Уйга қўшнилар орқали

546
(Янгиланган 17:55 08.12.2020)
Маълумки, пандемия туфайли киритилган карантин чекловлари ва чегаралар ёпилиши туфайли МДҲ шаҳарлари ўртасида парвозларнинг аксарияти бекор қилинди.
 Меҳнат мигрантлари қандай қилиб арзон чипталар сотиб олишмоқда
© Sputnik

Ушбу вазият Россияда ишлайдиган мигрантлар учун ҳам катта қийинчиликлар туғдирмоқда. Ўз иш мавсумини якунлаб уйига қайтишни истайдиган фуқаролар бу йил авиачипталарни ўтган йилларга нисбатан 2-3 баравар қимматроққа сотиб олишга мажбур бўлишмоқда.

Москва – Самарқанд йўналишида эконом класс авиачипталар 2019 йилда 10-12 минг рублга сотиб олиш мумкин эди. Бугунги кунда эса уларнинг нархи 30-32 минг рублга кўтарилган.

Москва – Душанбе йўналишидаги чипталар одатда 13-14 минг атрофида сотилган. Айни дамда эса ушбу чипталар нархи - 37 200 рублга чиққан.

Албатта, нархлар ошишига ўзига яраша иқтисодий сабаблар ҳам бор. Россияга Ўзбекистон ва Тожикистон фуқаролари кириши чеклангани туфайли авиапарвозлар бир йўналишга бўш учишга мажбур.

Лекин меҳнат мигрантлари ушбу вазиятда ҳам арзонроқ чипта сотиб олиш имконини топишмоқда. Хусусан, Ўзбекистоннинг Фарғона водийсида, Тожикистоннинг Хўжанд шаҳри атрофида истиқомат қиладиган фуқаролар “Москва – Ўш” чипталарини сотиб олиб, Қирғизистон орқали учиб кетишмоқда.

Тожикистон фуқаролари эса Ўзбекистоннинг Самарқанд ёки Термиз шаҳарлари орқали учиб кетишмоқда. Улар учун қўшимча 2000 рубль эвазига ўзбек-тожик чегарагача трансфер ташкил қилинган.

Батафсил Sputnik инфографикасида.

546

Пандемия йили: туғилишлар, ўлимлар ва миграция

139
(Янгиланган 14:40 21.01.2021)
2020 йилда Ўзбекистоннинг асосий демографик кўрсатгичлари - аҳоли сони, туғилишлар ва ўлимлар, келиш-кетиш қандай бўлди?
© Sputnik

2020 йилда ўлимлар сони 2019 йилга нисбатан 13%га ошиши кузатилди. 2019 йилда 154,6 минг киши вафот этган бўлса 2020 йилда 175,6 минг киши вафот этган. 

Ўтган йилда туғилишлар сони ҳам ошган. Республика бўйича 841,8 минг нафар чақалоқ туғилган. Ўтган 201 йил давомида 815 минг нафар чақалоқ туғилган эди. 

Пандемия йилида демография ва миграция қандай бўлгани ҳақида батафсил инфографикамизда танишинг. 

 

139

Ҳарбий куч нимадан иборат?

353
(Янгиланган 18:34 18.01.2021)
Ўзбекистон Қуролли кучларида аскарлар ва ҳарбий техника сони, халқаро ҳамкорлик ва очиқ манбаалардан олинган бошқа маълумотлар.
© Sputnik

Global Firepower Index маълумотига кўра 2021 йилда Ўзбекистон армияси умумжаҳон рейтингида бир поғона юқорига кўтарилиб 51 ўринни эгаллади.

Рейтинг ҳисоблашда, доимий армияда аскарлар ва ҳарбий техника сони, техника замонавийлиги, қўшинлар ҳарбий  тайёргарлиги ва давлатнинг ҳарбий бюджети ҳисобга олинади.

Ўзбекистон Қуроли кучларида Марказий Осий давлатлари, Россия, Хитой, АҚШ ва бошқа давлатлар ҳамкорлик ва биргаликда ўқув-машғулотлари ўтказиш йўлга қўйилган. 

Ундан ташқари республика ичида янги полигонларни ишга тушириш ва мавжудларини янгилаш жадал амалга оширилмоқда. 

Ўзбекистон Қуролли кучларининг қудрати нимадан иборатлиги ҳақида батафсил инфографикамизда танишинг. 

353
узбекский региональный аэропорт

Эрон авиакомпанияси Самарқанд ва Бухорога парвозларни йўлга қўймоқчи

40
Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

ТОШКЕНТ, 22 янв — Sputnik. Zagros Airlines Самарқанд ва Бухорога авиақатновларни йўлга қўймоқчи.

Бугун Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

Транспорт вазири ўринбосари Жасурбек Чориев ва “Zagros Airlines” авиакомпаниясининг Ўзбекистондаги бош вакили Мортеза Шейхассани билан бўлиб ўтган мулоқотда икки давлат ўртасида мунтазам ҳаво қатновларини қайта тиклаш масаласи муҳокама қилинди.

Шунингдек, авиакомпания вакиллари йўналишлар географиясини кенгайтириш, транзит салоҳиятини ривожлантириш ва парвозлар сонини ошириш бўйича қатор таклифларни билдирди. Хусусан, “Zagros Airlines” авиакомпанияси Эроннинг турли шаҳарларидан Самарқанд ва Бухорога авиарейслар қўйиш истагида эканлигини маълум қилди. 

40