Города России. Владивосток

Узоқ Шарқдаги оқсоқоллар: ўзбекистонликлар Владивостокда қандай яшашмоқда

885
Владивостокда ишлайдиган ўзбекистонликлар Наврўзни Русский оролида қандай нишонлашади, бу ҳақда Sputnik мухбирига Приморье ўлкасидаги "Адолат" ўзбеклар ва ўзбекистонликлар жамоат ташкилоти раиси Баҳодир Нураков сўзлаб берди.

ТОШКЕНТ, 24 май — Sputnik, Ксения Набаткина. Приморье ўлкасида 158 миллат вакиллари истиқомат қилишади, бу ердаги муҳожирларнинг 80%и ўзбекистонликлар дейди "Адолат" ўзбеклар ва ўзбекистонликлар жамоат ташкилоти раиси Баҳодир Нураков Sputnik мухбири билан суҳбатда.

- Приморьедаги ўзбекистонликлар нима билан шуғулланишади, қаерда ишлашади?

— Қурилиш, савдо, ишлаб чиқариш соҳаларида меҳнат қилишади. Сўнгги вақтда ватандошларимиз тиббиёт, давлат тизимида ҳам фаолият кўрсатишмоқда. Кимдир ўз бизнесига эга. Кўпчилик, албатта, бу ерга вақтинчага, пул топгани ва кейин Ўзбекистонга қайтиб кетиш учун келади. Айримлар ноқонуний ишлайди, ҳаммада ҳам ҳар ой 4200 рублдан пул тўлаш имкони йўқ.

Ҳозирда Узоқ Шарқ федерал университетида Ўзбекистондан 400дан ортиқ талаба таҳсил олади. Ўқишни битирганидан сўнг айримлар шу ерда қолади, кимдир ординатурага киришга ҳаракат қилади, масалан, Японияга.

- Владивосток ўзбекистонликларни нимаси билан жалб этади?

— Ўзбеклар билан ишлайдиган жамоат ташкилоти раиси сифатида айтишим мумкинки, бу ерда миллатлараро йирик жанжаллар юз бермаган, маҳаллий аҳоли мигрантларга нисбатан яхши муносабатда, шунинг учун кўпчилик шу ерга келади.

- Ташкилотингиз ҳақида сўзлаб берсангиз.

— Бу ерда ҳар бир миллатнинг ўз жамоат ташкилоти бор, нима учун ўзбекларники бўлмаслиги керак. Бунинг устига, улар бу ерда кўпчиликни ташкил этса. Шу боис мана шу ташкилотга асос солишга қарор қилганмиз.

Ташкилот 12 кишидан иборат оқсоқоллар кенгаши томонидан бошқарилади, уларнинг ҳаммаси Ўзбекистондан, фақат ҳозирда Россия фуқароси, 20,30,40 йилдан буён шу ерда яшашади. Ўзимизникиларни қўллаб-қувватлаш учун ҳаммамиз жам бўлдик.

Оқсоқолларимиз турли шаҳарлардан — Бухоро, Самарқанд, Тошкент. Дастлаб тўрт киши эди, кейин мени раис этиб сайлашди. Сўнгра яна бир неча кишини жалб этдик. Уларга ватан ва миллат учун меҳнат қилиш кераклигини айтдик. Оқосоқоллар билан биргаликда йирик масалаларни ҳал қиламиз. Масалан, у ёки бу тадбирни қаерда ташкил этиш, қандай ўтказиш каби. Ватандошлар мурожаатлари билан эса асосан мен ва маслаҳатчиларим ишлашади.

- Кўпинча қандай муаммолар билан мурожаат қилишади?

 Баходир Нураков, председатель общественной организации узбеков и уроженцев Узбекистана Адолат
Баходир Нураков, председатель общественной организации узбеков и уроженцев Узбекистана "Адолат"

— Асосан ҳужжатлар билан боғлиқ муаммолар. Баъзида маиший ёки оилавий муаммоларни ечишда ёрдам беришимизга тўғри келади.

- Сизларни қандай топишади?

— Бу ердаги барча ўзбеклар биз ҳақимизда билишади деб ўйлайман, чунки Приморье ўлкасида ягона бундай ташкилот бизмиз. Беш йил ичида Владивосток марказида офисимиз очилди, қайноқ линия ишлаб турибди. WhatsApp орқали мурожаат қилишади.

- Приморьеда яшайдиган ўзбеклар йиғилиб туришадими?

— Албатта. Шаҳарда бир нечта миллий ошхоналар бор. Тез-тез тўйлар бўлиб туради.

Наврўзни ҳар йили нишонлаймиз, олтинчи маротаба ушбу байрамни ўтказдик. Охирги марта Русский оролида бир ярим минг киши жам бўлди. Палов тайёрлаймиз, концерт уюштирамиз. Ёрдам беришга тайёр фаоллар, тадбиркорлар бор. Шаҳар аҳли ҳатто қўнғироқ қилиб қачон тадбир ўтказилишини сўраб туради.

- Бошқа тадбирларда ҳам қатнашасизларми?

— Кўплаб тадбирларда, жумладан, шаҳар миқёсидаги тадбирларда ҳам иштирок этамиз. Бизнинг миллий либослари ва карнай-сурнайларига эга рақс ва вокал жамоаларимиз бор. Уларни кўпинча мисол учун корейслар ёки украинлар ўз байрамларига таклиф этишади.

Май ойи бошида Уссурийскда катта палов фестивали ўтказилди. Меҳмонлар учун 10та қозонда ош дамланди. Биз тошкентча палов тайёрладик.

Спорт тадбирларида иштирок этамиз. 2014 йилда бизнинг жамоамиз 10та терма жамоа қатнашган миллатлараро футбол мусобақасида биринчи ўринни олган. Баъзан ўзимиз ҳам кураш, футбол бўйича мусобақалар уюштирамиз.

- Ўзбекистонга бориб турасизми? Мамлакатда бўлаётган ўзгаришлар сезиляптими?

— Тошкентга ҳар йили бораман: у ерда қариндош ва дўстларим яшайди. Мамлакатдаги катта ўзгаришларни кўриб турибман, иқтисодиётда кўплаб ислоҳотлар ўтказиляпти. Шавкат Мирзиёев оқилона сиёсат олиб боряпти деб ўйлайман. У бош вазир бўлиб ишлаган, президент этиб сайланганида эса мамлакатдаги вазиятдан жуда яхши хабардор эди, шунинг учун ҳамма ишни тўғри олиб боряпти. Қисқа вақт ичида бунча нарсани ўзгартириш ҳамманинг ҳам қўлидан келавермайди.

- Владивостокда Ўзбекистоннинг Бош консулхонаси очилиши режалаштирилган. Бунга эҳтиёж борми?

— Консулхона жудаям керак. Узоқ Шарқда ўзбекистонликлар кўп, аммо кимдир ҳужжатини йўқотиб қўйса ёки бирор муаммо пайдо бўлса, Москва ёки Новосибирскка боришига тўғри келади, бу эса узоқ йўл дегани.

885
Мигранты на стройке

Россиянинг йирик қурилиш компаниялари қурувчиларни ишга таклиф қилмоқда

743
Ташқи меҳнат миграцияси агентлиги қурувчиларни Россиянинг йирик қурилиш компанияларига ишга таклиф қилмоқда.

ТОШКЕНТ, 15 янв – Sputnik. Ташқи меҳнат миграцияси агентлиги Россиянинг йирик қурилиш компаниялари “ПИК-Индустрия” ва “ТехСтрой”да ишлаш учун қурувчиларни ишга таклиф қилмоқда.

Хабарда айтилишига кўра, ишга монтажчилар, пайвандчилар, ғишт терувчилар, арматурачилар, бетон плиталарини жойлаштириувчилар ва ички пардоз ишлари олиб борувчилар ва бошқа мутахассислар таклиф қилинади.

Ишга жойлашиши учун дастлаб Ўзбекистонда суҳбатдан ўтиш керак. Суҳбатлар 15-31 январ кунлари Фарғона, Урганч ва Самарқанд шаҳарларида бўлиб ўтади. Суҳбат вақтида иш шароитлари, маош миқдори ва бошқа қўшимча маълумотларни олиш мумкин.

Батафсил маълумотни қуйидаги телефон рақамлари орқали (71 202-33-55, 71 200-00-61) ёки  мана бу ердан олиш мумкин. 

Эслатиб ўтамиз, 14 январ куни Бандлик ва меҳнат муносабатлари вазирлигида Россия Федерациясининг йирик қурилиш компаниялари – «ПИК-Индустрия» АЖ ва «ТехСтрой» МЧЖ корхоналари раҳбарият вакилларидан иборат делегацияси билан учрашув бўлиб ўтган эди.

743

Оилали мигрантларни “депорт” қилмаслик таклиф этилди

672
(Янгиланган 20:51 14.01.2021)
Давлат Думасининг назорат ва регламент бўйича қўмитаси томонидан миграция қонунчилигига тегишли ўзгартиришлар киритиш тўғрисида ҳужжат ишлаб чиқилди.

ТОШКЕНТ, 14 янв — Sputnik. Давлат Думасининг Назорат ва регламент қўмитаси депутати Наталья Костенко томонидан миграция қонунчилигига тегишли ўзгартиришлар киритиш тўғрисида ҳужжат ишлаб чиқилди. Унда айтилишича, маъмурий ҳуқуқбузарлик содир этган чет элликлар депортация қилиш ўрнига Россияда қолдириш зарур.

Ҳужжат лойиҳасига кўра, агар мигрантлар Россияда яқин қариндошлари - Россия фуқароси билан бирга яшаса, уларни вақтинча яшаш рухсатномаси, яшаш гувоҳномаси бекор қилинмайди ёки Россияга киришга чеклов қўйилмайди.

Ҳозир қонунчиликка асосан агар чет эл фуқароси жамоат тартиби ва хавфсизлигини бузиш, наркотик моддалар савдоси ёки миграция қоидаларини бузиш билан боғлиқ маъмурий ҳуқуқбузарлик учун йилига икки ёки ундан ортиқ марта жавобгарликка тортилган бўлса, вақтинчалик яшаш учун рухсатнома (РВП) ёки яшаш гувоҳномаси (ВНЖ) бекор қилинади.

Худди шу сабаблар билан чет эл фуқароси Россияга киритилмаслиги мумкин - маъмурий жавобгарликка тортиш тўғрисидаги сўнгги қарор кучга кирган кундан бошлаб беш йил давомида кириш тақиқланади. Масалан, чет эл фуқароси яшаш жойини тасдиқловчи йиллик билдиришномани икки марта топшириш муддатини ўтказиб юборса, РВП бекор қилиниши мумкин. Наталья Костенко таклиф қилган қонун лойиҳасида, бу чораларни яқин қариндоши - мамлакатда доимий яшовчи Россия Федерацияси фуқароси бўлган чет эл фуқаросига нисбатан қўлланмаслик таклиф этилган.

Депутат тушунтиришича, бугунги кунда чет эл фуқаросини Россияда яшаш имкониятидан маҳрум қилганда, унинг бу ерда Россия фуқароларидан иборат оиласи борлиги доим ҳам ҳисобга олинмайди. Натижада мигрант Россияда яқин қариндошлари билан яшаш, болаларни тарбиялаш ва уларни боқиш, мамлакатда ишлаш имкониятидан маҳрум бўлади. 

"Агар киши ҳуқуқбузарлиги натижасида давлатга етказилган зарарни қоплаган бўлса, нега у Россияни тарк этиши, унинг оиласи азоб чекиши керак?", - дейди Костенко.

Унинг сўзларига кўра, ушбу масалалар Ички ишлар вазирлиги вакиллари билан муҳокама қилинган ва улар мигрантга нисбатан оқибатлар ҳар доим ҳам ҳуқуқбузарлик хавфига мос келмаслигини таъкидлаб, ички ишлар органларида бундай вазиятда мос келадиган қарорни қабул қилиш учун етарли воситалар йўқлигига эътибор қаратди.

Қандай ҳуқуқбузарлик қилишига боғлиқ

Давлат Думасининг МДҲ ишлари, Евроосиё интеграцияси ва ватандошлар билан алоқалар қўмитаси раисининг биринчи ўринбосари Виктор Водолацкийнинг фикрига кўра, қонун лойиҳасини диққат билан кўриб чиқиш керак.

У РФда оиласи бўлган бошқа давлат фуқуроларига енгиллик айнан қайси ҳуқуқбузарликлар ҳисобга олиниши муҳимлигини таъкидлади.

"Агар у йўлни нотўғри жойда кесиб ўтиб, жаримага тортилган бўлса, демак, табиийки, уни оиласидан маҳрум қилиш мумкин эмас, аммо у наркотик моддаларни сотган бўлса, демак, унинг мамлакатимизда қиладиган иши йўқ”, - дейди депутат.

672
Теглар:
ИИВ, депорт, депортация, мигрант

Ҳайдовчиликка ўқиётган шахсларнинг давомати онлайн назорат қилиниши мумкин

67
Ўзбекистонда ҳайдовчилик гувоҳномасини олмоқчи бўлганларнинг давомати ва ўқув жараёнини онлайн назорат қилиш йўлга қўйилиши мумкин.

ТОШКЕНТ, 17 янв — Sputnik. 2021 йилда Давлат йўл ҳаракати хавфсизлиги хизмати (ДЙҲХББ) соҳасида амалга қатор истиқболли режалар амалга оширилиши кутилмоқда.

ИИВ Йўл ҳаракати хавфсизлиги бош бошқармаси хабарига кўра, ҳайдовчилик гувоҳномасини олиш учун ўқиётган номзодлар давомати ва ўқув жараёнини онлайн тарзда назорат қилиш тизимини яратиш режалаштирилмоқда. 

Бундан ташқари, 2021 йилда транспорт воситаларини давлат рўйхатидан ўтказишда аризаларни онлайн юбориш ҳам жорий этилиши кутилмоқда. Тўловларни эса тўлиқ биллинг тизимига ўтказиш мўлжалланган. Бу фуқароларнинг сабабсиз кутиб қолишларининг олдини олишга ёрдам бериши айтилмоқда.

Эслатаб ўтамиз, Ўзбекистонда 2021 йил 1 апрелдан тадбиркорлар ҳайдовчилик гувоҳномасини олиш учун имтиҳон ўтказиш ҳуқуқига эга бўлади.

67
Теглар:
Ўзбекистон янгиликлари, ҳайдовчилик гувоҳномаси