Выдача первых патентов в Едином миграционном центре Московской области

ФХХ Россияга келган мигрантлар сонини очиқлади Ўзбекистон етакчи

512
ФХХ ҳисоботига кўра, 2019 йилнинг биринчи ярим йиллигида Россияга 2,4 млн хорижлик ишлаш мақсадида келган. Улардан энг кўпини Ўзбекистон фуқаролари ташкил қилади.

ТОШКЕНТ, 16 авг - Sputnik. Россия Федерал хавфсизлик хизматининг чегара хизмати 2019 йилнинг биринчи ярим йиллигида мамлакатга ишлаш мақсадида келган чет эл фуқаролари сонини маълум қилди.

ФХХ ҳисоботига кўра, биринчи ярим йилликда Россияга 2,4 млн нафар хорижий фуқаро ишлаш мақсадида келган.

Ишлаш мақсадида келганларнинг аксариятини МДҲ мамлакатлари фуқаролари ташкил этади. Улар орасида Ўзбекистон етакчи - Россияга олти ой ичида 918 минг нафар ўзбекистонлик ишлаш учун келган. Тожикистон 523,9 минг киши билан иккинчи ўринда қайд этилган. Биринчи учликка Қирғизистон 265 минг киши билан киритилган. Кейинги ўринларда Украина (164,6 минг киши) ва Қозоғистон (105,3 минг киши) кўрсатилган.

Қайд этилишича, бу маълумотлар унчалик аниқ ҳам бўлмаслиги мумкин, чунки мигрантлар Россия йилига бир неча марта келишади ва ҳар сафар янгидан рўйхатдан ўтишади.

Эслатиб ўтамиз, аввалроқ Ўзбекистон Бандлик ва меҳнат муносабатлари вазирлиги биринчи ярим йилликда Ўзбекистонда ишсизлик даражаси ўтган йилнинг мос даври кўрсатгичига қараганда 0,2 фоизга камайиб, иқтисодий фаол ёшдаги аҳолининг 9,1 фоизини ташкил қилганини маълум қилган эди. Шунингдек, чет элга меҳнат миграциясига кетган шахслар сони 2018 йил мос даври билан қиёслаганда 1,9 фоизга камайган.

512
Контрольно-пропускной пункт на границе Казахстана

Яна 280 нафарга яқин Ўзбекистон фуқаролари рус-қозоқ чегарасида тўпланди

234
(Янгиланган 19:34 25.05.2020)
ТИВ Россия ҳудудида бўлиб турган Ўзбекистон фуқароларидан Россия-Қозоғистон давлатлараро чегарасини кесиб ўтиш нуқталарига боришга уринмасликларини сўрамоқда.

ТОШКЕНТ, 25 май — Sputnik. Аввал огоҳлантирилганликларига қарамасдан Қозоғистон ҳудуди орқали ватанга қайтиш истагида бўлган Ўзбекистон фуқаролари Россия-Қозоғистон чегараси яқинида Самара вилоятида тўпланишда давом этмоқда.

ТИВ матбуот хизмати 18 ва 19 май кунлари Россия-Қозоғистон чегараси орқали ватандошларнинг Ўзбекистонга олиб кетилиши истисно тариқасида ва дипломатик ваколатхоналарнинг аввалдан шакллантирган рўйхати асносида Россия ва Қозоғистон томонлари билан келишилган ҳолда амалга оширилганини эслатиб ўтган. Таъкидланишича, қўшимча рўйхатлар тузилиши кўзда тутилмаган.

Хабарда ёзилишича, огоҳлантиришларга қарамай, яна 280 нафарга яқин фуқаролар Россия-Қозоғистон чегараси олдида тўпланган.

Ўзбекистоннинг Қозон шаҳридаги бош консуллиги маълумотига кўра, Самара вилояти Ҳукумати ушбу фуқароларни саноат объектларида иш, ётоқ жой ва озиқ-овқат билан таъминлашга тайёрлигини билдирган.

Аммо тўпланганлардан фақат 25 таси ушбу таклифни қабул қилган бўлса, қолганлари ҳамон Большая Черниговка тумани ҳудудида қолмоқда.

Ишга жойлашишни истамаган ва чегара яқинида қолаётганлардан ўзларининг вақтинча/доимий яшаш жойларига қайтишлари ҳамда чартер рейсларини кутишлари сўралган.

“Россия ҳудудида бўлиб турган Ўзбекистон фуқароларидан Россия-Қозоғистон давлатлараро чегарасини кесиб ўтиш нуқталарига боришга уринмасликларини, яшаш жойларида қолишларини ва карантин чораларига қатъий амал қилишларини сўраймиз”, - дейилган хабарда.

Эслатиб ўтамиз, аввалроқ Шавкат Мирзиёев топшириғига биноан Россия-Қозоғистон давлатлараро чегарасида тўпланган жами 1100 нафар Ўзбекистон фуқаролари истисно тариқасида ватанга олиб келинган эди. ТИВ қўшимча рўйхат тузиш кўзда тутилмагани ва фуқаролардан чегарасини кесиб ўтиш пунктларига боришга уринмасликлари, ҳозирда бўлиб турган жойларида қолишларини ва барча карантин чораларига қатъий риоя қилишларини сўраган эди.

234
Крупные платежные системы ограничили переводы в страны ЦА

БМТ мигрантлар учун пул ўтказмаларни бепул қилишни таклиф қилди

132
(Янгиланган 17:32 25.05.2020)
Ташкилот коронавирус пандемияси вақтида меҳнат мигрантлари учун молиявий юкламани камайтириш ва улар учун ватанига пул жўнатишни бепул қилиш зарур деб ҳисоблайди.

ТОШКЕНТ, 25 май — Sputnik. Бирлашган миллатлар ташкилоти қатор ташкилотга аъзо мамлакатларнинг пандемия даврида мигрантлар учун пул жўнатиш шароитларини енгиллаштириш ташаббусини қўллаб-қувватлади.

Ташкилот меҳнат мигрантлари учун молиявий юкламани камайтириш ва улар учун ватанига пул жўнатишни бепул қилиш зарур деб ҳисоблайди. Зеро, улар транзакция учун тўлаётган фоизлари, айниқса, пандемия шароитида оғирлик қилади.

БМТ пўл ўтказмалари ҳажмининг камайиши қашшоқ давлатлар иқтисодётига катта таъсир кўрсатишидан хавотир олмоқда. Улар шундоқ ҳам пандемиядан зарар кўрмоқда.

БМТнинг Инвестициялар ва ривожланиш жамғармаси ижрочи котиби Жудит Карл коронавирус пандемияси туфайли кўплаб мигрантлар ишсиз қолганини таъкидлаган. Ишлаётган мигрантлар эса уйларига пул жўнатишга қийналмоқда, чунки карантин чекловлари натижасида аксарият хизматлар тўлиқ фаолият юритмаяпти. У ҳозир меҳнат бозорига таъсир ўтказиш қийин, лекин пул ўтказиш шароитларини яхшиласа бўлади деб ҳисоблайди.

Аввалига ушбу ташаббус Британия ва Швейцариядан чиқди, кейин уни халқаро ташкилотлар, жумладан, Жаҳон банки ва БМТ таркибидаги бир қатор муассасалар қўллаб-қувватлади. Асосий мақсад – ривожланаётган мамлакатларга молиявий оқим йўлидаги тўсиқларни олиб ташлаш.

132

АҚШ яна бир муҳим шартномадан чиқмоқда - бу дунёга қандай хавф солади

0
(Янгиланган 22:28 25.05.2020)
АҚШ 1987 йилда имзоланган очиқ осмон шартномасидан чиқишини маълум қилди. Бу ҳақда президент Дональд Трамп эълон қилди.

Москвада Вашингтон бу айбловларни рад этди ва Россия томони ўз навбатида шартномадан чиқиб кетиш нияти йўқлигини билдирди.

Видеомизда Дональд Трамп халқаро хавфсизлик соҳасидаги яна бир муҳим келишувни қандай қилиб ўлдиргани ҳақида маълумот берамиз.

0