Складирование и контроль качества продукции

Ўзбекистонлик меҳнат мигрантларининг сони маълум қилинди

535
(Янгиланган 16:34 02.09.2019)
Анжуманда Россияда пайвандлаш (сваркачилик) соҳасида мигрантларга талаб катта эканлиги ҳамда пайвандлаш соҳасидаги мутахассисларга юқори ҳақ тўланаётганлиги маълум қилинди.

ТОШКЕНТ, 2 сен – Sputnik. 2019 йилнинг 30 август куни Адлия вазирлиги томонидан “Қонунчиликдаги янгиликлар” номли брифинг ва матбуот анжумани ташкил этилди. Унда ўзбекистонлик меҳнат мигрантларининг сонини очиқланди.

Адлия вазирлиги хабарида қайд этилишича, тадбирда иштирок этган Ташқи меҳнат миграцияси масалалари агентлиги масъул ходими Азим Аҳматов ҳозирда меҳнат мигрантларнинг сони тахминан 2,6 ва 3 млн атрофида эканлигини маълум қилган.

Шунингдек,у  Россияда пайвандлаш (сваркачилик) соҳасида мигрантларга талаб катта эканлигини ҳамда пайвандлаш соҳасидаги мутахассисларга меҳнати учун юқори ҳақ тўланаётганлигини маълум қилди. Хусусан, энг камида 1700 рубль миқдорида ҳақ олиши мумкинлигини билдирди.

Эслатиб ўтамиз, аввалроқ Ўзбекистон Бандлик ва меҳнат муносабатлари вазирлиги биринчи ярим йилликда Ўзбекистонда ишсизлик даражаси ўтган йилнинг мос даври кўрсатгичига қараганда 0,2 фоизга камайиб, иқтисодий фаол ёшдаги аҳолининг 9,1 фоизини ташкил қилганини маълум қилган эди. Таъкидланишича, чет элга меҳнатга қилгани кетган шахслар сони 2018 йил мос даври билан қиёслаганда 1,9 фоизга камайган. Статистик маълумотларга қараганда, Россиядаги ўзбекистонлик мигрантлар ҳар йили ватанига 4 млрд $ юбормоқда.

Шу билан бирга, Россия ФХХ ҳисоботига кўра, биринчи ярим йилликда Россияга 2,4 млн нафар хорижий фуқаро ишлаш мақсадида келган.

Ишлаш мақсадида келганларнинг аксариятини МДҲ мамлакатлари фуқаролари ташкил этади. Улар орасида Ўзбекистон етакчи - Россияга олти ой ичида 918 минг нафар ўзбекистонлик ишлаш учун келган. Тожикистон 523,9 минг киши билан иккинчи ўринда қайд этилган. Биринчи учликка Қирғизистон 265 минг киши билан киритилган. Кейинги ўринларда Украина (164,6 минг киши) ва Қозоғистон (105,3 минг киши) кўрсатилган.

535
Профессор Государственного университета управления Владимир Волох

Мигрантларни иш билан таъминлашда хусусий агентликларни фаол жалб қилиш керак - эксперт

158
ГУУ профессори, Россия Ички ишлар вазирлиги Миграция Бош бошқармаси қошидаги эксперт-маслаҳат кенгаши аъзоси Владимир Волох, коронавирус пандемияси РФда миграция ҳолатида қандай заиф томонларини аниқлаганини айтиб берди.

Россиядаги чет элликлар учун қонунчилик базасини такомиллаштириш керак, деди Давлат бошқарув университети (ГУУ) профессори, Россия Ички ишлар вазирлиги Миграция Бош бошқармаси қошидаги эксперт-маслаҳат кенгаши аъзоси Владимир Волох.

“Менимча, вақтинча яшашга рухсатнома каби институт аллақачон эскириб бўлди. Бу ерда тегишли ўзгартиришлар киритилиши керак”, - деди Волох Россиядаги меҳнат мигрантлари билан боғлиқ вазиятга бағишланган онлайн-конференцияда.

Унинг қўшимча қилишича, Россия Федерациясида меҳнат мигрантларига бўлган эҳтиёж қолаверади, деб ёзади Sputnik Тожикистон.

“Москва вилояти қурилиш ташкилотлари чет эллик ишчиларини жалб қилишдан манфаатдор, бу каби ҳолат уй-жой коммунал хўжалигида ҳам кузатилмоқда”, - деди профессор.

Аммо, унинг фикрича, кўп жиҳатдан, келиб чиқиш мамлакатларда қандай ишларни амалга ошириш мумкинлигини аниқлаш керак, мигрантларни ташкиллаштирилган ҳолда ёллашга эътибор қаратиш керак. Шунда чет элликлар қаерга кетаётганликларини ва уларни қандай шароитлар кутишини олдиндан билишади. Ўз навбатида, иш берувчилар уларга ким келишини тушунишади.

Волохнинг сўзларига кўра, бунинг учун хусусий бандлик агентликларини (ХБА) фаолроқ жалб қилиш керак.

“Улар қарорларни тезроқ қабул қиладилар, маълум амалий тажрибага эга. ХБАларнинг салоҳияти жуда катта”, - деб ҳисоблайди профессор.

Тафсилотларни аудиофайлда тингланг.

Волох: надо совершенствовать правовое поле России в отношении мигрантов
158

Россияда мигрантлар патент олиш учун коронавирусга тест топширади

379
27 июндан хорижликлар Россияда патент ёки ишлаш учун рухсатнома олиш учун COVID-19 га тест топширишлари керак бўлади.

ТОШКЕНТ, 28 июн — Sputnik. Россияда мигрантлар 27 июндан бошлаб патент олиш учун коронавирусга тест топширади. Тегишли фармон Россия Соғлиқни сақлаш вазирлиги томонидан қабул қилинди ва кучга кирди.

Маълум қилинишича, чет элликлар Россияда вақтинча яшаш учун гувоҳнома (РВП),  яшаш гувоҳнома (ВНЖ), патент ёки ишлаш учун рухсатнома олиш учун аввал COVID-19 га тест топширишади.

Агар таҳлил натижалари мусбат чиқса, юқоридаги ҳужжатларни бермаслик ёки бекор қилиш учун асос бўлади.

379
Подпись документов

Мирзиёев Соғлиқни сақлаш вазирлигида муҳим тайинловларни амалга оширди

0
Тайинловларнинг аксарияти вакант ўринларни тўлдириш ҳамда соғлиқни сақлаш тизими олдида турган долзарб вазифаларни ҳал этиш билан боғлиқдир

ТОШКЕНТ, 3 июл - Sputnik. Соғлиқни сақлаш вазири тўрт нафар янги ўринбосарга эга бўлди.

Ўзбекистон президентининг 3 июлдаги тегишли қарорига асосан Соғлиқни сақлаш вазирининг ўринбосари лавозимига Улуғбек  Сабиров тайинланди.

Сабиров 1974 йилда туғилган. 1997 йилда Тошкент давлат иккинчи тиббиёт институти (ҳозирги Тошкент тиббиёт академияси)нинг даволаш иши мутахассислиги бўйича тамомлаган, тиббиёт фанлари доктори.

Тайинловга қадар Дерматология ва венерология илмий текшириш институтида турли лавозимларда ишлаган. 2013 йилдан айни пайтга қадар Республика ихтисослаштирилган дерматология ва косметология илмий-амалий тиббиёт маркази директори лавозимида самарали фаолият юритиб келган.

Баситханова Эльмира Иркиновна яна вазирликка қайтди, у вазир ўринбосари этиб тайинланди.

Шунингдек, Молия вазири ўринбосари Шахрух Шарахметов Соғлиқни сақлаш вазирининг ўринбосари лавозимига тайинланди.

Шу вақтгача ушбу лавозимда фаолият кўрсатиб келган Баходир Низомов бошқа ишга ўтганлиги муносабати билан ўз лавозимидан озод этилди.

Шарахметов 1977 йилда туғилган. 1998 йилда Тошкент давлат иқтисодиёт университетини, 1999 йилда эса Буюк Британиянинг Эксетер университетини иқтисодчи, молия ва инвестициялар мутахассислиги бўйича тамомлаган.

Тайинловга қадар Молия вазири ўринбосари лавозимида самарали фаолият кўрсатиб келган.

Тайинловларнинг аксарияти вакант ўринларни тўлдириш ҳамда соғлиқни сақлаш тизими олдида турган долзарб вазифаларни ҳал этиш билан боғлиқдир.

Шунингдек, Ўзбекистон президентининг тегишли қарорига асосан Соғлиқни сақлаш вазирининг ўринбосари лавозимига Абдулла Азизов тайинланди.

Азизов 1981 йилда туғилган. 2003 йилда Япониянинг Нагоя университетини, 2004 йилда Жаҳон иқтисодиёти ва дипломатия университетини молия ва халқаро бизнес йўналиши бўйича магистр даражасини олган.

Шунингдек, Даниянинг Орхус университети магистратурасини, Орхус техника коллежини IT-дастурчи мутахассислиги бўйича тамомлаб, ушбу йўналишда меҳнат фаолиятини бошлаган.

Тайинловга қадар 2006 – 2019 йилларда Данияда қатор нуфузли компанияларда масъул лавозимларда ишлаган. 2019 йил сентябр ойидан айни пайтга қадар Ўзбекистон Республикаси Давлат солиқ қўмитаси раиси ўринбосари лавозимида самарали фаолият юритиб келган.

0