Ўзбекистонда меҳнат мигранти бўлиш осонми?

270
Ўзбекистон президенти Шавкат Мирзиёев “Хавфсиз, тартибли ва қонуний меҳнат миграцияси тизимини жорий этиш чора-тадбирлари тўғрисида”ги қарорини имзолади.
Меҳнат миграция тизимини ташкил қилиш чоралари

2021 йил 1 январдан бошлаб ташкиллаштирилган ҳолда хорижда меҳнат фаолиятини амалга ошириш – ўзини ўзи банд қилган шахслар шуғулланиши мумкин бўлган фаолият турларига тенглаштирилади ҳамда ушбу шахсларга ўзини ўзи банд қилганлар учун белгиланган солиқларни тўлаш ҳамда пенсия миқдорини ҳисоблаш тартиби қўлланилади.

Хорижга меҳнат фаолиятини ошириш мақсадида юборилаётган фуқаролар кетишидан олдин мажбурий тартибда касб-ҳунар ва тил ўргатилади.  “Ишга марҳамат” мономарказлари, шаҳар, туман ва маҳалла касб ҳунарга ўқитиш марказлари очилади.

Миграцияни ташкил қилиш бўйича янги чоралар ҳақида батафсил инфографикамизда танишингиз мумкин.

270

"Тотал диктант" акцияси қандай ўтди

43
(Янгиланган 18:08 23.10.2020)
Диктант матни Андрей Герсимовнинг “Per aspera” ҳикояси асосида тузилган бўлиб коинотшунос олим Циолковскийга бағишланган. 
© Sputnik

Бу йил умумжаҳон пандемиясига қарамасдан Ўзбекистон ва яна 9та хорижий давлатларда рус тилидан анъанавий "Тотал диктант" акцияси бўлиб ўтди. 

Унда Ўзбекистон бўйича жами 470 киши иштирок этди. Диктант Тошкент, Нукус ва Наманган шаҳарларида бўлиб ўтди. Диктант матнини таниқли актёр Рустам Сагдуллаев ўқиб берди. 

Диктант матни Андрей Герсимовнинг “Per aspera” ҳикояси асосида тузилган бўлиб коинотшунос олим Циолковскийга бағишланган. 

43

Рус тилида қанча ўзбекча сўз бор?

947
(Янгиланган 14:19 22.10.2020)
Инсоният тарихида ҳар бир тил ўзга халқлар тилидан олинган сўзлар ҳисобидан бойиб, ривожланиб келган. Рус тили ҳам бундан истисно эмас.
© Sputnik

Ўзбек тили байрами кунида Sputnik рус тилида туркий ўзакли сўзлар этимолиясини ўрганди. 

Ҳар бир тил асрлар давомида ўсиб, ривожланиб, бойиб келган. Аксарият ҳолларда янги тушунчалар, янги сўзлар қўшни халқлар тилидан олинган. Рус тили ҳам бундан истисно эмас. 5-12 асрларда Россия ҳозирги Туркия ва Эрон ҳудудида яшаган халқлар билан фаол савдо ва маданий алоқаларга эга  бўлган. Бунинг натижасида бир маданиятга мансуб сўзлар иккинчи маданиятга кириб келган ва ўзлаштирилган. 

Бугунги кунда кунда жуда кўп ишлатиладиган штаны, карандаш, лошадь, таможня, деньги ва бошқа сўзлар турк тили орқали кириб келган. Тилшунос олимлар айтишига қараганда рус тилида ўртача 2500га яқин сўз туркий ўзакка эга.

Туркий ўзакка эга бўлган сўзлардан тузилган рус тили алифбоси билан инфографикамизда танишинг. 

947

Ўзбекистон энергетика соҳасига энг илғор тажрибалар жорий этилади - Алишер Султонов

139
Ўзбекистон энергетика соҳаси уч босқичда ислоҳ этилади. Соҳада рақамли технологияларни кенг жорий этиш, инсон капиталига ва "яшил" энергия ишлаб чиқаришга қаратилган чора-тадбирлар ҳам белгилаб олинмоқда, дея қайд этди Энергетика вазири Алишер Султонов

ТОШКЕНТ, 23 окт - Sputnik. Ўзбекистон энергетика секторида энг яхши, замонавий ва илғор тажрибаларни жорий этиш режалаштирилмоқда. Бу ҳақда мамлакат энергетика секторини янада ислоҳ қилишга бағишланган давра суҳбати давомида Энергетика вазири Алишер Султонов маълум қилди, деб хабар бермоқда Sputnik Ўзбекистон мухбири.

Султоновнинг айтишича, Ўзбекистон энергетика секторида муаммоларни аниқлаш ва ислоҳотларни режалаштириш жараёнида Халқаро молия институтлари экспертлари ва обрўли халқаро консалтинг ташкилотлари салмоқли ҳисса қўшиб келмоқдалар.

Хусусан, жорий йил бошидан Жаҳон банки, Осиё тараққиёт банки, Европа тикланиш ва тараққиёт банкининг бевосита кўмаги остида, халқаро экспертлар ва маслаҳатчилар ёрдами билан бизнес юритишнинг халқаро амалиётини жорий этган ҳолда электр энергияси ва нефть-газ тармоқларини янада ислоҳ қилиш бўйича тавсиялар, ва бу тавсияларни амалиётга жорий этиш бўйича аниқ ишлар режаси тайёрланган.

"Белгилаб олинган ислоҳотлардан пировард мақсадимиз - электр энергияси ва табиий газни истеъмолчиларга кафолатли етказиб бериш, энергетика сектори корхоналарининг иқтисодий барқарорлигини ва рақобатбардошлигини таъминлаш, альтернатив ёқилғи турларига ўтишни жорий этиш, электр энергияси ва табиий газ ишлаб чиқаришда ва истеъмолида энергия тежамкорлигини таъминлашдан иборат", - деди Алишер Султонов.

Вазир таъкидига кўра, белгилаб олинган ишларнинг ҳуқуқий асосини таъминлаш мақсадида, биринчи навбатда, норматив-ҳуқуқий ислоҳотлар, корхоналар молиявий барқарорлигини таъминлаш учун бир қатор молиявий ислоҳотлар, нархларнинг эркин шаклланишини ва истеъмолчилар ҳуқуқларини ҳимоя қилишни таъминловчи бозор ислоҳотлари, тармоқ корхоналарини бошқаришда бутунлай янги тизимни назарда тутувчи институционал ва бошқарув ислоҳотлари, давлат улуши юқори бўлган корхоналарда, энг аввало, ташкилот манфаатини назарда тутувчи қарорларнинг қабул қилиниши таъминловчи корпоратив ташкилий ва бошқарув ислоҳотлари амалга оширилиши назарда тутилмоқда.

Шу билан бир қаторда, соҳада рақамли технологияларни кенг жорий этиш, инсон капиталига ва «яшил» энергия ишлаб чиқаришга қаратилган чора-тадбирлар ҳам белгилаб олинмоқда.

 

139