Автомобиль скорой медицинской помощи

Самарада 68 нафар Ўзбекистон фуқароси номаълум моддадан заҳарланди

221
Оммавий заҳарланган меҳнат мигрантлари алоҳида бинода яшаган ва ўзлари овқат тайёрлаган.

ТОШКЕНТ, 18 июл – Sputnik. Россиянинг Самара вилоятида жойлашган “Кошелевский посад” корхонасида ишлайдиган 68 нафар Ўзбекистон фуқароси “номаълум моддадан заҳарланиш” ташхиси билан касалхонага ётқизилди, деб хабар қилмоқда ТИВ консуллик департаменти.

“Бош консулхона мазкур корхона ва ҳамюртларимиз даволанаётган тиббиёт муассасалари раҳбарияти билан алоқа ўрнатилган ҳамда вазият назоратга олинган”, - дейилган хабарда.

Иш берувчи корхона ушбу вазият билан боғлиқ бўлган барча молиявий харажатлар ўз ҳисобидан қопланишини маълум қилган. Меҳнат мигрантларининг барчаси қонуний равишда ишлаётгани ва меҳнат шартномасига эга эканлиги айтиб ўтилган.

ТАСС хабарига кўра, айни дамда заҳарланиш сабаблари ўрганилмоқда. Дастлабки маълумотларга кўра, уларнинг барчаси 16-17 июль кунлари енгил ва ўрта заҳарланиш ташҳиси билан шифохонага ётқизилган. Ишчилар Сизран туманида алоҳида бинода яшаган, ўзлари учун овқатни ўзлари тайёрлаган.

Очиқ манбаалардаги маълумотларга кўра, “Кошелевский посад” корхонаси 2001 йилдан буён қишлоқ хўжалик маҳсулотлари етиштириш билан шуғулланади.

221
Иностранные граждане проходят электронное тестирование на знание русского языка

Дин ва миллатидан қатъи назар: Россияда мигрантлар учун ёрдам маркази очилди

225
Марказдан ташқари меҳнат мигрантлар учун ишонч телефони (8-800-550-32-03) ишга тушган. Ушбу рақамларга мигрантлар динлари ва миллатларидан қатъи назар мурожаат қилишлари мумкин.

ТОШКЕНТ, 19 окт — Sputnik. Россияда Мигрантларнинг ҳуқуқини ҳимоя қилувчи ва маданий мослашуви маркази очилмоқда.  Бу ҳақда РИА Новости хабар қилмоқда.

Марказ Россия мусулмонлари уламолар кенгаши ҳузурида ташкил этилган. Марказдан ташқари меҳнат мигрантлар учун ишонч телефони (8-800-550-32-03) ишга тушган. Ушбу рақамларга мигрантлар динлари ва миллатларидан қатъи назар мурожаат қилишлари мумкин.

Россия мусулмонлари уламолар кенгаши раиси Албир Кргановнинг сўзларига кўра, лойиҳа Россиянинг 18 та минтақасида амалга оширилмоқда.

“Бир неча ҳафта ичида кўп тилли Росмигрант.рф сайтини ишга туширамиз. У ерда миграция мавзусига оид маълумотлар бўлади, саволларга через WhatsApp, Viber ёки СМС орқали жавоб олиш мумкин бўлади”, - деди Крганов

У Россияда ноқонуний бўлиб турган мигрантларга Россия қонунчилигини тушунишга, қонунга биноан қонуний бўлишларига ёрдам бериш зарурлигини таъкидлади.

Крганов тез-тез бундай кишилардан фойдаланишлари ва чув туширишларини қўшимча қилди. Унинг сўзларига кўра, хорижликларнинг ўз ҳуқуқларини ҳимоя қилиши қийин.

“Ҳаммамиз бундай кишиларга қандай ёрдам бериш кераклиги ҳақида ўйлаймиз, ахир мақсад жаримага тортиш ёки кишини жўнатиб юбориш эмас, ёрдам беришдир”, - дея режалари билан ўртоқлашди муфтий.

Ўз навбатида Россия мусулмонлари уламолар кенгаши лойиҳани қўллаб-қувватлаган нотижорат ташкилотлар, элчихоналар, ИИВ билан ҳамкорлик қилади.

Буларнинг барчаси экстремизм ва жиноятчиликнинг олдини олишга, миллатлараро ва динлараро муносабатларни мустаҳкамлашга ва русийзабон муҳитда мигрантларнинг маданий мослашишига кўмак беради.

225

Москвада мигрантлар етишмаслиги муаммоси юзага келди

1296
Москва мэри Сергей Собяниннинг сўзларига кўра, пойтахтда меҳнат мигрантлари сони 40 фоизга қисқарди. Улар ишини қилишга ҳар қандай москвалик тайёр эмас.

ТОШКЕНТ, 18 окт — Sputnik. Бу йил Москвада меҳнат мигрантлари сони 40 фоизга қисқарди. Бу ҳақда Москва мэри Сергей Собянин “Россия-1” телеканалига берган интервьюсида маълум қилди.

“Москвада мигрантлар анча кам бўлгани билан боғлиқ муаммо бор. 40 фоизча, алоҳида ҳисоб-китобларга кўра”, - деди Собянин.

У мигрантлар сони камайиши Москвада меҳнат бозорига, айниқса, уй-жой коммунал хизмат кўрсатиш соҳасига таъсир кўрсатишини таъкидлади.

“Бу қўл меҳнати, бу белкурак, супурги ва лом. Ҳар қандай москвалик ҳам бундай ишларда ишлашга тайёр эмас. Лекин аста-секинлик билан барибир бу масалани ҳам ҳал қиляпмиз, жуда кўп механизация бор. Бошқа минтақалардан одамларни жалб қиляпмиз”, - дея қўшимча қилди Собянин.

Эслатиб ўтамиз, аввалроқ иқтисодий сиёсат масалалари бўйича Москва мэрининг ўринбосари Владимир Ефимов шаҳар ҳукумати пандемиядан кейин шаҳарда меҳнат мигрантлари камайганини қайд этганини маълум қилган эди.

Россия март ойи охиридан бошлаб коронавирус пандемияси сабаб бошқа мамлакатлар билан мунтазам ва чартер авиақатновларни тўхтатиб қўйган. Шунингдек, парвозлар ҳозирча қайта тикланмаган мамлакат фуқароларининг мамлакатга кириши чекланган. Марказий Осиё мамлакатларидан Россия фақат Қирғизистон ва Қозоғистон билан мунтазам парвозларни тиклаган.

1296

Ўткир тишли вирус, ниқоб ва шифокорлар: турли мамлакатлардаги граффитлар сара суратлар

0
Жорий йилда коронавирус пандемияси санъатнинг ажралмас қисмига айланди десак, асло муболаға бўлмайди.

Коронавирус ҳаётимизга шунчалик жиддий кириб келдики, ниқоб таққан кишилар ва вируслар 2020 йилда санъатнинг ажралмас қисмига айланди.

Дунёнинг турли бурчакларида шифокорлар, коронавирус ва пандемияга бағишланган граффитлар пайдо бўлди.

Sputnik жамланмасида сара суратлар.

0
  • © REUTERS / Piroschka van de Wouw

    Амстердамда Голландия ҳукумати томонидан эълон қилинган янги ижтимоий чекловлардан сўнг ниқоб кийган одам Халқаро кўча санъати музейида санъат асарига қараб турибди.

  • © AP Photo / Mosa'ab Elshamy

    Ниқоб таққан аёл Мароккода ниқоб таққан Мона Лиза граффити олдида.

  • © REUTERS / John Sibley

    Лондон марказида граффити қаршисида турган аёл.

  • © AFP 2018 / Vladimir Zivojinovic / STR

    Сербияда рассомлар граффит чизмоқда.

  • © AP Photo / Binsar Bakkara

    Индонезияда ниқоб тақиш зарурлигини эслатувчи граффит.

  • © AFP 2018 / Mohammed Abed

    Фаластинда болакай ўткир тишли вирус олдидан ўтиб кетяпти

  • © AFP 2018 / Juni Kriswanto

    Ява оролида ҳароратни ўлчаётган киши тасвирланган граффит.

  • © REUTERS / Edgard Garrido

    Мексикада тиббиёт ходимларига бағишланган граффит.

  • © AP Photo / Luca Bruno

    Италиядаги ҳамшира граффити.

  • © AFP 2018 / Oli Scarff

    Манчестерда одамлар тиббиёт ходими граффити қаршисида. Буюк Британия.