Пандемия пул ўтказмаларини қанчага камайтиради?

443
(Янгиланган 19:26 29.04.2020)
Жаҳон банки прогнозига кўра COVID-19 пандемияси туфайли халқаро пул ўтказмалари миқдори ўртача 20%га камаяди. 
© Sputnik /

Пул ўтказмалари камайиши биринчи навбатда Европа ва Марказий Осиё ҳудудида кутилдмоқда - 27%, ундан сўнг Африкада  жанубида - 23%, Жанубий Осиёда - 22%, Яқин Шарқ, Шимолий Африка ва Лотин Америкасида - 19% ва Тинч океани ҳудудида - 13%.

Ушбу камайиш биринчи навбатда меҳнат мигрантлари даромадлари камайиши ва уларнинг иш ўринларини йўқотишлари билан боғлиқ, чунки қабул қилиувчи мамлакатларда иш берувчилар биринчи навбатда меҳнат мигрантларидан иборат ходимларни қисқартиради.

Пул ўтказмалари – ривожланаётган мамлакатлар учун жуда муҳим даромад манбаидир. COVID-19 туфайли содир бўлаётган бугунги иқтисодий рецессия мигрантларнинг уйларига пул ўтказиш имкониятини чеклайди ва ва ривожланаётган мамлакатлар иқтисодиётининг тикланишини кечиктиради, - деди Жаҳон банки гуруҳи президенти Дэвид Малпасс.

Эслатиб ўтамиз, 2019 йилда халқаро пул ўтказмалари миқдори рекорд натижа қайд этган эди. Шунингдек ўтган йилда ўртача даромад миқдори кам бўлган мамлакатларга халқаро пул ўтказмалари миқдори биринчи марта тўғридан тўғри хорижий инвестициялардан ҳам ошиб кетган эди. 

443

ЕОИИми ёки ЖСТ - сўров натижаси

719
(Янгиланган 20:02 22.05.2020)
Иқтисодий тадқиқотлар ва ислоҳотлар маркази томонидан ўтказилган - Ўзбекистоннинг ЕОИИ ва ЖСТга эҳтимолий аъзо бўлиши таъсирини баҳолаш мавзусидаги сўров натижалари.
© Sputnik /

Яқинда президент администрацияси ҳузуридаги Иқтисодий тадқиқотлар ва ислоҳотлар маркази фуқаролар ўртасида “Ўзбекистоннинг ЕОИИ ва ЖСТга эҳтимолий аъзо бўлиши таъсирини баҳолаш” бўйича аноним сўров ўтказган эди.

Унда Ўзбекистон аҳолисининг 74% ЕОИИга қўшилиш тарафдори, ҳамда 78 % аҳоли Жаҳон савдо ташкилотига аъзо бўлишини қўллаб-қувватлаган.

Тадқиқотчилар, олимлар, давлат хизматчилари, хусусий сектор вакиллари, ўқитувчи ва талабалар қатнашган сўровнома иштирокчиларига тақдим этилган сўровнома 10 саволдан иборат бўлиб, у хориж тажрибаси бўйича ишлаб чиқилди. Сўровномада барча ҳудудлардан 1300 дан ортиқ иштирокчи фаол ва аниқ жавоблари билан қатнашди.

Тадқиқот Жиззах, Сурхондарё ва Хоразм вилоятлари респондентлари ЕОИИга қўшилишни энг кўп (90 фоиздан ортиқ) қўллаб-қувватлашини кўрсатди.

Интеграцион бирлашмага қўшилишга қарши бўлганларнинг улуши Андижон вилоятида 32 фоиз, Тошкент шаҳрида 26 фоиз, Фарғона вилоятида эса 21 фоизни ташкил этди.

Сўров натижалари билан батафсил инфографикамизда танишинг. 

719

Россияда "Меҳр" фонди иш бошлади

203
Россиядаги ўзбекистонликларга моддий ёрдам кўрсатувчи "Мехр" жамғармаси иш бошлади ва 2 кун ичида 200дан ортиқ ёрдамга муҳтож кишиларга пул ажратди. 
© Sputnik /

Россиядаги ўзбекистонликларга моддий ёрдам кўрсатувчи "Мехр" жамғармаси иш бошлади.Жамғарма ҳомийси Алишер Усмонов, жамғарма фаолияти Ўзбекистоннинг Россиядаги элчихонаси томонидан олиб борилади. 

Бир марталик ёрдам пулининг миқдори 12 130 рубл бўлиб, у ногиронларга, қарамоғида 2 ёки ундан ортиқ бола ёки ҳомиладор бўлган аёлларга, талаба ва коронавирус ташҳиси қўйилган фуқароларга ажратилади. Молиявий ёрдамни олиш учунюқоридаги ҳолатларни тасдиқловчи маълумотнома тақдим этилиши керак. 

Молиявий ёрдамни олиш учун элчихона томонидан ўзбек ва рус тилларида махсус ишга туширилган “Мехр.рф”  электрон портали орқали мурожаат юбориш лозим.

"Меҳр" жамғармаси қандай ишлаши ҳақида батафсил инфографикамизда танишинг. 

203

Миллий гвардия ходимлари “Хайр, мактабим” қўшиғини жуда таъсирли ижро этишди видео

0
Бугун мактаб ўқувчилари, айниқса, мактаб қалдирғочлари деб аталувчи битирувчилар учун ўзгача кун. Бугун битирувчилар қалбини ларзага солиб, “Хайр, мактабим” қўшиғи янграйдиган кун.

Бу йил коронавирус пандемияси сабабли мактабларда катта шодиёна билан нишонланадиган “Сўнгги қўнғироқ” тадбирлари ойлайн ўтказилди. Миллий гвардия ходимлари бу йилги мактаб битирувчиларини хушнуд этиш ва табриклашга ошиқишди.

Улар ҳам севимли, ҳам қайғули саналмиш “Хайр, мактабим” қўшиғини янгича талқинда битирувчиларга арғумон этишди. Ушбу қўшиқ ҳар бир битирувчининг кўзларини ёшга тўлдиради, десак, асло муболаға бўлмас.

Миллий гвардия ходимлари томонидан ижро этилган қўшиқни тинглаб, улар истеъдодига баҳо беринг!

0