Эксперт: Марказий Осиё мигрантлари учун қоидаларни бир хил қилиш вақти келди

© Фото с личной страницы Юрия Крупнова на FacebookПредседатель Наблюдательного совета Института демографии, миграции и регионального развития Юрий Крупнов
Председатель Наблюдательного совета Института демографии, миграции и регионального развития Юрий Крупнов - Sputnik Ўзбекистон
Oбуна бўлиш
Ўзбекистон Россиядан ўз фуқароларининг регистрациясиз юриш муддатини етти кундан 15 кунга узайтиришни сўрамоқда. Демография, миграция ва минтақавий ривожланиш институти Кузатув кенгаши раиси Юрий Крупнов бу борадаги фикрлари билан ўртоқлашди.

Ўзбекистон томони ўз фуқароларининг Россияда рўйхатга олишсиз (регистрация қилинмасдан) бўлиб туриши муддатини етти кундан 15 кунга узайтиришни таклиф сифатида киритди. Бу масала Ҳукуматлараро комиссиясининг Красноярскда ўтказилган меҳнат миграциясини ривожлантириш бўйича йиғилишида муҳокама қилинди.

Посетители в многофункциональном миграционном центре Москвы, архивное фото - Sputnik Ўзбекистон
Ўзбекистон Россияга мигрантларнинг регистрация қилиш муддатини чўзиш бўйича таклиф киритди

Бу борада ўз фикрларини билдирган эксперт Россияда миграцион қонун-қоидаларни бир хил қилиш вақти келган деб ҳисоблади.
“Ўзбекистонликларнинг Россияда бу каби бўлиб туриш тартиби ўзгаришидан аниқ ҳеч ким зарар кўрмайди, кундалик маънода эса мигрантларнинг мослашиши ва кўникиши осонроқ бўлади. Савол ахир виза, патент ва рўйхатдан ўтишда эмас, балки қоидаларнинг умумий интизоми ва тушунчасида. Мен ўйлайманки, Марказий Осиёдан келаётганларни расмийлаштиришга ёндашувни бир хил қилиш вақти келган. Яъне ҳамма учун миграцион қоидаларни бир хил қилиш керак”, - деди Крупнов Sputnik Ўзбекистон радиоэфирида.

Унинг сўзларига кўра, Россия Федерацияси ва Ўзбекистон ўртасидаги миграция соҳасидаги муносабатларни ривожлантириш қўшма келишувлар йўлида, жумладан, йирик компаниялар ва уюшмалар даражасида ташкил этилган ходимларни саралаб олиш орқали ҳаракат қилиши керак. Бу бир вақтнинг ўзида қатор муаммоларни ҳал қилиш имконини берди – ишчи кучини қонунийлаштириш, ундан муайян соҳаларда самарали фойдаланиш.

Аваалроқ россиялик иқтисодчи Россияда меҳнат миграцияси ўсишига фақат қонунлар тўсқинлик қилаётганини маълум қилган эди.

Янгиликлар лентаси
0