik. Булунғур тумани тиббиёт бирлашмаси қабул бўлимига 7 февраль куни туманнинг “Мингтепа” маҳалласида яшовчи 2001 йилда туғилган И.Э. тез тиббий ёрдам машинасида олиб келинди. Тиббий текширувлардан сўнг унга ботулизм ташхиси қўйилди.

Тиббий суриштирув давомида бемор қишлоқдоши А.Т. хонадонида бир кун олдин беш нафар киши билан палов ва уй шароитида тайёрланган консерва (мариновка) истеъмол қилганлиги аниқланади.

Тезкор тадбир давомида тез тиббий ёрдам машинасида А.Т., унинг турмуш ўртоғи Г.Т., ўғли Ш.Т ва қўшниси Б.Б.лар шифохонага олиб келинди.

Интенсив даво муолажалари ҳамда ботулизмга қарши зардоб берилишига қарамасдан И.Э.нинг аҳволи оғирлашиб, 8 февраль куни тунги соат 03:30 да оламдан ўтди.

Консервадан заҳарланган тўрт бемор реанимация постида стационар шароитда даволанмоқда.

Бемор Ш.Т. аҳволи оғирлигича қолмоқда. У сунъий нафас олиш аппарати ёрдамида муолажа олмоқда.

А.Т., Г.Т. ва Б.Б.ларнинг умумий аҳволи ўрта оғир.

226
Тушение пожара

Самарқанд вилоятидаги ресторанлардан бирида ёнғин юз берди

277
Бинонинг тахминан 200 кв.м. майдони ёнғиндан зарарланган. Ёнғиндан жабрланган ва қурбонлар йўқлиги айтилмоқда.

ТОШКЕНТ, 7 мар — Sputnik. Самарқанд вилояти Каттақўрғон туманидаги “Омонбой” маҳалласида жойлашган ресторанда ёнғин содир бўлди. Бу ҳақда Фавқулодда вазиятлар вазирлиги матбуот хизмати хабар қилмоқда.

Хабар қилинишича, ёнғин, бугун, 7 март куни тахминан соат 11:00 ларда содир бўлган.

ФВВ вилоят бошқармасининг ёнғин-қутқарув гуруҳи воқеа жойига етиб келган. Бирламчи маълумотларга кўра, ҳодиса оқибатида бинонинг тахминан 200 кв.м. майдони ёнғиндан зарарланган.

Қутқарувчиларнинг тезкор ҳаракатлари натижасида ёнғин қисқа вақт ичида тўлиқ бартараф этилган.

Содир бўлган ҳолатда жабрланган ва қурбонлар йўқ.

Эслатиб ўтамиз, аввалроқ Тошкент шаҳри Чилонзор туманидаги “Шовотландия” кафесига қасддан ўт қўйган шахс қўлга олингани хабар қилинган эди. Ёнғин натижасида мазкур кафеда ишлаган ва яшаган беш киши ҳалок бўлган.

277
Теглар:
ФВВ, ёнғин, Самарқанд вилояти, Ҳодисалар

Қорақалпоғистонда беш киши ис газидан заҳарланиб ўлди

170
Қорақалпоғистоннинг Тўрткўл тумнида бир оиланинг 4 аъзоси ва меҳмон ис газидан заҳарланиб вафот этди. Улар орасида вояга етмаганлар ҳам бор.

ТОШКЕНТ, 7 мар — Sputnik. Қорақалпоғистоннинг Тўрткўл тумнида бир оиланинг 4 аъзоси ва меҳмон ис газидан заҳарланиб, ҳаётдан кўз юмди. Бу ҳақда республика прокуратураси матбуот хизмати хабар қилмоқда.

Ҳодиса ҳақидаги хабар 2021 йил 6 март куни соат 11:30 ларда туман ИИБга келиб тушган. “Янгиобод” МФЙда яшовчи фуқаро И.У.(эркак) ва унинг қизлари Р.С. (2003 йилда туғилган), Р.А. (2010 йилда туғилган) ва ўғли Р.М. (2005 йилда туғилган) ҳамда ушбу хонадонга меҳмонга келган А.Ш. хонадонда ўрнатилган иситиш печидан сизиб чиққан ис газидан заҳарланиб, вафот этган.

Ушбу ҳолат юзасидан Тўрткўл туман прокуратураси томонидан Жиноят кодексининг 259-моддаси 2-қисми “а, б” бандлари (Одам ўлишига, бошқа оғир оқибатлар келиб чиқишига сабаб бўлган ёнғин хавфсизлиги қоидаларини бузиш) билан жиноят иши қўзғатилган.

Туман ИИБ дастлабки тергов ҳаракатларини олиб бормоқда.

Эслатиб ўтамиз, аввалроқ Хоразм вилоятининг Шовот туманидаги чойхонада уч киши ис газидан заҳарланиб вафот этгани хабар қилинган эди.

170
Теглар:
Ҳодисалар
Флакон с вакциной Pfizer/BioNTech

Pfizer Японияда уч кунда саккиз кишида анафилаксияни келтириб чиқарди

0
0
Теглар:
вакцина